Undur á Íslandi

HÚÐ

Þetta blogg þarf bara að vera lengra en gengur og gerist! En ég og Guðrún Sortveit fórum í heimsókn í höfuðstöðvar BioEffect. Þessi heimsókn hverfur seint úr minni mér en við sátum fyrst fund hjá Hildi og Bryndísi en þær starfa í markaðsdeildinni. Ég þekki Hildi og sú er flott í sínu starfi. Hún á hrós skilið fyrir frábæran fund.. en hún taldi mér trú um að BioEffect droparnir séu mér jafn nauðsynlegir og Omega 3 fitusýrurnar, sem sagt lífsnauðsynlegir! Ég hefði viljað vera “live” á einhverjum samfélagsmiðli svo fleiri gætu fengið að njóta þessara upplýsinga, en allt varðandi BioEffect er stórkostlegt. I aint joking! Ég var hrifin af þessum vörum en núna er ég fan number one! Framleiðslan, innihaldsefnin, virknin, árangurinn af BioEffect, vísindalegu rannsóknirnar… sölustaðir BioEffect, allar stjörnurnar sem nota vörurnar .. þetta er allt “negla”. Ætli það sé ekki bara þannig þegar maður er með svona ótrúlega hreina og öfluga afurð í höndunum.

Eins fórum við í húðgreiningu. Mér leið eins og ég væri á leið í próf, stressið heltók mig. Ég beið eftir hræðilegum niðurstöðum þrátt fyrir að hafa hugsað vel um húðina í langan tíma (notað BioEffect lengi, forðast sólböð, nota sterka vörn, sleppi ljósalömpum og fl.). Fyrstu niðurstöður voru satt að segja mjög fyndnar og alveg í takt við mig.. ég gleymdi s.s. að taka af mér laust púður sem ég setti á augnsvæðið. Púðrið myndar skugga og því mældist ég hrikalega í fyrstu. Sá sem greindi okkur sagði að ég væri nánast við dauðans dyr miðað við þessar niðurstöður.. frábært… en ekta ég.. en svo þreif ég andlitið og augnsvæðið og þá var niðurstaðan allt önnur. Hitt gat bara ekki verið, að ég liti verr út en allar konur á mínum aldri. Sko, allar…. haha. Maður þarf sem sagt að vera ómálaður.

Ég hef verið svo heppin að fá vörur frá BioEffect í nokkur ár. Ég hef oft skrifað um þær hér enda er ég loyal því sem ég fíla. Í gær fengum við ótrúlega veglegan gjafakassa. Þetta er allt svo high-end fallegt.. alveg sér á báti. En við fengum eftirfarandi:

BioEffect bók
EGF + 2A daily treatment – Ný vara. Hún verndar húðina gegn umhverfinu.
EGF EyeSerum + EGF Eye Mask Treatment – eye mask er magnað, I’m telling you!
BioEffect Volcanic Exfoliator – bókstaflega í uppáhaldi til margra ára.
EGF Day Serum – Þetta nota ég ótrúlega mikið (sem betur fer). Set á mig fyrir svefn.

Ég veit að Guðrún ætlar að segja ykkur frá vörunum svo ég leyfi henni að sjá um það.

Takk fyrir mig, I’m one happy camper!

Rakabomba frá BIOEFFECT

Ég Mæli MeðHúðLífið MittNýtt í snyrtibuddunni minniSnyrtivörur

Mig langar að segja ykkur frá húðvörunni sem ég hef verið að nota núna samfleytt undanfarnar vikur – vörunni sem kom minni hrikalega illu förnu húð í jafnvægi eftir harðan vetur. Ég er náttúrulega endalaust búin að vera að kvarta yfir því hvað húðin mín er búin að vera þur og illa farin síðustu vikurnar og eftir sirka 10 daga notkun á nýja EGF Day Seruminu frá BIOEFFECT gat ég loksins hætt að tuða. Nú þori ég ekki að hætta að nota vöruna af ótta við að hún fari aftur í sama far – svo ef þið kannist við málið haldið þá endilega áfram að lesa.

