Ég er búin að finna mér nýjan uppáhalds lit frá Essie, þetta er ótrúlega fallegur og klassískur eins konar laxableikur litur. Mér finnst hann virkilega sumarlegur og áferðafallegur og lífgar svo sannarlega uppá hendurnar á góðan hátt.
Ég rak augun í litinn fyrir nokkrum vikum síðan og gat bara alls ekki hætt að hugsa um hann og ég bara varð að eignast hann. Svona skyndiákvarðanir eru svo góðar því ég get ekki hætt að stara á neglurnar á mér!
Eternal Optimist frá Essie
Nafnið á litnum finnst mér líka eiga vel við þetta er litur sem manni líður vel með á nöglunum og það birtir til í kringum mann þegar maður er með hann á sér. Mér finnst þetta árstíðarlaus litur – litur sem gengur allan ársins hring.
Liturinn er líka svona vintage rómantískur og getur svo sannarlega gengið fyrir brúðir sem vilja vera með smá lit á nöglunum. Ég held alla vega að þessi komi sterklega til greina sem brúðarliturinn minn á næsta ári.
Fallegur finnst mér – hvað segið þið?
EH
Varan sem ég skrifa um hér keypti ég sjálf. Það hefur þó engin áhrif á álit mitt á því og eins og alltaf veiti ég hreinskilið álit.
Skrifa Innlegg