Trendnet

Nú þegar það er kominn PINTEREST takki hér á Trendnet er við hæfi að halda pinpartý !

Ég er búin að vera í meira en tvo klukkutíma að finna myndir þannig ég treysti á að þið pinnið eins og enginn sé morgundagurinn :-)

Einn… tveir… ooog… PINIT!

.. þá eru Svölurnar góður og gefandi félagsskapur fyrir þig. Svölurnar er góðgerðarfélag allra þeirra sem eru eða hafa einhvern tímann unnið sem flugfreyjur eða flugþjónar, hjá hvaða fyrirtæki sem er, íslensku eða erlendu. Markmið þeirra er að styrkja þá einstaklinga og félög sem ekki njóta opinberra styrkja en þurfa þó á aðstoð að halda, sem og viðhalda kunningsskap og vináttu innan stéttarinnar. Fundir félagsins eru kvöldverðarfundir, skemmtilegir og fræðandi, haldnir fyrsta þriðjudag hvers mánaðar yfir vetrarmánuðina. Undanfarin ár hefur aðalfjáröflunarleið félagsins verið sala jólakorta, gjafakorta og minningakorta en frá því félagið var stofnað hafa Svölurnar styrkt fjölmörg félög og einstaklinga með fjárframlögum sínum. Félagsgjöldin eru 4000 krónur að hausti og önnur eins upphæð er greidd eftir áramót.

Eftir tvo mjög viðburðarríka mánuði er kominn tími á að hefjast handa á ný – bæði hér á blogginu og svo bara í lífinu svona almennt. Hlutirnir eru að falla í sitt eðlilega horf og rútínan að taka við, sem er að sjálfsögðu öllum til góðs. Það er farið að kólna hér í Verona og haustið er gengið í garð eins og annarsstaðar í Evrópu. Októbermánuður hefur verið mjög heitur og kannski óvenjulega heitur en á einni nóttu, með tilheyrandi hávaða þrumum og eldingum, kom haustið í allri sinni dýrð.

Með lækkandi sólu finnst mér tilheyrandi að huga aðeins að heimilinu og “undirbúa” það fyrir veturinn. Hlýleg teppi, kertaljós í fallegum stjökum og mjúkur náttsloppur getur t.d gert köld og hversdagsleg haustkvöld að ljúfum og dýrmætum minningum. Mér finnst mjög nærandi að hlúa að umhverfinu og bara að færa til eina kommóðu getur glatt mig alveg óskaplega ;-)

Þannig er einmitt staðan núna. Í andyrinu hérna heima hef ég verið með frekar óspennandi fatahengi sem hefur þó þjónað sínum tilgangi og haldið á yfirhöfnunum okkar þegar þær eru ekki í notkun. Fatastandurinn er alltaf yfirfullur og fyrir minn smekk er það ekkert sérlega falleg sjón. Ég bað því einn afar handlaginn vin minn hér í borg að smíða fyrir mig stífa/hangandi fataslá sem ég mun síðan festa sjálf upp í loftið. Mér finnst þetta mjög smekkleg lausn og myndi gera það sama í svefnherbergjunum okkar ( líka barnaherberginu) ef lofthæðin væri ekki svona mikil. Ég er þó enn að gera upp við mig hvort ég eigi að bora slá í vegginn í hjónaherberginu eins og sést þarna á nokkrum myndum.

Fyrirmyndin fyrir andyrið er þessi:

Svo finnst mér þessi lausn, þar sem fataslá er komið fyrir undir súð alveg frábær. Mjög huggulegt og plássið vel nýtt.

Fleiri hugmyndir – endilega pinnið þær á Pinterest ef það er eitthvað þarna sem ykkur líkar…

Annars bara gaman að vera komin til baka – vonandi líða ekki tveir mánuðir þangað til næst :-)

Hvað segið þið um oversized kápu og strigaskó á Menningarnótt ?

