Ég kolféll fyrir einni dásamlegri vöru fyrir stuttu og ég er búin að vera að bíða eftir að hún verði fáanleg aftur hjá henni Heiðdísi minni til að þið sem heillist af henni með mér getið haft tækifæri til að prófa. Varan heitir Face Form og er frá breska merkinu Sleek…
Hér sjáið þið pallettuna sem frískar svo sannarlega uppá húðina og mótar á ótrúlega flottan hátt andlitið. Ég er búin að nota þetta púður mjög mikið undanfarið og sérstaklega í brúðarförðunum þar sem þær hafa undantekningarlaust dáðst að púðrinu og útkomunni.
Til að sjá alveg hvað púðrið getur gert verðið þið að fá að sjá fyrir og eftir – hér sjáið þið fyrir…
Andlitið er auðvitað dálítið flatt og litarhaftið alveg jafnt – mér finnst dáldið gott alltaf að lýsa því þannig að með farða og hyljara gerum við hinn fullkomna grunn til að byggja ofan á sem við gerum með hjálp mótunarvara.
Hér sjáið þið pallettuna Face Form í litnum Light – HÉR sjáið þið Face Form palletturnar frá Sleek en þær fást á Haustfjörð.is og eru til í þremur litum, Light, Fair og Medium. Ég nota púðurburstann úr Travel Essentials frá Real Techniques í pallettuna og alla litina – ég hef ekkert fyrir því að skipta um bursta fyrir hvern lit, það er alveg óþarfi.
Hér sjáið þið svo eftir myndina – falleg áferð á húðinni ekki satt :)
Svo varð ég auðvitað að gera smá útskýringar mynd á því hvar ég setti hvaða lit. Brúna litinn nota ég í skyggingar til að móta andlitið – þar sem brúna línan er. Svo set ég kinnalitinn í epli kinnanna þar sem bleiki hringurinn er og loks nota ég highlighterinn til að draga fram þá hluta andlitsins sem standa fram – til að draga þá enn framar. Svo er highlighterinn fullkominn yfir aunglokin svona dags daglega til að fríska uppá ásýnd augnanna og gefa þeim ljóma.
Einn af helstu kostunum við Face Form að mínu mati er að dökki mótunarliturinn er alveg mattur – það er fáránlega erfitt að finna alveg mattan fallegan lit sem er ekki of kaldur og ekki of heitur og ég held að þetta sé bara einn sá flottasti sem ég hef átt. Ekkert glimmer engin sansering bara fullkominn litur til að móta.
Mér finnst þessi palletta gefa húðinni fullkomna mótun og ég mæli eindregið með þessari pallettu – hún er líka á frábæru verði bara 2890kr – fyrir þrjá liti! Mæli með að þið skellið ykkur á þessa áður en hún klárast aftur :)
EH
Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.
Skrifa Innlegg