TÖFRATE FYRIR HÚÐINA

DEKURHÚÐRÚTÍNA
*Vörurnar fékk greinahöfundur að gjöf/sýnishorn

Mig langaði að segja ykkur frá hvítu tei og töframættinum sem það hefur fyrir sál og líkama. Ég kynntist hvítu tei fyrir algjörri tilviljun en þeir sem þekkja mig vita það að ég er mikil kaffi manneskja og hélt ég myndi aldrei drekka te. Það breyttist síðan mjög fljótt eftir að ég fór að kynna mér te og þá sérstaklega hvítt te.

Hvítt te er minnst unna teið, það er semsagt einungis sólþurrkað og loftþurkkað og því varðveitast andoxunarefnin mest í því. Það inniheldur kraftmikil andoxunarefni sem vernda líkamann fyrir sindurefnum og stuðla að frumuendurnýjun.

Mér finnst þetta te mjög áhugavert og eftir að ég fræddi mig meira um það þá er eins og þetta te hafi verið búið til handa mér! Því allt sem þetta te gerir fyrir mann er það sem mig langar að gera fyrir líkamann minn og húðina mína.

Hvítt te er gott fyrir húðina og hér eru nokkrir hlutir sem það hefur áhrif á:

– Hægir á öldrun húðarinnar

– Hreinsar húðina og kemur í veg fyrir að bakteríur stífli svitaholur 

– Heldur húðinni bjartri og viðheldur raka

Hvítt te er einnig ótrúlega gott fyrir líkama og sál. Hér eru nokkrir hlutir sem það hefur áhrif á:

– Styrkir bein og tennur 

– Er örverueyðandi og verndar því líkamann gegn sýkingum 

– Jafnar blóðsykur og heldur honum stöðugum

– Minnkar streitu í líkamanum og hefur góð áhrif á hjartað

– Inniheldur efni sem talin eru hraða brennslu líkamans

 

 

Hvernig maður hellir upp á hvítt te er eitthvað sem maður þarf að læra svo það verði ekki of beiskt eða of bragðmikið. Svona ferðu að:

  1. Sjóðið vatn og leyfið því að kólna í 5-10 mín eða sem sagt að 80 gráðum celcius.

  2. Setjið 1 teskeið af telaufum í síu fyrir hvern bolla 

  3. Hellið vatninu yfir, bíðið í 3-5 mín og fjarlægið svo laufin úr vatninu

Síðan er vel hægt að nota laufin aftur, svo ekki henda þeim en þá þarf að láta vatnið bíða lengur á telaufunum, til dæmis 7-8 mín.

 

Mér finnst mjög jákvætt að geta bætt eitthverju inn í mína daglegu rútínu sem er hollt og gott fyrir mig. Ég er upptekin manneskja og finnst fátt skemmtilegra en að hafa mikið að gera í kringum mig en stundum (oft haha) verð ég mjög stressuð. Þess vegna er ég að reyna koma því í rútínuna mína að taka eina rólega stund ár morgnana, og byrja daginn á jákvæðum nótunum en ekki í stressi og flýti.. þótt það sé nú ekki alltaf hægt.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

MASKA DETOX EFTIR HELGINA

DEKURHreinsivörurHÚÐRÚTÍNAMASKAR

Jæja núna eru eflaust margir þreyttir og eru að hafa það kósý heima eftir góða helgi. Ég var að vinna hluta af helginni og skemmti mér síðan með uppáhalds fólkinu mínu restinni af helginni. Ég finn það eftir svona helgar að húðinni vantar smá dekur og góða hreinsun. Ég ætla sýna ykkur hreinsirútínuna sem ég notaði í dag.

*Vörurnar fékk greinahöfundur að gjöf

 

VITAMIN C GLOW-REVEALING LIQUID PEEL – THE BODY SHOP

Ég er mjög dugleg við að setja á mig maska og þá sérstaklega eftir svona helgar. Ég byrja á því að hreinsa húðina vel og í dag notaði ég Vitamin C Glow-Revealing liquid peel frá The Body Shop en þetta er hreinsir sem losar mann við mengun eða óhreinidi sem gætu verið á húðinni eftir daginn. Þetta tekur í burtu þreytu og gefur húðinni fallegan ljóma. Það er 60 sinnum meiri vítamín C styrkur í þessari vöru en í appelsínu. Þetta er æðisleg vara og á sérstaklega við núna eftir fjörið um helgina.

