Ég var á miklu spani þá daga sem ég var á Íslandi og einhverjir sáu það þegar ég hélt úti Trendnet Snappinu (@trendnetis). Ég heimsótti nokkra viðburði hér og þar um bæinn, þar á meðal afmælisboð í Hafnarfirði hjá vinkonu minni Andreu Magnúsdóttur í AndreA Boutique. Ég sagði ykkur hérað ég fengi að velja einn heppinn viðskiptavin í Instagram leik hjá versluninni en í kvöld fóru vinningshafarnir í loftið – tvær heppnar sem unnu 40.000 krónur í inneign hjá versluninni (!) ..
Það var ég og Aldís Pálsdóttir ljósmyndari sem fengum þann heiður að velja vinningshafa. Aldís mætti einnig í afmælið og smellti af þessum skemmtilegu myndum –
Instagram veggur í verslun Andreu á Strangötu í Hafnafirði –
Hipp hipp húrra fyrir þessari ofur konu og 7 ára versluninni hennar –
Í kvöld (sunnudag) mun ég sitja fyrir framan skjáinn og horfa á “Leitin af upprunanum” á Stöð 2. Hún Brynja (hér til hægri) var stjarna fyrstu þáttanna – ég grét mjög mikið yfir þessum vel gerðu íslensku þáttum. Mæli með.
HÉR má sjá hverjar voru þær heppnu í Instagram leik “AndreA Boutiqe”.
xx,-EG-.
Elísabet Gunnars á Facebook – HÉR & Trendnet á Facebook – HÉR
Til hamingju með 40 ára afmælið NTC!! Fyrirtæki sem á alltaf svolítið af mínu hjarta. Í NTC kviknaði tískuáhuginn fyrir alvöru, 16 ára gömul, og þar vann ég í 7 skemmtileg ár. Fyrst með skóla í elsku Centrum sem þá var og hét (RIP) en svo sem verslunarstjóri í fleiri en einni verslun seinni árin í fullu starfi. NTC stendur fyrir Northern Trading Company og rekur 16 verslanir á höfuðborgarsvæðinu. 40 ár af fasjón er bara nokkuð vel gert …
Síðasta verkefni sem ég vann með NTC var eitt af skemmtilegri verkefnum sem ég hef tekið að mér – en það var þegar ég hannaði 10 einfaldar flíkur með verslun Gallerí 17 og þeirra undirmerki Moss. Enn í dag fæ ég fyrirspurnir hvað sé væntanlegt frá Moss Reykjavík eða hrós fyrir þær flíkur sem séu í sölu. Sumir virðast halda að ég standi á bak við Moss Reykjavík vegna línunnar, Moss by Elísabet Gunnars. Hér með fæ ég tækifæri til að leiðrétta þann misskilning.
Í dag, fimmtudaginn 27 október, verður afmælinu fagnað í verslun Gallerí 17 Kringlunni. Afmælisafslættir eru í öllum verslunum auk þess sem viðskiptavinum er boðið að taka þátt í veglegum afmælisleikjum á samskiptamiðlum. Meira: HÉR
Skilið frá mér afmæliskveðju ! ;) ég verð með í anda héðan frá sænska.
//
The biggest company in fashion retail in Iceland, NTC (Northern Trading Company), is celebrating their 40 years birthday.
NTC always has a small place in my heart, it’s where my fashion interest started when I start working there at the age of 16. I worked there for 7 years ending up as store manager in their most successful store, Galleri 17 in Kringlan. As you might also know I had a collaboration with their own brand, Moss Reykjavik, when we made 10 must-have items in the closet and the collection was named Moss by Elisabet Gunnars. One of my favorite projects!
Congrats to NTC ! 40 years of fashion is pretty good job..
xx,-EG-.
Elísabet Gunnars á Facebook – HÉR & Trendnet á Facebook – HÉR
Hin glæsilega Kim Kardashian er 36 ára í dag. Kim er alltaf glæsileg finnst mér & ég er mjög hrifin af stílnum hennar. Hún er alltaf vel til fara & klæðir sig eins & hún vill sem ég fíla.
