FIMM DÖNSK FASJÓNTREND

FASHION WEEKMAGAZINETRENDWORK

17354721_10154568868032568_1469245938_n

Þetta er útsýnið í augnablikinu. Glamour skilaði sér loksins inn um lúguna og í þessum mánuði á ég þrjár síður í blaðinu. Síðurnar tvær á myndinni innihalda fimm dönsk fasjóntrend sem við megum búast við að sjá meira af í haust. Ég er strax byrjuð að taka þátt í mörgum þeirra en hettur og merktir bolir er eitthvað sem við sjáum í verslunum nú þegar.

glamour

Lesið um mína upplifun af tískuvikunni í Kaupmannahöfn – það mátti finna margar hliðstæður hjá hönnuðum sem sýndi mér betur hvað koma skal.

1. RAUTT
Dönsku hönnuðirnir eru sammála um að rautt sé litur haustsins. Rauðir skór voru áberandi og þá mátti sjá rautt frá toppi til táar í klæðaburði. By Malene Birger, Won Hundred, og Ganni sýndu öll stígvél í þessum eldheita rauða lit. Allt eru þetta merki sem sem fást í íslenskum verslunum.

2. STATEMENT T SHIRT
Kannski besti staðurinn til að koma skilaboðum á framfæri? Merktir stuttermabolir voru áberandi og mátti finna frá flestum hönnuðum. Þetta er trend sem einnig má finna í sumarlínum hönnuða og auðvelt er að taka þátt í. Það þarf ekki að kosta mikinn pening og getur verið nóg að gramsa eftir gömlum hljómsveitarbolum í geymslunni.

3. HETTUR
Hettupeysan hefur verið áberandi undanfarið og sú tíska virðist vera að ná hámarki. Hönnuðirnir sýndu okkur peysuna í ólíkum útfærslum á pöllunum en þetta var líka sú flík sem gestir tískuvikunnar klæddust hvað mest.
Klæðum hettupeysuna upp og niður eftir tilefnum, yfir rómantíska kjóla, undir kápuna sem við kaupum í yfirstærð eða eina og sér. Alveg pottþétt vinsælasta flík ársins!

4. VÍÐAR SKÁLMAR
Niðurþröngar skálmar hafa átt langan líftíma en nú fögnum við víðum skálmum og mittissniði. Malene Birger, Henrik Vibskov, Baum Pferdgarten eru dæmi um hönnuði sem sýndu eingöngu þetta snið í sínum línum. Það getur tekið tíma að venja sig við þessa breytingu og því þarf að sýna henni smá þolinmæði.

5. HLÉBARÐAMUNSTUR
Það er komið aftur, fyrr en okkur grunaði. Við bjóðum hlébarðamunstrið velkomið á ný. Við fegnum að sjá það í mismunandi myndum, t.d. í kjólum og yfirhöfnum. Oftast var það parað við látlausari liti. Trend sem mikilvægt er að para rétt saman að mati undiritaðrar.

 

//
I had three pages in the newest Glaomur Magazine in Iceland. I wrote about the main trends I saw on Copenhagen Fashion Week.
The top five fashion trends were:
The color RED, Statement T-shirts, Hoodies, Wide leg jeans and leopard pattern.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

HETTUPEYSUR VIÐ ALLT

FASHION WEEKTREND

English Version Below

Þegar Glamour spurði mig út í heitasta götutískutrendið í Kaupmannahöfn var ég ekki lengi að hugsa mig um. Hettupeysur eru svo sannarlega málið miðað við hvernig fólk klæddi sig á fremstu bekkjum tískuvikunnar. Þetta er flík sem hefur verið áberandi uppá síðkastið en heldur velli áfram miðað við það sem pallarnir sýndu. Það gleður mig að sjá að Andrea Röfn virðist vera sammála mér, en hún var hinn álitsgjafinn í þessari föstudags grein.

16467312_10155030985019485_1300376106_n
Hettupeysan hefur verið áberandi undanfarið og miðað við götustílinn á tískuvikunni þá virðist þetta trend vera að ná hámarki.

