Ég fékk að fylgjast með myndatöku fyrir lookbook hjá hönnuðinum Andreu Magnúsdóttur sem rekur verslunina AndreA Boutique og hannar dýrindisflíkur undir sama nafni.
Ég fékk gæsahúð á meðan ég fylgdist með myndatökunni – fötin, makeupið, stemmingin og gullfalleg fyrirsæta – allt var fullkomið! Andrea er ofboðslega hæfileikaríkur hönnuður og svo yndisleg og skemmtileg skvísa!
Á næstunni deili ég myndunum mínum með ykkur en mig langaði aðeins að monta mig af nýjustu gerseminni í fataskápnum sem þið sjáið á myndinni hér fyrir neðan.
Við vorum allar að missa okkur yfir munstrinu og litunum í því og skiptumst á að vera í peysunni – hún fékk þó að fylgja mér heim! Ég er í skýjunum með þessa gersemi sem þið gætuð líka eignast í næstu viku en þá koma nýjar vörur í fallegu verslunina sem er staðsett á Strandgötunni í Hafnafirði.
Peysuna er hægt að nota á marga mismunandi vegu sem ég ætla að sýna ykkur betur seinna – í staðin fyrir að fá Aðalstein til að taka myndir núna þá fylgir hér mynd eftir atvinnuljósmyndara! Aldís Páls var að taka myndirnar fyrir Andreu og smellti einni af mér í peysunni – finnst ykkur peysan ekki æði!
Þessi verður mikið notuð – bæði við casual dress eins og þetta hér fyrir ofan og yfir fína kjóla.
EH
Skrifa Innlegg