//Hér eru mín uppáhalds look – (þau eru örugglega fleiri).
Til hamingju með afmælið Kimmie!
Góða helgi!
x
Endilega fylgist með mér á Instagram: @sigridurr, & einnig á SnapChat undir nafninu siggamagga
Í gær varð ég tvítug & Gummi kærasti minn varð tuttugu og eins!! Í tilefni þess fórum við út að borða á SKY Restaurant. Vetingastaðurinn er mjög fallegur & útsýnið er ótrúlegt. Við fengum okkur bæði lambafille með bernaise sósu og bakaðri kartöflu. Og fengum okkur auðvitað kokteil með til að fagna tvítugs afmælinu mínu & tuttugu og eins árs afmælinu hans Gumma! Maturinn var æðislegur & dagurinn í heildina var yndislegur.
x
sigridurrEndilega fylgist með mér á Instagram: @sigridurr, & einnig á SnapChat undir nafninu siggamagga
Um helgina hélt ég upp á þrítugsafmælið mitt og heppnaðist veislan svo vel að ég á til með að gera færslu um hana. Ég var búin að ákveða þema nokkrum vikum áður en ég mæli með því fyrir ykkur í partýhugleiðingum til að geta séð fyrir ykkur veisluna sem þið viljið og ákveða stemminguna útfrá því, þá er líka auðveldara að finna til skreytingar og veitingar sem passa við heildina. Ég ákvað að hafa tropical þema sem er alveg tilvalið á sumrin og er svo skemmtilegt. Ég pantaði flest allt skrautið að utan til að spara mér smá pening en það er svakalegur verðmunur á t.d. blöðrum hér heima og ég mun láta alla linka fylgja með neðar í færslunni.
Veitingarnar gerði ég flestar sjálf en ég viðurkenni að eldamennska er ekki mín sterka hlið og ég var því búin að ákveða að vera með nóg af mojito og makrónum því þá myndi allt hitt líta vel út sem það svo gerði, veitingarnar slógu allar í gegn. -Tek þær líka allar saman neðar í færslunni.
Hér má sjá smá moodboard sem ég byrjaði að setja saman löngu áður, svona er ég bara gerð mér finnst alveg agalega skemmtilegt að spá í skreytingum og finnst þær oft vanmetinn partur í veislum.
Þegar ég skoða þessar myndir í dag þá er þetta nánast alveg sami fílingur og ég var svo með en hér að neðan má sjá nokkrar myndir úr sjálfu boðinu. Það sem ég pantaði að utan var fyrst og fremst bleikur flamingófugl (!) mögulega óþarfi en ég hef alveg hrikalega gaman af svona dóti, svo gylltar “Happy birthday” blöðrur ásamt risastórum “30” ára blöðrum, bleikar blöðrur, hvítar veifur og tropical laufblöð. Ég tek það fram að ég sendi mitt á vinkonu í UK sem sameinaði alla pakkana og sendi mér sem gjöf.
