Ég fékk inn spurningu í gegnum netfangið mitt sem snerti kögurhálsmenið sem ég er með á forsíðuborðanum mínum. Spurningin var um hvernig ég gerði það…
Þetta er nú bara mjög einfalt, ég klippti sokkabuxur á alls konar litum niður í ræmur, sirka 1cm á breidd – togaði þær svo aðeins til svo þær rúlluðust saman. Svo notaði ég einn legg af svörtum nylon sokkabuxum og batt ræmurnar á hann – svo batt ég bara svarta legginn utan um hálsinn. En það tók dáldinn tíma og mikið af sokkabuxum til að fá það svona stórt og mikið;)
Mig langaði svo að leyfa fleiri hálsmenum sem ég hef föndrað úr sokkabuxum með í færslunni – eins og þið sjáið vonandi þá er hægt að nota sokkabuxur í alls konar fínerí. Mín hálsmen eru öll úr ónotuðum sokkabuxum en þegar ég var í sem mestu föndurstuði hafði ég aðgang að sokkabuxnaprufum sem ég nýtti mér.
Svo hef ég líka reynt að gera þessi einföldustu aðeins öðruvísi með því að þræða tréperlum uppá ræmurnar – ég fékk þessar í Tiger.
Hálsmenið fræga;)
Svo hef ég líka gert svona hálsmen þar sem ég hnýti saman sokkabuxurnar og föndra eitthvað sem mér finnst helst líkjast kóröllum…
og svo auðvitað kúluhárböndin mín – hef aðeins verið að fikra mig áfram með að gera þau sérstakari með því að lita sokkabuxurnar;)
Það er hægt að gera ýmislegt úr sokkabuxum eins og þið sjáið :D
EH
Skrifa Innlegg