Chinese Ginseng & Rice Clarifying Polishing Mask

Þetta er einn af mínum uppáhalds möskum og finnst mér best að nota hann þegar ég finn hvað húðin er þreytt. Hann er ótrúlega frískandi fyrir húðina, hreinsandi og dregur úr þreytu. Síðan er maskinn með litlum kornum í sem hreinsa í burtu allar dauðar húðfrumur og skilja húðina eftir ótrúlega mjúka.

Í þessum maska er:

  • Ginseng extract frá Kína, sem þekkt er fyrir að móta húðina og gefa henni aukna orku
  • Rice extract frá Kína, sem er þekkt fyrir að gera húðina bjartari og gefa henni raka
  • Community Trade lífræn sesam olía frá Nicaragua, sem er þekkt fyrir að mýkja húðina

DEEP NOURISHING MASK – THE BODY SHOP

 

Þessi maski er ótrúlega nærandi og rakagefandi fyrir húðina. Hann á einnig að róa húðina og betrum bæta áferð húðarinnar. Þessi maski er einstaklega góður fyrir þurra húð og húð sem þarf næringu. Þetta er því fullkomið eftir langa helgi og notaði ég þennan eftir hinn maskan.

Í þessum maska er:

  • Community Trade Pure Honey frá Eþópíu, sem er ótrúlega nærandi og rakagefandi fyrir húðina
  • Community Trade Marula Oil frá Namibíu, létt olía sem er þekkt fyrir að bæta og viðhalda rakanum í húðinni
  • Community Trade lífræn ólífuolía frá Ítalíu, sem er rík af Omega 9 sem hjálpar til við að gefa húðinni aukna orku og koma í veg fyrir þurrkur

 

Allir að setja á sig maska, slaka og þá vakna allir ferskir á morgun!

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

REVIEW: BRÚNKUKREMS MASKI FRÁ ST.TROPEZ

BRÚNKUKREMDEKURMASKARNÝTT

Já þið lásuð rétt, brúnkukrems maski!

Þessi maski er fyrsti sinnar tegundar og er frá St.Tropez en þau eru þekkt fyrir góð brúnkukrem. Ég er búin að nota brúnkukrem frá St.Tropez í mörg ár og var því mjög forvitin þegar ég sá þessa nýjung.

Eins og nafnið gefur til kynna þá er þetta maski sem gefur raka og fallega brúnku í andlitið. Ég verð að viðurkenna að ég hafði ekki mikla trú á þessu fyrst og var eiginlega búin að dæma þetta fyrirfram. Mér fannst þetta bara hljóma of gott til að vera satt, maski sem myndi gefa manni fallegan lit og gefa húðinni góðan raka en ég hafði svo sannarlega rangt fyrir mér .. því þetta virkar.

*Vöruna fékk greinahöfundur að gjöf/sýnishorn

Maskinn kemur í einu bréfi og er “sheet” maski. Það er hægt að ráða litnum á brúnkukreminu með því að stjórna tímanum, fimm mín þá verður brúnkan ljós, 10 mín þá verður brúnkan miðlungs og síðan 15 mín þá verður brúnkan dökk. Ef maður vill ekki setja á sig brúnkukrem heldur bara fá smá lit í andlitið þá mæli ég með að fara varlega og vera bara með maskann á í fimm mín.

Ég hugsa að þessi vara verði æðisleg viðbót í brúnkukrems rútínuna mína.

Það eru mjög góðar upplýsingar og leiðbeiningar aftan á bréfinu

Þetta er mjög þæginlegt og fljótlegt

TIPS:

#1 Ég mæli með að nudda maskanum vel í hárrótina og nudda honum líka niðrá háls.