Þetta var ekki matarboð en þó er alltaf gaman að geta boðið upp á veitingar til að enginn verði svangur. Það sem ég bauð upp á voru makrónur frá Ellu, tómatcrostini með þeyttum fetaost, ofur ljúffengt brauð ala mamma -uppskrift síðar því það báðu allir gestirnir um hana, lakkrískubba, döðlu og ólífupestó, ofnbakaðan brie með mango chutney og ostadisk með vínberjum, melónu og parmaskinku. Ásamt því var Mojito bolla, hvítvín og óáfengt fyrir óléttu vinkonurnar:)
Servíetturnar eru úr Söstrene Grene, dúkurinn frá Hay og litlu bleiku flamingóarnir eru úr Tiger
Ég er búin að fá margar fyrirspurnir varðandi glasaskrautið sem heitir Bongó blíða en þetta er íslensk hönnun sem er því miður hætt í framleiðslu. Þetta fékkst í Spark design space fyrir nokkrum árum og mér áskotnaðist heill bunki af þessu fyrir 25 ára afmælið mitt og á þetta því ennþá til ofan í skúfffu. Algjörlega æðisleg hönnun sem mætti vel vera enn í sölu:)
Veitingarnar gerði ég flestar sjálf en leyfði mér þó að kaupa makrónur til að setja punktinn yfir i-ið, mér þykja þær vera guðdómlega góðar og svo eru þær svo hrikalega fallegar á veisluborðið. Ég fékk mínar hjá Ellu franskar makrónur -þið finnið hana á facebook, en hafði heyrt mjög gott af þeim látið og þær voru algjört æði, og ég má til með að mæla með þeim! Ég valdi saltkaramellu, lakkrís og hindberja makrónur og fékk líka að velja litina. Mmmm ég er í alvöru ennþá að hugsa um þessar makrónur. Þær eru í raun líka tilvalin tækifærisgjöf, t.d. til að taka nokkrar með í matarboð og færa gestgjafanum:)
Þegar leið á kvöldið urðu 30 blöðrurnar hin besta skemmtun og mjög fínt myndaprops en ég er ekki ennþá búin að taka niður veifurnar né blöðrurnar, finnst óvenju skemmtilegt að vinna heima þessa dagana;)
Fyrir áhugasama þá er þessi geggjaði marmarabakki úr Kokku… ég elska hann í tætlur:) P.s. ég vil taka það fram vegna fyrirspurna að það er aðeins loft í mínum blöðrum enda er helíum gas alltof verðmætt til að eyða í blöðrur:)
Eitt veisluráð sem ég fékk frá mömmu eftir veisluna var að skrifa niður allar veitingarnar, vínið og fjölda á gestum til að eiga til fyrir næstu veislu sem ég kem til með að halda, þá veit ég hvað hefði mátt fara betur og hvað hefði mátt vera til meira eða minna af. Fínt ráð fyrir okkur sem erum ekki þaulvanir partýhaldarar en ég lenti í miklum tímaþröng því ég var alveg búin að vanmeta tímann sem fór í undirbúning og þurftu því fyrstu gestirnir að klára að græja með mér ýmislegt. Mun klárlega skrifa það niður að byrja fyrr á næstu veislu til að hafa þá tíma til að gera sjálfa mig reddý og klára allar skreytingarnar sem ég ætlaði að búa til en náði svo ekki. Er annars mjög sátt með útkomuna og átti alveg magnað kvöld♡
Ef þið höfðuð gaman af færslunni megið þið endilega smella á like hnappinn hér að neðan eða skilja eftir nokkur orð, það er alltaf svo gaman að heyra í ykkur!
Cant believe she is already 3 years old, my little girl <3
Our baby is turning 3 years old tomorrow the 9th of May and yesterday we held her birthday bash. We had a great party with almost 50 guests, a little crazy but tons of fun. Luckily the weather was on our side and we where able to have the doors open to the garden. We had face painting and a traditional Swedish game called “fiskdamm“. We served hot dogs with chips, cucumbers, carrots and apples for the children and different finger food for the grown ups. The cake we ordered from 17sortir and the decoration I made most myself. Paper plats and cutlery is all from Petit.
I wish I had been taking more pictures during the party but I was too busy enjoying it ;)
Dagurinn var frábær og innihélt fund, hádegismat á Gló, heilnudd og baðstofu í Laugar spa og kvöldstund með fjölskyldu og vinum. Mamma og pabbi héldu heljarinnar humarveislu fyrir fjölskylduna og svo komu nokkrir vinir í kaffi og köku eftir það.
Klárlega skemmtilegasti mánudagur hjá mér í langan tíma.