Munið svo að taka pinnahælana með í töskuna, þeir setja punktinn yfir i-ið þegar líða tekur á kvöldið.

Þeir sem hlaupa hálft eða heilt maraþon eru  þó löglega afsakaðir, þeir þurfa enga pinnahæla því medalían er auðvitað flottasti fylgihluturinn ;-)

Nýtt húsgagn bættist í hópinn á Via Mazza á dögunum. Muuto hillusamstæðan, Stacked Shelf System hannað af Julien de Smith. Hillusamstæður er eitthvað sem ég á mjög bágt með og hef aldrei átt slíka áður, en eftir að hafa gjóað augunum í þessa aftur og aftur ákvað ég að kaupa mér hana. Ég fór inn á Muuto.com/muutostackedconfigurator og “hannaði” mína eigin hillu, en þessi hvíta hér að neðan var fyrirmyndin sem ég studdist við. Hillan mín er  3m á hæð og nær alla leið upp í loft og 2.8m á breidd, öll boxin eru hvít með engu baki og festingarnar hvítar sömuleiðis.

Ég kýs að hafa hilluna mína hvíta og frekar hráa en það passar best inn á mitt heimili. Hér fyrir neðan er þó hægt að sjá fleiri og aðeins poppaðari útgáfur fyrir þá sem eru litaglaðari en ég :-)

Það skemmtilega við þetta húsgagn er líka það að það er hægt að byrja smátt og stækka svo smá saman, eða eftir því sem fjárhagur og húsnæði leyfir. Ég hugsa líka að þetta séu nokkuð tímalaus kaup en er ekki alltaf stund og staður fyrir góðar bókahillur ?

Muuto Stacked Shelf System fæst í Epal.

….. Og svo langaaaaar mig líka í þennan sófa frá MUUTO…. bahhh..

BEAUTIFUL!

TIL:

 * SIGURBORGAR ÍRISAR HÓLMGEIRSDÓTTUR *

Trendnet.is fagnar um þessar mundir tveggja ára afmæli. Af því tilefni gleðjum við bloggarar Trendnets nokkra velunnara síðunnar með ýmsum hætti.

Í pakkanum að þessu sinni er gjafabréf frá Nikeverslun.is að verðmæti 10.000 kr.

Með þakklæti í hjarta þakka ég þér, Sigurborg Íris, kærlega fyrir að lesa Trendnet.is og fyrir að smella á “læk” takkann þegar það á við :-)

Frekari upplýsingar um gjafabréfið er á trendnet@trendnet.is

Njóttu vel :-)

… Með HIIT (High-intensity-interval-training).

Ég komst að því fyrir tilviljun hversu mikil snilld það er að taka interval-hlaup ( HIIT) á hlaupabrettinu. Ég hafði mætt í seinna lagi í upphitun fyrir tímann minn hjá einkaþjálfaranum og til að ná upp smá hita í kroppinn ákvað ég að nýta þessar sjö mínútur sem ég hafði og taka fjóra spretti ( á 16 ) með mínútu hvíld ( á 7) á milli. Hitinn og svitinn stóð ekki á sér og áður en þjálfarinn kom til mín var ég orðin alveg löðursveitt á brettinu. Ég var svo sveitt að ég gat ekki annað en talað um þetta við hann og í kjölfarið fræddi hann mig um þessar svokölluðu interval (HIIT) æfingar. Til að gera langa sögu stutta að þá mun ég aldrei aftur eyða tíma á hlaupabrettinu eða á öðrum þrektækjum á miðlungs hraða í lengri tíma, þegar ég veit ég get tekið styttri æfingu með meiri ákefð en sem skilar mér miklu meiri árangri. Að auki er þetta töluvert skemmtilegra og tíminn fljótari að líða en í venjulegu joggi á brettinu.