#2 Skola hendurnar vel eftir noktun á maskanum

#3 Setja maskann á sig um kvöldið og fara að sofa, vakna síðan daginn eftir með fallegan lit

Þið afsakið gæðin á fyrir og eftir myndunum en ég steingleymdi að taka myndir á myndavélina. Þið sjáið samt vonandi mun en ég var ótrúlega hissa hvað þetta virkaði vel. Ég er allavega mjög sátt með þessa vöru og ætla klárlega að kaupa mér svona fyrir næsta brúnkukrems session.

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

GET READY WITH ME: SECRET SOLSTICE

DEKURHreinsivörurMASKAROOTD

Mig langaði að deila með ykkur örsnöggt um hvernig ég geri mig oft til fyrir eitthvað sérstakt eða bara þegar ég vill gera vel við mig. Ég var að klára smá vinnutörn í dag og ætla á Secret Solstice á morgun, þannig það er tilvalið að gera smá vel við sig.

*Vörurnar sem eru stjörnumerktar fékk ég að gjöf 

Ég byrjaði á því að setja á mig maska en mér finnst mjög mikilvægt að hreinsa húðina mína vel eftir vinnutörn. Maskinn sem ég notaði er í miklu uppáhaldi hjá mér en þetta er Himalayan Charcoal* maskinn frá Body Shop.

Þessi maski er ótrúlega hreinsandi, hreinsar úr svitaholum og skilur húðina eftir ljómandi. Mér finnst hann virka strax og sé sjáanlegan mun á húðinni minni fyrir og eftir.

Ég ætla setja á mig brúnkukrem en ég elska þetta brúnkusprey frá St. Tropez*. Ég ætla að setja þetta á mig núna og fara síðan í sturtu á morgun.

Þetta er express self tan frá St.Tropez sem virkar þannig að eftir einn klukkutíma verður brúnkan ljós, svo næsta klukktíma miðlungs og síðan þriðja klukkutímann þá verður brúnkan orðin dökk. Ég sef samt bara oft með hana og hún verður alls ekkert of dökk.

Því næst ætla ég að hvíta á mér tennurnar en ég keypti nýlega pakka af White Crest í USA. Ég er samt ekki mikið í því að hvíta á mér tennurnar en finnst gott að nota þetta einstaka sinnum.

Síðan er það punkturinn yfir i-ið en ég keypti í dag ótrúlega flottar peysur í 66°Norður. Ég keypti eina fyrir mig og eina fyrir kærasta minn. Ég átti enga svona stóra og þæginlega peysu en þessar finnst mér fullkomnar fyrir íslenskt sumar.

Mig langaði líka að deila með ykkur að 66°Norður bjóða núna uppá 10% afslátt fyrir þá sem eru að fara Secret Solstice.

Ég keypti þessa fyrir mig og fékk mér hana í XL svo hún sé aðeins síð

Svo keypti ég þessa fyrir kærasta minn en ég mæli með að kíkja í 66°Norður fyrir útihátíðirnar og útileigurnar í sumar!

Ég hlakka til að gera mig til á morgun en ég mæli með ef þið viljið sjá heildar dressið og förðunina að fylgjast með mér á hinum miðlunum mínum.

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

BLACK PEEL OFF MASK: IROHA

DEKURHreinsivörurMASKAR

Ég fékk um daginn sendan smá pakka frá IHROA að gjöf og í honum leyndust þrír maskar eða húðvörur. Þetta eru allt vörur sem innihalda kol og eiga að hjálpa til við að fjarlægja fílapensla. Mér finnst alltaf gaman að prufa nýja “peel off” maska en þeir hreinsa húðina vel og ekki skemmir það fyrir hvað það er skemmtilegt að taka þá af!

Þessi lína frá IROHA heitir Black collection – DETOX og er með virkjuðum kolum. Þessir maskar eiga að hjálpa til við að hreinsa húðina vel og losa húðina við fílapensla.

En afhverju kol? 

Vegna þess að virkjuð kol draga í sig bakteríur, eiturefni, óhreinindi og annað sem gæti hafa sest á húðina. 

Ég ákvað að prufa eina af þessum vörum og valdi mér svarta “peel off” maskann. Fyrir ykkur sem ekki vitið en þá virkar peel off maski þannig að þú setur maskann á þig og bíður þangað til að hann þornar og rífur hann síðan af eða sem sagt “peel off”.