Outfit
Buxur: Forever 21
Bolur: hjálpræðisherinn í NY
Leðurjakki: second hand
Gervipels: GUESS
Sneaks: Adidas Originals
Það var fyrir tilviljun að ég uppgötvaði rétt áðan að bloggið mitt á 6 ára afmæli í kvöld! Ég er alveg innilega stolt af blogginu mínu og ó það sem það hefur fært mér mörg tækifæri því gæti ég seint neitað. En toppurinn á þessu öllu er án nokkurs vafa allir lesendurnir og hvað ég hef einnig náð að kynnast mörgum ykkar sem er svo skemmtilegt. Svo væri þetta blogg alveg núll og nix ef enginn nennti að lesa það. Ég gæti skrifað heila ritgerð um hvað ég er þakklát og allt það, en ég þekki mig, ég myndi stroka það hvort sem er allt út í lokin því mér finnst oft óþægilegt að vera of persónuleg hér inná. Ég er hinsvegar með góða færslu í vinnslu sem einhverjum gæti þótt áhugaverð, en hún er um allt sem þarf að vita til að byrja að blogga! Því eitthvað ætti ég nú að hafa lært á undanförnum 6 árum, eða við skulum nú vona það a.m.k;) Ég ætla svo við tækifæri að ná að fagna þessum flotta áfanga og hvað er betra en að gefa ykkur gjöf í því tilefni! Ég var aðeins að vafra um á netinu í kvöld og fannst því tilvalið að sýna ykkur nokkur góð DIY sem ég hef verið að safna saman lengi, en þið ykkar sem hafið fylgst hvað lengst með ættuð að muna eftir óteljandi DIY færslum í byrjun. P.s. ef þið viljið vita hvernig öll þessi snilldarverkefni eru búin til, þá sjáið þið upphaflegu myndirnar í DIY möppunni á Pinterest síðu Svart á hvítu og með því að klikka á tiltekna mynd þá farið þið yfir á leiðbeiningarnar. Njótið!
Hvernig lýst ykkur annars á að fá smá leiðbeiningar um hvernig á að byrja að blogga? Fjölbreytni er frábær og það er aldeilis pláss fyrir fleiri áhugaverð blogg á markaðnum! Svo megið þið endilega smella á like-hnappinn ef ykkur lýst vel á gjafahugmyndina sem ég nefndi hér að ofan, það er alltaf mikið skemmtilegra að gefa en að þiggja, núna þarf ég bara að finna viðeigandi afmælisgjöf:)
Á þessum fallega degi, þessum síðasta degi mínum sem 25 ára, er svo sannarlega gaman að hugsa til baka yfir síðasta árið. Síðasta ár er svo sannarlega búið að vera viðburðarríkt í mínu lífi og ég er ótrúlega þakklát fyrir allt það sem það hefur fært mér.
Ég varð tveggja barna móðir, það var sannarlega hápunktur ársins að eignast einn heilbrigðan dreng í viðbót sem færir mér svo óendanlega mikla hamingju. Hann Tumi er dásamleg viðbót við okkur fjölskylduna og ég komst að því að það er mín lukka í lífinu að vera umkringd fallegum herramönnum.
Ég hóf 25 ára með ferð til yndislegu London þar sem ég hitti m.a. tvær af mínum fyrirmyndum. Þær Samantha og Nic Chapman betur þekktar sem skaparar Real Techniques burstanna eru konur sem ég lít svo mikið upp til! Þær eru glæsilegar konur sem virðast hafa það allt, feril, fjölskyldu og svo eru þær bara yndislegar í alla staði. Mikið veittu þær mér mikinn innblástur á þessum stutta tíma sem ég talaði við þær. Stundum þarf maður að fá svona power boost – þegar maður hefur kannski aðeins staðnað í starfi og lífi, ég fékk power boost frá þessum konum þegar ég hitti þær. Í kjölfarið ákvað ég að setja mér háleit markmið sem voru eitt sinn draumar og hafa í kjölfarið ræst, markmið sem tengjast starfi og þessari síðu og ég get mjög stolt sagt að mér hefur tekist að ná mörgum þeirra þó einhver séu eftir. Þær Chapman systur hafa alla vega kennt mér það að draumar eru gerðir til þess að rætast en það er ekki málið að sitja bara á rassinum og bíða eftir að einhver komi og færi manni tækifæri á silfurbakka maður verður að fara út og grípa þau!
