Ég skrifaði reyndar ekki völvuspánna eða kom nokkuð nálægt henni. En það tókst að plata mig til að vera andlit völvunnar í ár og þar af leiðandi er ég á forsíðu áramótablaðs DV í ár. Virkilega skemmtilegar myndir og myndatakan sjálf var mjög skrautleg og ég þurfti að kalla fram minn innri leikara þar sem andlitssvipirnir áttu að einkennast af skelfingu :)
Völvuspánna hef ég ekki enn komist í að lesa en ég hlakka til að fletta í gegnum blaðið þegar sonurinn sofnar í kvöld. Skemmtilegast finnst mér þó alltaf að sjá hvað það var sem rættist úr síðustu völvuspá :)
Ég klæddist nýja jersey kjólnum mínum frá JÖR og ullarslá sem ég keypti fyrir mörgum árum á eBay :)
Skjáskot úr áramótablaði DV, meira HÉR.
Ljósmyndari: Sigtryggur Ari Jóhannsson fyrir DV.
Reyndar er ég komin af göldróttu fólki en langalangaamma mín var norn – án gríns! Svo kannski ég ætti að reyna fyrir mér í spádómum…? ;)
EH
Skrifa Innlegg