Smekklegir gestir klæddu peysurnar upp og niður, á mismunandi hátt og við mismunandi ólíkar flíkur sem var mjög áhugavert að sjá.
Það verða hettupeysur undir allt núna og fram á vor og árfam inní haustið.

img_1298

WoodWood // Húrra Reykjavík

bob123

BOB Reykjavík

top

Topshop

Kaup helgarinnar? Ég held það …  segi ég og skrifa í minni ágætu BOB peysu sem ég hef notað svo mikið síðustu mánuði, sú er í algjöru uppáhaldi.

Glamour er með vikulega fasjón síðu í Fréttablaðinu á föstudögum.

//

Glamour asked me about the most prominent street style trend at Copenhagen Fashion Week. I said hoodies. Everyone was wearing it and I love it. Now I am wearing mine from Bob Reykjavik – Check it out: HERE

xx,-EG.-

Elísabet Gunnars á Facebook – HÉR
&

Trendnet á Facebook – HÉR

NÝTT GLAMOUR !

PersónulegtTímarit

Í dag fékk ég inn um lúguna hjá mér rjúkandi heitt Glamour sem ég ætla að lesa um helgina. Þemað að þessu sinni er brúðkaup og þó svo að ég sé ekki í brúðkaupshugleiðingum þá hef ég engu að síður mjög gaman af svona efni:) Fyrir þetta blað þá tók ég saman hugmyndir að skreytingum ásamt brúðkaupsgjöfum sem slá pottþétt í gegn. Ég rakst svo á flotta Boston grein frá Trend-Andreu okkar og ég er ekki frá því að mig langi alltof mikið aftur til Boston núna! Ég verð nú líka að segja að ég er hrikalega sátt með forsíðuna að þessu sinni en haldið þið ekki að það sé svona fallegur appelsínugulur köttur sem skreyti hana ásamt eiganda sínu, -hinni hæfileikaríku Salvöru Menuez.

12991970_10154755602358332_145245416_o

 

 

Fína plakatið sem blaðið liggur á er eftir Heiðdísi Helgadóttur 

12991831_10154755601683332_1888487187_o

Ég mæli með þessu blaði xx

Screen-Shot-2015-04-23-at-22.38.42111

BLÓM GERA ALLT BETRA

HeimiliPersónulegtStofa

Ég keypti mér svo fallegan blómvönd í gær að það var ekki annað hægt en að taka myndir hér heima í dag enda færa blóm svo mikið líf inn á heimilið, blómvöndinn fann ég nú bara í minni venjulegu búðarferð við hliðina á grænmetisrekkanum á ofsa góðum prís svo ég gat ekki annað en kippt honum með. Ég er ekki frá því að blómvöndurinn hafi haft aldeilis góð áhrif því ég var farin að taka til í skúffum og í öllum krókum og kimum í lok dagsins, ég þarf greinilega oftar að kaupa mér blómvönd:) Myndirnar birti ég á Instagram síðunni minn @svana_ sem ykkur er velkomið að fylgjast með.
12948431_10154732759968332_347187811_o 12986523_10154732759478332_536133789_o

Plakat: Scintilla, Blómavasi: Finnsdóttir, Púðar: Hay og Further North.

Það sem að ég er skotin í þessum fallegu blómum ♡

Screen-Shot-2015-04-23-at-22.38.42111

Í TÍMARITUM

PersónulegtTímarit

Það bættist örlítið við tímaritabunkann í vikunni en í gær kom inn um lúguna rjúkandi heitt Glamour sem ég ætla að lesa í góðu næði um helgina. Fyrir blaðið að þessu sinni þá tók ég m.a. viðtal við Trine Andersen stofnanda danska hönnunarmerkisins Ferm Living ásamt því að taka saman falleg kerti fyrir öll komandi kósýkvöldin, ég mæli svo sannarlega með því að næla ykkur í eintak…