Það á samt helst bara að setja þennann maska á þau svæði þar sem fílapenslar eða óhreinindi eru. Til dæmis á T-svæðið en ég var svo spennt að ég setti hann yfir allt andlitið haha.

Það sem þessi maski á að gera er að taka í burtu óhreinindi og minnka svitaholur. Mér finnst húðin líka verða ótrúlega mjúk eftir hann.

Mér fannst hann virka vel og húðin varð ótrúlega mjúk eftir hann. Ég er samt ekki með mjög djúpar svitaholur en fann aðallega mun á því hvað húðin varð hrein og mjúk.

Síðan eru þetta hinar vörurnar sem ég á eftir að prufa

Varan í miðjunni er svokölluð fílapenslabani og á að setja á nefið. Þetta á að hjálpa til við að eyða fílapenslum og öðrum óhreinindum. Mjög spennt að sjá hvernig þessi vara virkar!

Varan til vinstri er Tissue Face Mask og á að hjálpa til við að afeitra og hreinsa húðina. Þessi maski á einnig að róa húðina og skilja hana eftir ferskari. Hljómar mjög vel!

Ég elska að prufa nýjar vörur og þá sérstaklega maska. Það er mjög mikilvægt að setja á sig maska og hugsa vel um húðina. Húðin er stærsta líffærið okkar og fáum við bara eina húð! Þessi bréf eru líka mjög sniðug að því leytinu til að þú þarft bara að kaupa eitt bréf af maska en ekki heila krukku og ef þú fýlar ekki maskann þá áttu ekki heila krukku af honum.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

DEKUR FYRIR ÞREYTTA FÆTUR

DEKURHreinsivörur

Ég verð að deila með ykkur æðislegum vörum sem ég keypti mér seinasta sumar. Þetta er fótalínan frá Bláa Lóninu og er dásamleg fyrir þreyttar fætur.

Ég var að vinna í vaktavinnu seinasta sumar og var þetta æðislegt eftir langa vinnuhelgi. Ég veit að ég á eftir að nota þessa þrennu mikið í sumar! Mér finnst þetta líka æðisleg gjöf fyrir þá sem eiga allt eða fyrir einhvern sem á innilega skilið dekur.

Bláa Lónið er meðal annars þekkt fyrir sínar æðislegu vörur og eru þær unnar úr náttúrulegum hráefnum frá Íslandi. Vörurnar eru ofnæmisprófaðar og án litar- og parabenefna.

Ég ætla segja ykkur aðeins frá línunni..

FOOT SCRUB

Þetta er náttúrulegur fótaskrúbbur sem mýkir húðina og örvar blóðrásina. Þetta er mjög mildur skrúbbur og er gott að leyfa honum að vera á í smá stund áður en hann er skolaður af. Það er mælt með að nota skrúbbinn tvisvar til þrisvar í viku.

Það er líka æðislegt að láta renna í fótabað og skrúbba sig. Vatnið verður alveg hvítt og það myndast hálfgerð Bláa Lóns stemming, mæli með!

 

FOOT AND LEG LOTION

Þetta er æðislegt krem! Ótrúlega kælandi og frískandi fyrir fæturnar. Ég nota þetta líka oft á axlirnar því ég fæ svo mikla vöðvabólgu og mér finnst það hjálpa mikið. Það má nota þetta eins oft og maður þarf.

 

FOOT BALM

Þetta er mýkjandi og nærandi fótaáburður. Þetta er mjög þykkt og gott að nudda því vel inn í fæturnar. Þetta er ótrúlega gott fyrir þurrar fætur og æðislegt að nota eftir skrúbbinn.

Ég mæli með að skrúbba fæturnar fyrst, bera síðan fótaáburðinn á, því næst fara í hreina sokka og sofa. Þá vaknar maður endurnærður og fæturnir eru silkimjúkir.

Þetta eru æðislegar vörur og ég mæli með að kíkja á þær. Það eiga allir skilið að dekra aðeins við sig!

 

 

Takk fyrir að lesa xx 

– Guðrún Helga Sørtveit

Instagram: gudrunsortveit

Snapchat: gsortveitmakeup