Við fjökskyldan gerðum okkur smá óvænta ferð inní Kringlu á sunnudaginn – syninum langaði svo í kaffihús og honum finnst fátt betra en gríska jógúrtið inná Kaffitár sem móðurinni finnst ofur krúttlegt! Við röltum svo aðeins um og mamman fór í tímarita leiðangur og þá löbbuðum við framhjá undirfata búðinni hjá Lindex. Ég labba stundum þar í gegn í leit að góðum brjóstarhöldurum. Ég er svakalega pikkí og mér finnst oft lítið úrval af því sem ég vil. Persónulega þá þoli ég ekki neitt með vírum sem er of þröngt, þrýstir brjóstunum mínum upp og saman – mér finnst það bara mjög óþægilegt. En eftir að ég varð mamma þá eru brjóstin þannig að ég þarf stuðning áður fyr var ég bara í bikiní toppum og örþunnum brjóstarhöldurum en þeir virka ekki fyrir migl lengur því miður. Ég verð því að segja að ég er frekar sátt með Lindex núna því ég uppgötvaði í gær nýja týpu af haldara hjá þeim sem er sko mér að skapi og rúmlega það!
Ég fór í svarta haldarann í morgun og þetta var hreinn unaður, ég er ekki búin að bögga mig á brjóstarhaldaranum í allan dag og mér líður svo vel. Ég gerði dauðaleit af einhverju svona í Marks & Spencer í London síðasta haust og vá hvað ég er glöð að hafa fundið góða haldara hér á Íslandi. Aðalsteinn tók svo fína bumbumynd af mér í morgun þar sem brjóstarhaldarinn fær vel að njóta sín. Haldarinn er kvenlegur og elegant – eitthvað sem gjafahaldararnir sem ég er búin að þurfa að vera í á þessari meðgöngu eru ekki… ;)
Svarti haldarinn er úr þéttu og mjúku efni svo háu ljósin sjást ekki í gegn. Það er góður stuðningur undir brjóstunum og þetta er bara stuðningur það er engin lyftin. Ég hef aldrei verið aðdáandi þess að ýta brjóstunum mínum fram, það er bara ekki ég af því mér finnst það bara ekki þægilegt svo ég er himinlifandi með þennan fína haldara. Haldarinn heitir Charm fyrir ykkur sem hafið áhuga á því.
Svo greip ég í leiðinni með mér þennan fallega blúndubrjóstarhaldara, mér finnst blúndan alveg æsðilega falleg. Það er auðvitað lítill stuðningur í þessu en stundum verður maður nú að reyna að vera í fallegum undirfatnaði svona rét áður en brjóstin fara að leka mjólk.
Bara í alvörunni ég er svakalega þakklát fyrir þessa týpu af brjóstarhöldurum og ætla að fara að kaupa mér fleiri liti núna. Þessa mun ég getað notað það sem eftir er af meðgöngunni og hvílt þá gjafabrjóstarhaldarana þar til ég þarf í raun á þeim að halda. Smá tips frá mér til þeirra sem gera sömu kröfur og ég til brjóstarhaldara og vilja bara góðan stuðning og mikil þægindi!
Fyrir forvitna þá kostaði þessi mig 3995kr – sem mér finnst mjög sanngjarnt verð alla vega fór ég aftur í dag og keypti mér annan í skemmtilegum kampavínslit.
EH
Skrifa Innlegg