Jújú það fer að styttast í þetta!!
Mig langaði að koma með smá teaser af efninu sem er í blaðinu – en blaðið verður aðgengilegt eftir helgi HÉR. Í blaðinu finnið þið meðal annars viðtal við hana Hugrúnu Halldórsdóttur í Íslandi í dag þar sem hún segir lesendum frá snyrtivörunum sem eru í snyrtibuddunni hennar. Gullfalleg kona sem lumar á skemmtilegum fegurðarráðum.
Einnig verður förðunartrendum vetrarins gerð góð skil, ég segi frá mínum uppáhalds förðunarburstum og fer yfir hluti sem geta nýst húðinni ykkar vel í vetrarkuldanum.
Svo kynni ég fastan lið sem nefnist Bjútíklúbburinn sem ég get varla beðið eftir að segja ykkur betur frá.
Ég er orðin virkilega spennt – sérstaklega að heyra hvað ykkur finnst. Þetta er svo sannarlega búin að vera mikil vinna og ég er búin að leggja ótrúlega mikið í fyrsta tölublaðið og fórna miklum tíma í það.
Það er fínt að taka smá pásu frá InDesign og skrifa hér inn – en ég er að læra að setja blaðið sjálf upp – sem er mjög gott því þá get ég haft blaðið nákvæmlega eins og ég sé fyrir mér!
EH
Skrifa Innlegg