Þessi tafla er ágætt dæmi um interval æfingu, svona til að sýna ykkur hvernig þetta virkar t.d á hlaupabretti. Hins vegar er enginn betri að útskýra og tala um líkamsrækt en Ragga Nagli. Ég set því link á færsluna hennar um HIIT æfingar HÉR. Einnig tók Shape.com saman átta helstu kosti HIIT, sem vert er að skoða HÉR. Kíkið endilega á þetta og sparið ykkur óþarfa “waste of time” á brettinu. Interval skilar sér svo margfalt til baka en ég finn frábæran mun á mér líkamlega eftir að ég byrjaði að taka spretti á brettinu 4 x í viku. Þolið hefur einnig stóraukist á skömmum tíma sem ætti að henta vel nú þegar Reykjavíkurmaraþonið er á næsta leyti.

.. og svo bara að muna að setja lappir upp í loft eftir æfingu til að fá ekki bólgnar fætur ( því við viljum auðvitað granna ökkla) !

Áfram HIIT, jesssss…

Ég veit að það eru fleiri en ég sem elska flott æfingaföt. Ég má því til með að deila mínum nýjustu..

Flottur samfestingur frá Nike sem smellpassar við svörtu hlaupastuttbuxurnar mínar úr H&M.

Nike Strut. Ég held að þessar hafi verið til heima í Nikeverslun.is, ég keypti þó mínar á store.nike.com.

Nike pro hyperwarm seamless. Þessar eru hlýjar, halda góðum hita og henta því vel fyrir útihlaupin í vetur.

Nike gym seamless stopparnir eru by far flottustu æfingatopparnir frá NIKE. Þeir gera línurnar svo flottar og svo er hann að auki afskaplega þægilegur fyrir okkur sem höfum ekki mjög stór brjóst. Ég keypti mér einn í London og annan á store.nike.com og skora hér með á Nikeverslun.is að hefja sölu á þeim líka ;-)

Nike tech buxur. Flottar comfy og hversdags.

Nike lunarelite sky hi.  Afskaplega þægilegir götuskór sem gaman er að para við síðar kápur.

Strato intermedio run performance. Stella McCartney fyrir Adidas. Klæðilegur og flottur jakki sem næstum er of flottur til að svitna í.

Og svo minni ég á Rómeo og Júlíu hálfmaraþonið í febrúar, ef einhver vill koma og hlaupa með mér hér í Verona ? :-)

Eeeelska ekki allir lemonade ? Það er svo einfalt að búa það til og ég held að öllum þyki það gott, stórum sem smáum..

Eins og myndin segir að þá byrjar maður að gera grunninn sem samanstendur af ferskum sítrónudjús, sykri og vatni. Svo til að poppa drykkinn örlítið upp fylgiru uppskriftunum sem gefnar eru hér að neðan, eða bara fylgir þínu eigin hugmyndaflugi og töfrar fram þinn eigin drykk. Og svo er jafnvel hægt að útbúa frostpinna úr sömu uppskrift ef áhugi er fyrir því..

Gott lemonade verður enn betra ef það er borið fram með skemmtilegum hætti. Hér eru nokkrar stemningsmyndir og hugmyndir..

Algjört möst um versló, já ég segi það satt ! :-)

Þegar ég var heima í sumar fór ég reglulega í hádeginu á æfingu með Emil upp í Kaplakrika. Þar hitti ég iðulega mikið af fólki sem allt átti það sameiginlegt að vilja ná langt í sinni íþróttagrein. Þarna voru fótboltastrákar og stelpur, hinir ýmsu landsliðsmenn og konur, frjálsíþróttafólk, handboltamenn og konur sem öll æfðu af lífs og sálarkröftum. Af hliðarlínunni horfði ég á landsliðskonu úr Val, unglingalandsliðstráka úr FH, atvinnukonu í handbolta, íslandsmethafa í frjálsum, landsliðsmann og leikmann ítölsku úrvalsdeildarinnar í fótbolta og unga og áhugasama handboltastelpur og stráka úr íslenskum liðum æfa saman, öll í hóp. Þau voru á misjöfnu stigi líkamlega en það sem sameinaði þennan hóp var að öll stefna þau að sama markmiðinu; Að ná langt í sinni íþrótt.

