Shimmer Brick ljómapúðrin eru svona legendary vörur frá Bobbi Brown og hafa notið mikilla vinsælda hjá merkinu síðustu árin. Shimmer Brick er margskipt ljómapúður sem er hægt að nota í svo margt ekki bara í kinnarnar og mig langaði aðeins að sýna ykkur hvernig ég nota það.
Ég fékk Shimmer Brick púður úr nýju hátíðarlínunni frá Bobbi Brown til að prófa. Umbúðirnar eru bara dásamlega fallegar og ég tók smá andköf þegar ég opnaði kassann – já ér er svona skrítin. Hátíðarlínan er nú komin hjá Bobbi Brown í Lyf og Heilsu Kringlunni en það eru æðislegar pallettur, krem augnskuggar og þetta ljómandi púður – fullkomnar vörur til að gefa í jólagjöf, setja á jólagjafalistann eða kaupa til að gleðja sig sjálfa – ég er mjög hrifin af síðustu tillögunni minni. Shimmer Brick púðrið samanstendur af 5 mismunandi litum sem er hægt að nota einn og einn í einu eða bara blanda öllu saman – ég geri bæði…
Þegar ég sé vöru eins og þessa fer hausinn á mér á yfirsnúning um að finna leiðir til að nota það á óhefðbundinn hátt – þ.e. ekki eins og leiðbeiningarnar segja til um. Svo það var það sem ég gerði í gær, ég settist niður og virti þessa fallegu vöru fyrir mér, fékk hugmyndir og framkvæmdi þær – hér er útkoman :)
Fyrst byrjaði ég á því að blanda öllum litunum saman með hjálp púðurbursta og setti yfir andlitið til að fá ljóma. Ég set púðrið á þau svæði andlitsins sem standa fram – ofan á kinnbeinin, meðfram nefinu, aðeins inná mitt enni og á hökuna.
Hér fyrir ofan sjáið þið hvernig glansinn kemur út á húðinni minni – mjög heilbrigður og fallegur glans að mínu mati. Púðrið notaði ég líka til að gera létt augnförðun. Ég notaði þrjá liti til að gera einfalda augnförðun en það er mjög einfalt því litirnir tóna allir svo vel saman og þar sem þeir eru sanseraðir er auðvelt að blanda þeim saman. Dekksti liturinn er í skyggingunni, sá ljósasti í augnkróknum og gyllti liturinn yfir miðju augnlokinu.
Að lokum setti ég smá af ljósa gull litnum yfir varirnar – varaliturinn er líka frá Bobbi Brown meira um hann seinna. Ég dúmpa bara smá af augnskugganum yfir miðjar varirnar, klemmi þeim saman svo púðrið blandist aðeins varalitnum og þannig næ ég að highlighta varirnar – gera þær meira áberandi og glansandi. Það er skemmtileg leið til að poppa aðeins uppá svona kremaða og matta varaliti án þess að gera þá of sanseraða.
Þetta er sjúklega flott vara sem er svona einstök frá Bobbi Brown og notagildið er svo miklu meira en vörulýsingin segir til um. Ég mæli alltaf með því að þið reynið að finna nýjar leiðir til að nota snyrtivörurnar ykkar aðrar en þær sem nafnið gefur til kynna. Ége er alla vega sjúklega skotin í að nota þessa liti á augun – finnst þeir koma mjög skemmtilega út.
Það kom ekki mikið af hátíðarlínunni frá Bobbi Brown svo það er um að gera að tryggja sér vörur úr línunni sem fyrst ;)
EH
Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.
Skrifa Innlegg