Ég lét loksins verða af því að kaupa mínar fyrstu förðunarvörur frá merkinu Benefit og ég hlakka mikið til að prófa þær. Sérstaklega þegar þið kæru lesendur getið ekki hætt að lofa þeim ;)
Ég ákvað eftir mikla skoðun að kaupa tvo pakka sem innihalda litlar pakkningar af snyrtivörunum frá merkinu. Mér fannst það besta leiðin þar sem mig langaði að prófa sem flestar vörur frá merkinu. Hér sjáið þið pakkana tvo sem ég valdi að kaupa. Á næstu dögum ætla ég svo að segja ykkur hvað mér finnst um vörurnar.
Eitt af því sem ég hef ákveðið að gera í Kaupmannahöfn er að heimsækja Sephora verslunina til að skoða vörurnar, sem fást einmitt þar, betur.
Ég eyddi gærkvöldinu í að pota í allar vörurnar og sjá hvernig ég gæti notað þær en þær bjóða uppá marga möguleika til notkunar. Það fyrsta sem ég tók eftir var hvað allar vörurnar ilma vel – meirað segja púðurvörurnar. Þessar eru allar komnar í snyrtibudduna mína :)
Verðum við ekki nú allar að leggjast á eitt og krefjast þess að vörumerkið verði fáanlegt á næstunni hér á Íslandi?
EH
Skrifa Innlegg