Screen Shot 2015-11-11 at 11.03.00

Svo kom einnig nýtt Home Magazine út á dögunum en þau kíktu í heimsókn til mín fyrir stuttu síðan og mynduðu nokkra uppáhalds hluti ásamt því að sýna brot af heimilinu. Ég fæ kannski að birta nokkrar myndir úr því við tækifæri, ég náði að troða flestum af mínum uppáhaldshlutum með þó svo að þeir séu ekki beint tilgreindir, en sá allra uppáhalds er auðvitað Betúel minn sem bjargaði mér frá því að deyja úr stressi í myndatökunni… þær eru nefnilega ekki minn tebolli!

Screen Shot 2015-11-11 at 11.03.13

Þriðja blaðið bættist svo við bunkann núna í morgun en það hefur mögulega ekki farið framhjá ykkur að jólablað Bo Bedre er komið út og það er skyldueign að margra mati, svo ótrúlega fallegt og mikið af góðum hugmyndum. Ég stalst aðeins til að fletta því í morgun en ég fæ að geyma það þar til vinnuvikan er búin:)

Screen-Shot-2015-04-23-at-22.38.4211

LÍFIÐ: LINDEX X GLAMOUR

LÍFIÐWORK

12071801_10153293741262568_136494078_n

Víða hafa verið birtar myndir frá glæsilegu boði Lindex og Glamour sem fram fór um nýliðna helgi. Um var að ræða fögnuð í tilefni af útgáfu glænýs október blaðs Glamour á sama tíma og nýjar haustflíkur fóru í sölu hjá sænsku snillingunum. Ég var á landinu vegna þessa og hjálpaði til við undirbúning á viðburði sem heppnaðist svona líka vel.
Myndavélin var með í för þó ég hefði sannarlega mátt vera duglegri að smella á takkann. Hér eru nokkrar til að deila með ykkur –

image_7
Bak við blaðið er ein frábær kona sem mætti fyrst og fór síðust –

image_8
Hildur Erla með myndavélina á lofti –

image_10 image_17

Ég hef fengið mjög margar fyrirspurnir um þetta ágæta dress eftir Instagram mynd sem ég birti af mér í því. Þessi póstur hefur því greinilega farið fram hjá einhverjum ykkar.

image_20
Með Nönnu minni –

image_21
Írena lét sig ekki vanta í veisluna –

image_22 image

Vinkonur. Þyri (til vinstri) fór ekki tómhent út –

image_2
Álfrún og Hildur frá Glamour –

image_3

Að fá að vinna með Lindex af og til er ómetanlegt. Það eru falleg hjörtu sem þar slá –

image_4 image_5 image_6
Í góðum félagsskap ritstjóra og fatahönnuðar. Þekkið þið hvaðan leðurjakkinn hennar Álfrúnar kemur?

image_9  image_12

Þessi sá um veitingar. Pís –

image_13

Litla systir ljúfa og góða –

image_14 image_15image_11
Öll betri boð bjóða uppá veglega gjafapoka –

image_16 image_18

Erna Hrund – Rósa María – Þórunn

image_19

Frábært kvöld!
Takk fyrir mig –

xx,-EG-.

Elísabet Gunnars á Facebook – HÉR
&
Trendnet á Facebook – HÉR

DRESS

DRESSFASHIONWORK

Ég átti gott kvöld í gær þegar Lindex og Glamour tóku höndum saman og héldu frumsýningarpartý í Kringlunni. Rjúkandi heitt oktoberblað Glamour var afhent í veglegum gjafapokum innan um nýja haustlínu Lindex.

image_2
image_3 image_5image_4
Ég klæddist Lindex frá toppi til táar – það var við hæfi fyrir atburð sem þennan. Dragtin er komin í mikið uppáhald en ég mun líklega nota hana mikið saman og í sitthvoru lagi.

