Nú finnst mér kominn tími til að tala um uppáhalds snyrtivörunetverslanirnar mínar eftir þó nokkrar ebay færslur. Ein af mínum allra uppáhalds er þessi HÉR – Love Make Up. Verslunin býður uppá þónokkur vinsæl merki og flest þeirra eru ófáanlegt hér á landi.
Búðin sendir frá Bretlandi sem þýðir það að sendingarkostnaðurinn er ekki hár – venjulega bara nokkur pund – og sendingartíminn gerist varla styttri. Það hefur komið fyrir hjá mér að fá vörurnar bara í sömu viku og ég kaupi þær og það er undantekning ef biðin er lengri en 10 virkir dagar.
Hér sjáið þið örlítið brot af því sem er í boði – ég mæli með að þið kíkið bara sjálfar á úrvalið!
Real Techniques burstarnir hennar Samönthu hjá Pixiwoo fást í versluninni, ég er bara búin að vera að nota þessa bursta síðan ég fékk mér þá fyrir nokkrum vikum síðan. Ótrúlega mjúkir og góðir.
Makeup Atelier er merki sem ég lærði meðal annars á þegar ég var í förðunarskólanum, ótrúlega góðar vörur. Þetta er reyndar eina merkið sem þeir senda ekki út fyrir Bretland svo maður þarf helst að þekkja einhvern sem er til í að vera milliliður:)
Lip Tar frá OCC – þið finnið hvergi varaliti með jafn sterkum lit eins og þessa hér.
Snilldarmerkið Lime Crime er fáanlegt í versluninni ef þið hafið ekki nú þegar prófað vörur frá þeim þá mæli ég með því að það verði ykkar næsta verk.
Mig dreymir um Sigma förðunarburstana, þessir eiga að vera þeir bestu og ég hef aldrei heyrt neitt slæmt um þá. Mest langar mig í augnförðunarbursta settið þeirra.
NYX makeup merkið er með mjög gott vöruúrval í búðinni og t.d. kosta Jumbo blýantarnir rúmlega 3 pund sem eru sirka 7-800 kr – gjafaverð:)
Ef ykkur vantar vinkonugjafir fyrir jólin þá ættuð þið að finna þær hér – og ef þið pantið sem fyrst þá ætti sendingin að berast ykkur fyrir jól.
EH
Skrifa Innlegg