Ég hef lengi verið slæm í bakinu en ég hryggbrotnaði fyrir nokkrum árum síðan sem setti stórt strik í reikninginn hjá mér – ég mun líklega þurfa að lifa með smá verkjum af og til. Ég þarf að passa mig að sitja ekki lengi, vera dugleg að hreyfa mig og teygja á líkamanum annars fer bakið að segja til sín. Ég vissi að ég myndi finna fyrir verkjum á meðgöngu en datt ekki í hug að þeir myndu byrja svona snemma, ég var farin að finna til strax í kringum 12. viku.
Ég var svo heppin að fá sendingu sem hitti beint í mark, meðgöngu stuðningsbuxur frá merkinu Supacore sem fæst í versluninni Betra Sport. Supacore Coretech vörurnar eru viðurkenndar lækningavörur af evrópusambandinu. Meðgöngubuxurnar veita einstaklega góðan stuðning við grindina og undir bumbuna. Þær eru góðar við bakverkjum, verkjum í mjöðmum, grind og við grindargliðnun. Ég fann strax mun á bakinu þegar ég byrjaði að nota þær. Ég hef bæði verið í þeim undir önnur föt eins og buxur eða kjóla og svo er ég í þeim einum og sér þegar ég er heima. Ég hef undanfarið átt erfitt með svefn, aðallega vegna verkja og átt erfitt með að koma mér fyrir og þá finnst mér gott að fara í stuðningsbuxurnar og sofa í þeim. Þær eru tvímælalaust að bjarga bakinu mínu og ég gæti ekki mælt meira með þeim! Ég hvet allar verðandi mömmur sem finna fyrir verkjum eða vilja fyrirbyggja verki að kynna sér meðgöngu stuðningsbuxurnar hér.
Þær leka ekki niður og veita góðan stuðning undir bumbuna ásamt því að ná vel upp á bak. Þær eru saumlausar svo það er einstaklega þægilegt að vera í þeim undir öðrum klæðnaði. Ef þið viljið gera vel við ykkur á meðgöngunni og hjálpa líkamanum ykkar að fyrirbyggja verki þá mæli ég tvímælalaust með þessum dásamlegu stuðningsbuxum! Svo mæli ég enn og aftur með að þið lesið ykkur til um stuðningsbuxurnar og hvað þær hjálpa við hér. Ég má til með að bæta því við að Betra Sport er einnig með stuðningsbuxur sem henta einstaklega vel fyrir eftir meðgöngu. Sjá bæði hér og hér. Ég hlakka til að prófa þær þegar ég er búin að eiga!
Hamingjusöm mamma, hamingjusamt barn – er það ekki eitthvað?
Þangað til næst,
Anna Bergmann
IG:@annasbergmann
Skrifa Innlegg