Um helgina eru framkvæmdadagar hjá verðandi foreldrunum. Aðalsteinn og tengdó ætla að mála herbergið okkar og á meðan ætla ég að pússa upp rimlarúmið fyrir bumba litla. Rúmið er voða einfalt og fallegt hvítt á litinn og með smá sögu þar sem tveir litlir frændur hans Aðalsteins notuðu það á undan. Svo erum við búin að finna voða krúttlegan kant til að setja meðfram rimlunum inní Babysam. Ég er orðin svo ótrúlega spennt fyrir öllu sem er framundan en um leið er ég svo uppgefin að ég er farin að telja niður dagana í settan dag – 53 dagar til stefnu!
Við erum með ótrúlega stórt og rúmgott herbergi sem við ætlum að hólfa niður til að gera smá sér rými fyrir bumba og dótið hans þangað til hann fær sérherbergi seinna. Hér sjáið þið fyrir mynd og fljótlega kemur svo eftir mynd:)
Hér við Elliðárvatn er hvít jörð og voða kósý svo jólin hljóta að vera á næsta leiti – góðir hlutir gerast hægt:)
EH
Skrifa Innlegg