Jakki: Lindex, Buxur: Lindex, Bolur: Lindex

Þessa dagana stendur Lindex fyrir Instagram leik sem snýst um að við merkjum myndirnar okkar #LINDEXICELAND. Einu skilyrðin eru að myndin tengist Lindex og Íslandi. Þrjár myndir verða valdar daglega út næstu viku og fá vinningshafar 10.000 krónur að inneign í versluninni.

Ég sýni ykkur fleiri myndir frá frumsýningar-kvöldinu hið allra fyrsta.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

NÝTT GLAMOUR KOMIÐ ÚT

PersónulegtTímarit

Fjórða tölublað Glamour kom út á dögunum, vá hvað tíminn líður hratt því mér finnst fyrsta tölublaðið bara nýkomið út!:) Eins og áður þá held ég utan um hönnunar og heimilissíðurnar í lífstílskaflanum og að þessu sinni tók ég saman nokkra fallega vasa, skraut á veggi og svo nokkrar góðar bloggsíður sem ég mæli með að kíkja á. Ég les þetta blað vanalega alveg í ræmur og var ekki alveg búin að lesa allar blaðsíðurnar þegar ég smellti af þessum myndum fyrr í dag. Ég þarf því að láta það mér að kenningu verða að hafa ekki gengið frá blaðinu aftur, því núna er Bjartur búinn að rífa það í tætlur…

IMG_20150716_144038 IMG_20150716_144054 IMG_20150716_144110

Ég mæli svo sannarlega með þessu fína blaði!

Screen-Shot-2015-04-23-at-22.38.421

Í NÝJASTA GLAMOUR…

PersónulegtTímarit

Þið eruð vonandi flest búin að sjá nýjasta eintakið af Glamour sem kom út á dögunum, ég er búin að lesa mitt blað í ræmur, en þetta er í fyrsta skiptið sem ég hef gerst áskrifandi af nokkru tímariti, enda finnst mér það algjörlega frábært. Reyndar lét ég svo vinkonu mína fá það eintak því ég fékk aukablað sent í pósti í þakklæti fyrir að hafa skrifað efni í þetta blað. Aftarlega í blaðinu undir lífstílskaflanum má nefnilega finna eina blaðsíðu þar sem ég fer yfir nokkur falleg ljós, skartgripi heimilisins eins og ég kýs að kalla þau. 20150514_114822 20150514_114855

Ef þessi fíni frídagur er ekki fullkominn fyrir kaffihús og tímarit!

Ég mæli með þessu;)

x Svana

Screen-Shot-2015-04-23-at-22.38.42

Sunnudagslesturinn

Ég Mæli MeðFashionLífið Mitt

Eftir miklar vinnutarnir í síðustu viku var kærkomið að eiga smá rólega stund svona á milli stríða í gær. Ég er enn á fullu að klára næsta tölublað Reykjavík Makeup Journal sem mun líta dagsins ljós í lok maí ásamt því að það er heill hellingur að gerast í öðrum vinnutengdum verkefnum. Tveggja barna verðandi móðirin fékk þétta samdrætti í Hagkaupsferð í gær og tók því sem ákveðnu merki að slaka á það sem eftir var dagsins. Þar sem Aðalsteinn var á vakt í vinnunni fékk einkasonurinn mikið dekur og fékk að liggja í kósýgallanum uppí sófa þar til hann loks sofnaði værum síðdegislúr og þá greip mamman í tímaritastaflann sem hefur safnast aðeins of hratt upp bara á einni viku :)

Þessi voru á leslistanum mínum þennan sunnudag…

sunnudags6

Þetta er nú ansi góður stafli hjá mér og já ég komst yfir öll þessi 5 blöð í gær, það var alveg æðislegt og það sem gerði lesturinn enn betri var góði kaffibollinn í múmínbollanum að sjálfsögðu – hann kláraðist þó fljótt. Hér sjáið þið líka fallegu túlípanana sem sonurinn gaf mömmu sinni í tilefni mæðradagsins.