Á lífsleiðinni er maður svo heppinn að fá að hitta fólk sem maður lítur á sem fyrirmyndir sínar í lífi eða starfi. Stundum verður maður svo heppinn að kynnast þessu fólki persónulega og fær að kalla þá vini sína. Ég lagði mikla áherslu á að rækta vinskap við fólkið mitt og passa uppá að samböndin okkar myndu dafna og þroskast. Þetta var partur af mikilli sjálfskoðun sem ég tók sjálfa mig í. Ég hef það fyrir reglu að koma vel fram við alla, ég er kurteis og ég tala ekki illa um neinn sama þó mögulega ég hafi heyrt það að einhverjir aðilar tali ekki vel um mig. Ég tel það eitt af mínum stærstu afrekum á síðasta ári að bregðast ekki hart gagnvart neikvæðni í minn garð og reyna að taka öllu með ró og yfirvegun.
Ég hef tekið sjálfa mig í mikla skoðun á síðastliðnu ári. Ég fór svona að pæla í því hvort ég væri ánægð með það hver ég væri sem manneskja og sem fyrirmynd drengjanna minna. Ég ákvað að til að vera góð fyrirmynd yrði ég að taka mig sjálfa á og rækta mig og andlegu hlið mína, ég held að þetta hafi verið einhver sú allra besta ákvörðun sem ég hef nokkru sinni tekið.
Ég tók það stóra skref að labba inn á stofu hjá geðlækni með von um að uppræta fæðingarþunglyndið sem hrjáði mig eftir að ég átti Tinna Snæ. Það var ákvörðun sem ég tók með börnin mín og mann í huga að mamma þeirra myndi ekki verða eins og síðast – þetta var það versta sem ég hef upplifað með sjálfa mig og ég ætla aldrei á þennan stað aftur. Með hjálp Fyrstu Tengsla get ég nú sagt að mér líður svo miklu betur. Ég var greind með mikinn kvíða og þarf nú að taka kvíðastillandi lyf á hverjum degi til að hjálpa mér að halda góðu andlegu jafnvægi. Ég hvet alla foreldra sem eiga mögulega við smá erfiðleika að stríða, bæði mömmur og pabba, að leita sér upplýsinga um þessa einstöku starfsemi. Það er svo mikilvægt að mömmu og pabba líði vel svo börnunum líði vel.
Það hefur oft litað mitt líf að vera dóttir alkóhólista, mamma mín hefur verið óvirk í fjöldann allan af árum og er sérstaklega dugleg að vinna í sjálfri sér. Okkar samband hefur ekki alltaf verið gott og á köflum hefur það bara verið svakalega slæmt og ég held við báðar værum fyrstar til að viðurkenna það. Það tók mig langan tíma að ákveða að það væri kominn tími til að gera upp erfiðleika og tilfinningar sem sátu í mér í kjölfar þess að hún fór í meðferð. Ég get ekki lýst því hve reið ég varð þegar ég heyrði af því að hún hefði farið í meðferð en mér þótti það léleg afsökun fyrir öllu því sem hafði á undan gengið. Það tók mig ofboðslega langan tíma að skilja þennan sjúkdóm, að skilja mömmu mína og þetta tók mikið á. Ég tók þessu af mikilli reiði og ég ákvað að þessar tilfinningar mínar væru best geymdar einhvers staðar langt undir yfirborðinu því ég var ekki tilbúin til að takast á við þær. Það var ofboðslega vond ákvörðun, en ég þurfti að komast að því sjálf. Ég þurfti sjálf að finna það að það væri kominn tími til að gera upp þessi ár. Með góðri aðstoð bestu vinkonu minnar og yndislegs þerapista hef ég komið þessum tilfinningum öllum uppá yfirborðið. Ég hef náð að skilja betur tilfinningarnar mínar og tilfinningar mömmu minnar. Áður en ég fór í talmeðferð hjá þerapistanum mínum þá stóð í þeim sporum að annað hvort gæti ég bara ekki átt samband við mömmu mína eða ég yrði bara að fara að gera eitthvað í þessu. Sem betur fer ákvað ég að vinna í mínum málum og ég held að þessi ákvörðun hafi gert það að verkum að ég gat tekið