Nú er komið að næstu videoumfjöllun og enn og aftur er maskari á ferðinni. Ég held að öllum snyrtivörum sem eru til í heiminum þá sé til mest af týpum af möskurum… ;)
Sem gerir eflaust það að verkum að við erum alltaf að leita okkur að hinum fullkomna maskara og finnum alltaf eitthvað að hinum og þessum maskara. Auðvitað eru ekki allir maskarar fullkomnir og ég nota ekki alla maskara ég reyni helst að horfa á sölupunkta hvers maskara þegar ég prófa þá og reyni að sannreyna þá – ef þeir standast punktana þá fá þeir stig frá mér.
Maskarinn sem ég tek fyrir núna er frá L’Oreal og heitir So Couture og er í Million Lashes fjölskyldunni hjá L’Oreal. Ég ýki ekki þegar ég segji að þetta sé uppáhalds maskarinn minn þessa stundina og hann er búinn að vera það síðan ég prófaði hann fyrst. Héðan í frá mun ég bera alla maskara saman við þennan maskara og það verður erfitt að skora hærra en þessi. Augnhárin mín verða nákvæmlega eins og ég vil hafa þau með So Coture en mér finnst best að lýsa honum þannig að hann ýkir náttúrulegt útlit minna augnhára.
Veljið endilega að horfa á videoið í HD upplausn – miklu betra þannig ;)
Ég mæli svo eindregið með þessum maskara – ég get ekki lýst því nógu vel hversu heit ást mín er á þessum maskara – ég dýrka hann útaf lífinu. Ekki bara vegna þess að hann gerir augnhárin mín falleg heldur líka vegna þess að hann hefur aldrei hrunið eða smitast undir augun hjá mér og samt er þetta þykkingarmaskari – það er sjaldgæft. Ég er alla vega búin að nota þennan síðan í byrjun febrúar og það hefur aldrei komið fyrir hjá mér.
Svo er ég bara spennt að sjá hvort fleiri séu sammála mér með ágæti þessa maskara – en ég fylgist annars bara grannt með umræðunni um mig á Bland.is – smá grín, maður verður að hafa húmor fyrir sjálfum sér ;)
Ef ykkur langar að prófa þennan maskara þá langar mig að gefa þremur lesendum hann í páskaglaðning (ég lofa þó ekki að hann verði kominn fyrir páska enn ég skal reyna). Það eina sem þið þurfið að gera til að eiga kost á því að fá hann er að setja Like á þessa færslu og skilja eftir athugasemd með fullu nafni og fylgjast vel með síðunni minni á fimmtudaginn þegar ég kynni sigurvegara.
EH
p.s. þessi fæst á öllum sölustöðum L’Oreal t.d. í Hagkaupum, Lyfju og Lyf og Heilsu – ef þið eruð í kaupstuði núna getið þið fengið hann HÉR.
Skrifa Innlegg