Mér finnst stundum dáldið fyndið þegar það eru myndir af fræga fólkinu ófarðað í slúðurtímaritum. Sérstaklega af því það er alltaf settu upp eins og þessar skvísur séu ekki jafn fallegar ófarðaðar og þær eru þegar þær eru farðaðar. Oftar en ekki er nefninlega líka búið að velja sérstaklega óheppilega mynd af stjörnunni.
Æjj mér finnst þetta smá kjánaleg tilraun til að ýta undir útlitsdýrkun. Sjálf nenni ég sjaldan að farða mig á daginn ég nota reyndar alltaf krem með sólarvörn og finnst þæginlegt að skella léttum farða yfir húðina eða BB kremi, smá kinnalit og maskara – that’s it!
Ég ákvað að taka saman nokkrar myndir af nokkrum stjörnum án farða eða með lítið sem ekkert…
Persónulega finnst mér þær hver annarri fallegri hvort sem þær eru með eða án farða :) Sést líka vel á nokkrum myndum hvað það er gert í því að velja slæmar myndir…. kommon!
En eitt eftirsóttasta förðunarlúkkið er svo sem alltaf náttúruleg förðun og það er mjög erfitt að gera fullkomna náttúrulega förðun ég tala af reynslu – svo kannski er bara í lagi að vera stundum au natural!
En kveikjan að þessari pælingu minni var þessi frétt hér á Vísi.is um hana Grétu Mjöll sem birti mynd af sér ómálaðri daginn eftir að hún komst áfram í Söngvakeppni Sjónvarpsins. Mér fannst þetta svo skemmtileg frétt og Gréta greinilega frábær fyrirmynd sem líður vel í sínu eigin skinni. Ég vil hana og hennar fólk alla leið til Danmerkur takk fyrir – ekki bara fyrir þetta heldur líka fyrir frábært lag sem ég er búin að syngja í hausnum síðan ég heyrði það :)
HÉR er fréttin á vísi…
EH
Skrifa Innlegg