sunnudags5

Nýtt Líf

Í nýjasta tölublaðinu kennir ýmissa grasa og forsíðuviðtalið er virkilega vel unnið og gaman að lesa um þessa flottu konu. Myndirnar eru líka algjört æði en það er Aldís Páls sem tekur þær, Kristjana hjá Lancome sá um förðun og Theodóra okkar Trendnetinga gerði hárið. Lilja mín fer á kostum eins og alltaf þegar kemur að fegurðarkaflanum, Adda Soffía og Steffí – my partners in crime eiga virkilega flottar síður og svo er hellingur meira – mæli með!

sunnudags4

Allure

Biblía bjútíáhugamanneskjunnar. Einn af mínum draumum er að fá að ritstýra íslenskri útgáfu af Allure, hversu æðislegt væri það! Þið vitið ekki hvað ég hef lært mikið af sérfræðingunum á bakvið þetta flotta blað og fengið ótal hugmyndir af skemmtilegum greinum og færslum. Hér er það dansarinn Julianne Hough sem situr fyrir á forsíðunni.

sunnudags3

Glamour

Ég var mjög spennt að sjá hvernig ritstjórn Glamour hér á Íslandi myndi fylgja eftir síðasta tölublaði og jafnframt því fyrsta. Ég verð að lýsa mig virkilega ánægða með tilkomu hennar Öddu Soffíu á ritstjórn blaðsins sem er mikill séní þegar kemur að förðun og snyrtivörum og bjútíkaflinn er til fyrirmyndar! Ég er ein af þeim sem fletti bara beint að honum og les hann fyrst á undan restinni. Blaðið er allt saman mjög flott og góð heildarmynd yfir því – viðtalið við Ingu Eiríksdóttur er skyldulesning og myndirnar eftir Silju Magg eru sannkallaðar gersemar eins og þið eruð líklega nú þegar búin að sjá. Fullt af öðrum flottum síðum, mega girnilegar uppskriftir og flott innlit. Vel gert frænka!!!***

sunnudags2

Vikan

Ég tók mig til og las í gegnum þetta flotta tölublað sem ber heitið Barnablað. Ég las reyndar í leiðinni viðtalið við mig, það hljómar kannski undarlega en það er aðeins öðruvísi að sjá það svona flott uppsett í blaðinu og lesa það á prenti en bara á tölvuskjá. Ég er eins og áður virkilega sátt við viðtalið og hún Hildur fór mjög vel með orðin mín – myndirnar eftir Rut Sigurðar eru gersemar sem fá að fara uppá vegg um leið og mér tekst að velja á milli þeirra og svo er ég svakalega ánægð með listaverkið sem Helgu Kristjáns tókst að gera úr mér með förðunarpenslum og krullujárni að vopni. Restin af umfjöllunarefni í blaðinu er sko ekkert síðri og ég mæli heils hugar með lestri!

sunnudags

Eurowoman

Algjör skyldueign á mínu heimili. Með þessu nýjasta tölublaði fylgdi svo aukablað sem innihélt topp 100 lista yfir bestu snyrtivörurnar í snyrtiheiminum í dag. Blaðið olli mér reyndar miklum vonbrigðum – þá ekki listinn sjálfur heldur uppsetningin, hver vara fékk ekki að njóta sín sem skyldi og ég var fljót að leggja það frá mér. Blaðið sjálft er hins vegar augnakonfekt eins og forsíðan gefur til kynna. Bjútíkaflinn er þó enginn og ég er mjög sár útí mitt uppáhalds danska blað – ég og nýji bjútí editorinn erum ekki að ná að bonda ég krosslegg fingur fyrir næsta blað :)

Dásamlegur sunnudagur og fullkominn mæðradagur eins og þið eruð kannski búnar að lesa um í síðustu færslu.

Í dag eru það rólegheit og vinna í Reykjavík Makeup Journal held að samdrættir gærdagsins gefi til kynna að ég ætti kannski að fara rólega inní þessa vinnuviku og ef til vill bara vinna uppí rúmi – það hljómar eins og ljúf tónlist í mínum eyrum ;)

EH

Fylgið mér endilega á snapchat – ernahrundrfj