Í kvöld er ég að fara á Reykjavík Runway keppnina í Listasafni Reykjavíkur. Ég er mjög spennt að sjá hvað allir þessir frábæru hönnuðir hafa verið að bardúsa undanfarið.
Hönnuðirnir: Frá vinstri Edda Guðmundsdóttir, Rosa Winther Denison, Bryndís Þorsteinsdóttir, Harpa Einarsdóttir og Eygló Margrét Lárusdóttir. Á myndina vantar Sólveigu Guðmundsdóttur. Ljósmyndari: Gunnar Gunnarsson
Hönnuðirnir sem komust áfram úr undankeppninni voru valdir af dómnefnd skipaðri af Fatahönnunarfélagi Íslands. Ingibjörg Gréta Gísladóttir sem stendur fyrir keppninni sagði í viðtali í nýjasta helgarblaði DV að þau leggi mikla áherslu á að hafa þetta sem faglegast. Að þetta væri fagleg keppni á faglegum forsendum.
Systurnar Edda og Sólveig Guðmundsdætur hanna undir merkinu Shadow Creatures.
Eygló Margrét Lárusdóttir hannar undir merkinu EYGLO
Harpa Einarsdóttir hannar undir merkinu Ziska
Rosa Winther Denison og Bryndís Þorsteinsdóttir hanna undir merkinu ROSA-BRYNDIS
Sigurvegarinn fær svo hálfa milljón í verðlaun og þann heiður að hanna útlit á Coca Cola Light flösku – eins og Karl Lagerfeld og Manolo Blahnik hafa gert erlendis – og að auki fær sigruvegarinn árssamning við Reykjavík Runway. Sem felur meðal annars í sér sölu-, markaðs- og rekstrarþjónustu, og allt sem hönnuðirnir þurfa til að slá í gegn:)
Núna er samt minn helsti hausverkur að ákveða dress kvöldsins, en skórnir eru alla vega ákveðnir;)
Nýju fallegu Kron by KronKron skórnir mínir verða notaðir í kvöld;)
Erna Hrund
Skrifa Innlegg