Heima hjá mér er alltaf pláss fyrir fleiri múmínbolla hvað svo sem hann Aðalsteinn minn segir. Þeir eru fáir hlutirnir á heimilinu mínu sem eiga jafn stórt pláss í hjarta mínu og þeir. Það að velja mér bolla í hvert sinn eru mikil erfiði því ég á dáldið erfitt með að gera uppá milli þeirra og ég veit að þið sem eruð jafn miklir aðdáendur og ég eruð á sama máli.
Eins og þið kannski vitið sem fylgist vel með koma reglulega nýjir bollar í sölu og aðrir hætta í framleiðslu þá á móti. Nú þegar er kominn bollinn sem sýnir fallega bláa húsið sem fjölskyldan býr í og ég birti mynd af sumarbollanum á Facebook síðu bloggsins en svo eru tveir karakterar sem fá nýja bolla – einn af þeim er nú orðinn minn og hann gæti líka orðið þinn ef heppnin er með þér…
Hér sjáið þið nýjasta bollann í safninu mínu – hún Mía litla. Eins og hjá svo mörgum öðrum þá er Mía minn uppáhalds karakter úr þessum fallegu bókum en mér þótti bollinn sem var á undan ekki nógu fallegur svo ég freistaðist aldrei til að kaupa hann. En um leið og ég sá þennan þá vissi ég að hann yrði að verða minn! Á myndinni hér fyrir ofan sjáið þið hvernig myndirnar á bollanum eru.
Mér finnst hann algjört æði og ef þú ert hrifin/nn af honum líka þá gæti hann orðið þinn ef þú bara…
1. Deilir þessari færslu á Facebook með því að ýta á deila takkann hér fyrir neðan.
2. Skrifar í athugasemd við þessa færslu hver þinn uppáhalds múmín karakter er.
Ég dreg svo út einn heppinn úr öllum athugasemdunum á sunnudaginn og gleð hann/hana með þessum fallega bolla.
Eflaust eru einhverjir þarna úti eins og ég sem geta ekki beðið og vilja tryggja sér bollann sem fyrst – bollinn kemur formlega í sölu þann 1. mars – eða á sunnudaginn í verslunum sem selja bollana eins og t.d. Duka og Þorsteini Bergmann og þar að auki ætti líka nýji bollinn með honum Snúð að vera orðinn fáanlegur þá. Ég er ekki búin að tryggja mér það en það verður líklegast gert strax á sunnudaginn!
EH
Skrifa Innlegg