sjálfa mig í þessa miklu sjálfsskoðun. Í dag eigum við miklu betra samband en mig hefði nokkru sinni órað fyrir, ég hef lært betur á það hvernig samskipti ég vil hafa og við höfum báðar sett hvor annarri mörk. Eitt það mikilvægast sem ég hef lært á þessu ferli er að setja mig í spor hennar svona af og til. Það var ekki auðvelt en það var nauðsynlegt svo ég áttaði mig á öllum hliðum á þessu sambandi okkar. Ég sá loksins að mamma mín var að reyna sitt allra besta og ég varð að gefa henni svigrúm til að átta sig á því hvernig samband hún vildi eiga við mig og ég varð líka að átta mig á því hvernig samband ég vildi eiga við hana. Mamma mín er eins og ég bara mannleg en ég get svo sannarlega séð það í dag að hún er öll af vilja gerð til að gera sitt besta, ég er líka að gera mitt allra besta. Hún er alveg frábær amma og ein sú allra mikilvægast ákvörðun sem ég hef tekið er að láta okkar samband aldrei hafa áhrif á samböndin sem hún myndar við syni mína. Hún er mikilvægur partur af þeirra lífi og Tinni Snær gjörsamlega dýrkar hana og mér þykir mjög vænt um það. En eins og ég segi þá hefði ég aldrei náð að komast á þann stað sem ég er í dag andlega nema ég hefði byrjað að vinna í þessum málum. Því þó ég hefði ekki viljað tala um þau og ýtt þeim frá mér og hafði ákveðið að þau myndu ekki fá neitt á mig þá voru þessi sár ofboðslega stór og það er vont að lifa með svona mikla reiði útaf óuppgerðum hlutum inní sér. Ég er ekki búin í þessari vinnu og ég ætla að halda henni áfram.
Ég ákvað að losa mig við neikvæðni, ég reyna að sjá jákvæðar hliðar á öllu og hef vanið mér þann sið að brosa bara framan í erfiðleika, drama og vesen og hugsa í lausnum en ekki vandamálum. Dramatík og neiðkvæðni fleytir manni ekkert en jákvæðni það er sko allt annað mál. Svo eru það hrósin ég ákvað að hrósa miklu miklu meira og vitið þið hvað það skiptir ofboðslega miklu máli að hrósa. Hrós færa fólki svo mikla gleði og mér finnst dásamlegt að fá að taka þátt í því að gleðja fólkið í kringum mig. Ef maður brosir framan í heiminn þá brosir heimurinn framan í mann tilbaka – það er mikill sannleikur í þessu ég hvet ykkur til að prófa.
Þó það líti útfyrir kannski fyrir marga að ég sé voða örugg með sjálfa mig og eigi mjög auðvelt með að opna mig þá tók ég tvö ofboðslega stór skref útfyrir þægindarammann á síðastliðnu ári. Ég fór í forsíðuviðtal við Vikuna núna í vor þar sem ég opnaði mig um fæðingarþunglyndi, fósturmissi og kvíða. Ég þurfti svona smá að mana mig upp í það en það sem gaf mér kjarkinn var að mögulega gæti mín reynsla hjálpað öðrum í sömu sporum. Þegar ég fór í gegnum mína erfiðleika upplifði ég mig svo eina það var ekki fyr en ég fór að tala um erfiðleikana sem ég fann fleiri í sömu sporum og ég var. Hitt skrefið var snapcat rásin mín, það eru kannski ekki allir sem sjá það sem eitthvað voðalega stórt skref en það er það. Þar inni gef ég fylgjendum mínum stóran part af mér og gef mikið færi á mér, ég geri mér vel grein fyrir því að ég er auðvelt skotmark þegar kemur að gagnrýni og ég veit það vel að það er fullt af fólki sem hefur ekkert gaman af mér og þykir ég voða yfirborðskennd og skrítin. En inná snappinu fæ ég tækifæri til að sýna hvernig ég er í raun og veru og það er kannski smá erfitt að geta ekki skýlt sér á bakvið orð á tölvuskjá. Ég þurfti alveg að venjast þessu en mér finnst þetta í dag mjög gaman og ómissandi tenging við marga af mínum lesendum.
