Hring eftir Hring er eitt af mínum uppáhalds íslensku merkjum. Mér finnst skartgripirnir sem hún Steinunn Vala hannar svo fallegir og einstakir. Ég fékk hálsmen frá henni í jólagjöf frá Aðalsteini og hef notað það mikið síðan þá – mér finnst það passa við allt.
Í síðustu viku fór ég í verkefni útá land með Aldísi Pálsdóttur ljósmyndara. Við vorum við Seljalandsfoss að taka myndir fyrir geisladisk hjá íslenskri söngkonu sem er búsett í DK. Aldís hafði fengið lánað skart frá Steinunni Völu og þar á meðal var gullfallegur postulínsfiskur sem er nýr hjá merkinu.
Um leið og ég sá hann þá vissi ég að ég þyrfti að eignast hann – hann er svo látlaus og skemmtilegur. Ég notaði hann fyrst núna í vikunni bara við gallabuxur og gráan stuttermabol – basic og flott og fiskurinn fékk að njóta sín!
Fiskurinn er bæði til sléttur og hrjúfur og á meninu er trékúla sem kemur í ólíkum stærðum sem minnir mig helst á flotholt eins og á veiðistöngum.
Þegar ég fór og valdi fiskinn minn þá fékk ég að taka myndir inní vinnustofunni hennar Steinunnar Völu – ótrúlega skemmtilegt rými fullt af fallegum skartgripum. Sýni ykkur þær seinna;)
Skartið frá Hring eftir Hring fæst í langflestum hönnunarbúðum eins og t.d. Kraum, Mýrinni og Epal.
EH
Skrifa Innlegg