Það hefur vonandi ekki farið framhjá neinni ykkar að ég eignaðist lítinn strák núna í lok síðasta árs. Hann dafnar svo vel og er fullkominn. Þegar ég var farin að venjast nýja hlutverkinu fyrir alvöru og komin smá rútína í lífið okkar þá ákvað ég að fara að gera eitthvað í sjálfri mér. Koma mér í gott form og segja slitförunum mínum og slöppu húðinni stríð á hendur. Í um það bil mánuð er ég búin að vera að bera nýtt krem frá Shiseido á valda staði á líkamanum. Kremið heitir Advanced Body Creator Super Slimming Reducer og gerir húðina silkimjúka, slétta og stinna. Svo hefur það líka grennandi áhrif á staðina sem ég ber það á;)
Ég finn ótrúlegan mun á húðinni minni og get sagt fyrir mitt leyti að kremið stóð við allt það sem það átti að gera. Með kreminu fylgdu leiðbeiningar um að það væri sniðugt að bera kremið á rass, læri, mjaðmir, maga, kálfa og upphandleggi. Ég ber það mest yfir magann og lærin – af því ég bætti mest á mig á þau svæði og hef nánast misst það allt núna svo húðin var ansi slöpp. Kremið ber ég á líkamann eftir að ég kem úr sturtu svo ég nota það á svona tveggja daga fresti og ég sá strax árangur eftir 2 vikur. En ef þið notið það oftar þá kemur árangurinn án efa fyr. Með kreminu fylgja leiðbeiningar um hvernig er best að nudda kremið á líkamann til að fá sem mesta virkni. Kremið er kælandi fyrir húðina og þið finnið svona þæginlegan kaldan hroll þegar kremið byrjar að virka. Svo er ótrúlega sérstök lykt af kreminu sem spilar inní virkni þess svo ég ber aldrei neitt annað á líkamann í alla vega 20 mínútur til að rugla ekki skilningarvitin. En það er lyktin sem spilar inní því að fá frumurnar í líkamanum til að brenna hraðar fitu og þannig hefur kremið líka grennandi áhrif.
Í dag byrjaði ég svo í mömmuleikfimi hjá Fullfrísk í Elliðárdalnum og mér líður svo vel. Mæli með þessu námskeiði ef þið eruð í sömu sporum og ég að koma ykkur í form eftir fæðingu. Ég var sjálf ekki í neinni almennilegri þjálfun fyrir meðgöngu eða á meðan henni stóð svo ég er að byrja alveg á núlli og bíð nú spennt eftir næsta tíma. Tinni var bara með mér og ég gat sinnt honum þegar hann þurfti á mér að halda. Annars sat hann bara og fylgdist með mömmu sinni svitna.
Ég finn það ótrúlega sterkt núna hvað mig langar að vera heilbrigð og hraust fyrir son minn. Svo ef þið eruð í sömu sporum og ég þá mæli ég með mömmuleikfimi og svo er kremið snilld fyrir þær ykkar sem langar að fá sléttari húð. Nú er húðin mín ekki lengur krumpuð og satt best að segja þá líður mér miklu betur með líkamann minn. Mér hefur ekki fundist ég neitt sérstaklega aðlaðandi eftir fæðinguna en nú er þetta allt að koma:)
EH
Skrifa Innlegg