Ég var svo heilluð af þeirri starfsemi sem fer fram t.d hjá FH og skil núna hvers vegna við Íslendingar ( og við Hafnfirðingar) eigum svona marga framúrskarandi íþróttamenn. Í þessari frábæru aðstöðu í Kaplakrika, með tilkomu frjálsíþróttahússins, geta allir þeir sem vilja ná framúrskarandi árangri æft aukalega innanhúss, allt árið um kring. Pælið í því ! Það er magnað ! Silja Úlfarsdóttir fyrrum landsliðskona í frjálsum íþróttum hefur aukaæfingar nokkrum sinnum í viku fyrir meistaraflokk FH í hand og fótbolta, þeim að kostnaðarlausu. Hún kennir rétta líkamsbeytingu, betri hlaupatækni og fleira sem kemur sér vel þegar á keppnisvöllinn er komið.

Ég veit hreinilega ekki hvort að ég sé sú eina sem vissi ekki af þessu en ég varð hálf orðlaus að sjá hvaða tækifæri ungu fólki er veitt í dag og því get ég ekki stillt mig um að hrósa Silju og Fimleikafélaginu fyrir sitt framlag. Það er svo mikill metnaður í loftinu og það virðist sem alltaf fleiri og fleiri átti sig á því að það eru réttar aukaæfingar sem geta skipt sköpum og sem fleyta mönnum ansi langt.. og mun lengra en hinum sem gera þær ekki… ? Og aðstæðurnar fyrir þetta íþróttafólk gætu hreinlega ekki verið betri. Svo er bara spurningin hverjir nýta sér þær og hverjir ekki. Því fyrr sem þú byrjar, því betra.

Árið 2004, sama ár og Emil var keyptur til Tottenham frá FH, æfði hann frjálsar íþróttir af kappi undir stjórn Einars Þórs Einarssonar spretthlaupsþjálfara. Hann gerði sér grein fyrir því ( eins og fleiri í sömu sporum ) á sínum tíma að hann þyrfti að gera meira en að mæta bara á hinar skipulögðu fótboltaæfingar ef hann ætlaði að verða atvinnumaður í fótbolta. Svo innstilltur var hann á markmiðið að hann mætti ekki á skólaböll eða djammið í bænum og bragðaði ekki áfengi því hann vildi frekar æfa aukalega á meðan hinir ( t.d ég ) skemmtu sér örugglega mjög vel á meðan :-). Hann hefur semsagt alltaf ( já eða næstum alltaf ) verið með hausinn á réttum stað og helst þetta tvennt saman í hendur. Ég ætla ekki að fara nánar út í hversu miklu máli skiptir að vera með rétt hugarfar heldur leyfa þessari mynd hér að neðan að tala sínu máli. Þetta línurit er tekið af síðunni transfermarkt.it þar sem hægt er að sjá feril, value og fleira hjá atvinnumönnum í fóbolta og svona lítur línuritið hans Emils út hjá þeim. Frá því hann fékk sér mental coach hefur línuritið tekið þessa fínu u-beygju og teygir sig alltaf hærra og hærra upp… já, svona glæsilega.

Allavega. Þessi póstur á ekki að snúast um Emil heldur það frábæra starf sem íþróttafélögin halda úti fyrir þá sem vilja ná langt í sinni íþrótt. Það íþróttafólk sem ekki er í FH getur að sjálfsögðu slegist með í hópinn í Kaplakrika og æft í þessu frábæra andrúmslofti sem Silja Úlfars stjórnar af mikilli ástríðu. Fyrir áhugasama bendi ég öllum á að hafa samband við Silju á e-mailið siljaulfars.is@gmail.com. Einnig heldur hún úti virkri facebooksíðu sem hægt er að sjá hér og svo er heimasíðan hennar www.siljaulfars.is.