Ég hef nú sagt ykkur frá söfnunaráráttu minni – hún er rosaleg á köflum! Hluti sem ég elska að safna mér sérstaklega eru múmínbollar. Ég á orðið ansi stórt og flott safn sem samanstendur af núna 12 bollum, þar af eru 2 jólabollar sem eru aðeins teknir fram í desember.
Aðalsteinn lagði til að við myndum kannski hætta að safna bollum í bili og safna kannski skálum eða diskum í staðin. Ég sagði sjáum til en ég get alls ekki staðið við það að hætta að safna þeim þar sem nýju bollarnir eru svo fallegir!
Ég tók saman myndir af nýju bollunum sem eru að mínu mati hver öðrum fallegri…
Þessi bolli er safnaraeintak hann var gerður í tilefni 100 ára afmæli Tove Janson sem er í ár. Þetta er bolli sem ég verð bara að eignast ég ætla einmitt að fara á nokkra staði hér á Íslandi á eftir og sjáhvort bollinn sé nokkuð kominn en hann er uppseldur á mörgum stöðum. Hann var ekki kominn útí Kaupmannahöfn þegar ég var þar því miður.
Þetta er síðasti safnarabollinn sem kom núna í haust. Hann keypti ég strax enda gullfallegur bolli og svo skemmtilega ólíkur öllum hinum. 
Nýji mömmubollinn finnst mér æðislegur. Sá sem var fyrir var rauður en þessi er líflegri. Reglulega skipta þeir út karakterbollunum og í ár skiptu þeir út múmínhjónunum en í fyrra voru það múmínsnáðinn og stelpan sem fengu smá yfirhalningu.
Hér er svo pabbinn, virkilega fallegur þessi blái litur en sá sem var fyrir var svartur og hvítur þessi er mun líflegri.
Svo var verið að segja frá sumarbollanum í ár. Mjög skemmtilegur og mun flottari heldur en sá sem var í fyrra að mínu mati. Ég einmitt sleppti honum en mig langar í þennan.
Þegar ég byrjaði að safna bollunum þá keypti ég þrjá bolla á Kastrup þegar við fórum til Kaupmannahafnar fyrir tveimur árum síðan þar er nefninlega hægt að kaupa 2 bolla en fá þrjá – í Illum á vellinum. Ég kíkti þangað núna en nýju bollarnir voru allir uppseldir. Sama sumar fór pabbi til Finnlands og þá keypti hann líka þrjá bolla fyrir mig svo um leið og söfnunin hófst var ég komin með gott safn. Hér fyrir ofan sjáið þið hópmynd sem ég tók fyrir 2 árum af nýja bollasafninu sem er í dag helmingi stærra :)
Ég held ég muni eiga mjög erfitt með að hætta að safna múmínbollum. Ég elska allt sem tengist múmín það vita allir sem þekkja mig. Amma hans Aðalstein er finnsk og við deilum þessari ást okkar á múmínálfum og gefum reglulega hvor annarri múmínglaðninga. Ástin á þessum yndislegu karakterum er svo mikil að það kæmi mér ekki á óvart ef ég myndi einhver tíman búa í háu, hringlóttu bláu húsi með rauðu þaki – tengdaamma mín myndi þá fá að búa hjá okkur á háaloftinu henni myndi ekki finnast það leiðinlegt :)
Ef þið eruð jafn hrifin og ég af múmín þá verðið þið jafn glöð og ég þegar þið heyrið að múmínvefverslunin er farin að senda til Íslands!! Jeijj – meira HÉR.
EH
Skrifa Innlegg