25 ára var ár sjálfskoðunar, ég kem sterkari frá því en ég var og ég hlakka til að vakna á morgun 26 ára og takast á við ný verkefni sem árið mun færa mér. Ég hef mikla trú á því að 26 ára verði svakalega skemmtilegur aldur og það eru mörg spennandi verkefni framundan!
Framundan er afmæli!! Já krakkar mínir ég er að verða 26 ára ef þið trúið því – ég er sjálf enn 21 árs í anda ;) Aðalsteinn og foreldrar mínir eru búnir að biðja dáldið oft um að ég birti óskalista af því hvað mig langar í afmælisgjöf – það er víst voða erfitt að gefa mér gjafir – skil ekki hvaðan það kemur ;)
Svo ég lá yfir netinu núna í smá tíma og týndi saman nokkra hluti sem mig langar í – sumir eru praktískir en aðrir eru bara svo fallegir…
Hangandi blómapottur, mig hefur lengi langað í einn svona og ég veit uppá hár hvert ég myndi hengja hann upp. Mér finnst þessir frá Postulína alveg rosalega fallegir.
Apinn frá Kay Bojesen hefur verið lengi á óskalistanum. Mér finnst þetta svo ofboðslega fallegur gripur sem myndi sóma sér vel inná mínu heimili.
Katanes Poncho frá Farmers Market, hvað er betra en að eiga eitt svona hlýtt poncho frá einu af mínum uppáhalds íslensku merkjum fyrir komandi vetur. Fullkomið til að kasta yfir sig þegar maður er með smá hroll.
Lovesong vasi frá Kahler, ég er með svona vasablæti þessa stundina, mig langar bara í fullt af fallegum vösum. Ábyggilega helst til þá að skreyta heimilið með lifandi blómum.
Tooticky múmínbollinn, einn af þeim fáum sem ég á ekki en langar að bæta við í safnið :)
Face Paint eftir Lisu Eldridge – bók drauma minna! Loksins tók sig einhver til og gerði bók um sögu förðunar og ég elska að það hafi verið hún Lisa sjálf, ein af mínum uppáhalds!
Kastelhelmi krukkurnar frá iittala, ég er svakalega hrifin af Kastelhelmi munstrinu frá iittala og frá því ég sá þessar krukkur fyrst hjá henni Svönu hafa þær verið á mínum óskalista.
Tölvutaska frá Knomo, ég rakst á þessar fínu tölvutöskur inní Epli.is búðinni í Smáralind um daginn. Fyrsta sinn sem ég sá fallega tölvutösku sem mig langaði í. Mín er nefninlega ónýt svo tölvan er alls ekki nógu vel varin þegar ég þarf að fara með hana á flakk.
Iphone 6S Plus – þessi verður minn, ég þarf bara aðeins að spara og já borga brúðkaup fyrst…. Ætlast nú ekki til að neinn gefi mér þennan grip en hann er svo fallegur að hann fékk að vera með :)
Marmarasængurverin frá Ferm Living sem fást í Hrím. Falleg sængurver eru mér ómótstæðileg það er bara þannig!
Annars er líka á óskalistanum að njóta dagsins og fá að gera eitthvað skemmtilegt með strákunum mínum. Mér finnst ómetanlegt að skapa minningar með þeim og ég vona að við getum líka bara notið þess að vera saman!