Þið ættuð nú flest allar að þekkja íslenska merkið EGF – merkið er betur þekkt sem BIOEFFECT erlendis en þær vörur eru virkari en EGF vörurnar af frumuvökunum og virku efnunum í vörunum. Hér á Íslandi höfum við aðeins fengið að kynnast BIOEFFECT en 30 Day Treatment droparnir komu í búðir nú fyrir jól og nú er Day Serumið fáanlegt á sölustöðum merkisins. Ég fékk kynningu á vörunni þegar hún kom á markaðinn og eftir að hafa notað hana nú, kynnst virkninni og fundið hana virka langar mig að deila minni upplifun með ykkur. En eins og þið vonandi vitið reyni ég alltaf að prófa húðvörur í alla vega 2-3 vikur áður en mér finnst ég geta fyllilega dæmt hvernig varan virkar fyrir mig :)

rakabomba4

Ég er svakalega hrifin af BIOEFFECT umbúðunum – þessum grænröndóttu pakkningum sem toga í athygli manns og um leið og ég sá þær varð ég heilluð. Svo mér finnst eiginlega skemmtilegra að fá vörur frá því merki en EGF – bara útaf pakkningum. Stundum er ég yfirborðskennd þegar kemur að pakkningum, engu öðru – lofa!

Day Serumið kemur í flösku með pumpu sem skammtar manni ráðlagðan dagskammt. Varan er virkilega drjúg og flott og það er mælt með því að varan sé notuð á hverjum morgni og meirað segja ætti þetta serum að vera nóg á morgnanna fyrir allar húðtýpur – s.s. ekkert rakakrem. Ég komst ekki upp með það í fyrstu skiptin sem ég notaði vöruna því ég var svo svakalega þur. Svo stundum setti ég bara annan skammt af seruminu á húðina eða notaði létt rakakrem yfir.

Frumuvakinn í seruminu örvar endurnýjun frumnanna í húðinni svo virkni þeirra eykst til muna og smám saman nær virkni serumsins að endurvekja þessa endurnýjun frumnanna og hvetja þær áfram. En þegar við eldumst þá hægist á þessari framleiðslu. Seruminu er því ætlað að koma húðinni í gott jafnvægi og þar á meðal þegar kemur að rakamagni húðarinnar sem er það sem ég persónulega leitaðist aðallega eftir.

rakabomba

Ég er ekki marktæk á breytingar á öldrunareinkennum húðarinnar nema fyrst og fremst þegar kemur að rakanum í húðinni. Mér finnst mín húð eftir notkunina komin í jafnvægi þegar kemur að honum, húðin mín er áferðafalleg og eins og alltaf eftir að ég nota þessar EGF vörur þá finnst mér hún ljóma og fá ennþá meiri náttúrulega útgeislun sem er aldrei ókostur.

Eins og aðrar vörur frá BIOEFFECT og EGF er varan virkilega drjúg og það þarf lítið sem ekkert magn til að ná að dreifa kreminu yfir allt andlitið. Til að byrja með þurfti mín húð aðeins meira en hún þarf núna, eftir þriggja vikna notkun finn ég mikinn mun á því hvað ég þarf mikið af vörunni – í dag er þetta litla magn sem þið sjáið hér fyrir neðan alveg feykinóg fyrir mig.

rakabomba2

Að lokum langar mig að deila með ykkur einum svona aukakosti við vöruna. Áferð gelsins minnir óneitanlega á primer eða farðagrunn. Þó ég gangi kannski ekki svo langt með að segja að varan komi í staðin fyrir primer þá grunnar kremið húðina mjög vel og áferð húðarinnar verður jöfn og falleg og þar af leiðandi verður auðveldara að bera grunnförðunarvörur yfir húðina – þær dreifast mun betur og renna fallega yfir húðina.

Á móti kreminu er mælt með notkun á BIOEFFECT dropunum fyrir nóttina og þá hef ég samviskusamlega notað á móti og fæ því alveg fulla virkni.

Þetta er frábær vara til að koma húðinni í gott jafnvægi eftir erfiðan vetur og ég gef Day Seruminu mín allra bestu meðmæli. Merkið heldur áfram að senda frá sér gæðamiklar vörur sem standast kröfur kvenna um allan heim en vissuð þið að BIOEFFECT vörurnar eru fáanlegar í mörgþúsund verslunum um allan heim, hafa unnið fjöldan allan af verðlaunum og eru iðulega sýnilegar á blasíðum flottra tímarita um heim allan – held að vörurnar séu að verða komnar á góða leið með að verða vinsælli en fiskurinn okkar og skyrið… :)

EH

Varan sem ég skrifa um hér fékk ég senda sem sýnishorn Það hefur þó engin áhrif á álit mitt á vörunum og eins og alltaf veiti ég hreinskilið álit. 

p.s. að lokum þá sjáið þið hér nafn dömunnar sem ég dró út í I Love… leiknum:

Screen Shot 2015-04-28 at 6.38.57 PM

Til lukku Elva Rún – sendu mér línu á ernahrund(hjá)trendnet.is og ég læt þig vita hvar þú getur nálgast vinninginn :)

Ekki missa af neinu og fylgist með Reykjavík Fashion Journal á Facebook:
REYKJAVÍK FASHION JOURNAL

Bio Effect vörurnar

HÚÐ

Það var ekki leiðinlegt að fá fullan poka af vörum sem ég hef notað mikið síðastliðin tvö ár. Ég hef oft bloggað um vörurnar frá EGF/Bio Effect og mælt með þeim. Ég nota EGF serum-ið nánast daglega, sérstaklega eftir að ég fór í Dermapen meðferðina. Það hefur algjörlega reddað mér því það kemur mikill þurrkur í kjölfarið af meðferðinni. Ég prófaði að nota önnur mjög rakagefandi krem en ekkert hélt mér jafn rakri og serum-ið. Þess vegna er ég einmitt búin með helminginn af því (og meira til) eins og sést á myndunum hér að neðan.

EGF augnserum-ið prófaði ég í vetur (eins og áður hefur komið fram, sjá hér). Ég geymi mitt í kæli og ber það á augnsvæðið fyrir svefn. Það dregur úr þrota og mér finnst það mjög gott. Ég nota það nokkrum sinnum í viku.

Svo hef ég líka notað kornahreinsinn frá þeim (sjá færslu hér). Kornin eru mátulega stór og rispa því ekki andlitið. Eins verður húðin mjög mjúk eftir notkunina þar sem hreinsirinn er nokkuð olíukenndur.

Dagkremið hef ég einnig notað í langan tíma. Það er mjög létt og lyktarlítið. Ég nota samt voðalega lítið dagkrem og ber það því oftast á mig á kvöldin. Satt að segja kann ég ekki alveg á dagkremin. Mér finnst ómögulegt að farða mig eftir að hafa sett á mig dagkrem (hvaða dagkrem sem er), þó svo það líði einhver tími þar til ég mála mig. Þess í stað ber ég það á mig á kvöldin :)

Screen Shot 2014-12-08 at 3.49.41 PMScreen Shot 2014-12-08 at 3.50.34 PMScreen Shot 2014-12-08 at 3.49.49 PM Screen Shot 2014-12-08 at 3.49.57 PM Screen Shot 2014-12-08 at 3.50.13 PM Screen Shot 2014-12-08 at 3.50.04 PM Screen Shot 2014-12-08 at 3.50.25 PM

En svo er punkturinn yfir i-ið Bio Effect 30 day treatment, húðdroparnir frægu. Ég hef ekki prófað þá enn. Ég ætla að leyfa húðinni að jafna sig eftir Dermapen meðferðina en ég kláraði meðferðina í dag. Húðdroparnir frá Bio Effect hafa vakið mikla athygli og hlotið mörg virt snyrtivöruverðlaun. Erna Hrund fjallaði ítarlega um húðdropana um daginn og ég mæli með þeim lestri fyrir áhugasama, sjá hér. Ég er spennt að prófa þá enda eru þeir taldir margfalt öflugri en EGF-serumið. Svei mér þá, ef fólk mun ekki rugla mér saman við nýbónuðum bíl þá veit ég ekki hvað. Frábærar vörur alla leið!

karenlind

Húðdroparnir sem eru að sigra heiminn!

Ég Mæli MeðFyrir eldri húðHúðLífið MittSnyrtivörur

Fyrir nokkru síðan bauðst mér að koma í heimsókn og kynnast vörunum frá EGF eða Bioeffect eins og merkið er betur þekkt sem erlendis. Ég hef áður sagt ykkur frá minni reynslu af vörunum sem ég var þá að prófa í fyrsta sinn og ég heillaðist langmest af húðdropunum mögnuðu eins og svo margir á undan mér. Þessir stórkostlegu dropar vekja mikla athygli hvert sem þeir koma og það var ótrúlega gaman að sjá hversu frægir þeir eru – það er nánst hægt að líkja þeim við Björk og Sigurrós en bara í bjútíheiminum ;)

En að fara í heimsókn og fræðast um merkið og fá að sjá tilraunarglösin þar sem þessi flottu virku efni eru að þroskast og að fjölga sér var eiginlega bara frekar magnað og það var líka bara mjög gaman að sjá hvernig þetta er allt saman gert. Ég heilsaði t.d. bara uppá skvísurnar sem sjá um að setja pakkningarnar saman og að setja vörurnar í þær – þetta er bara gert í höndunum nánast frá A-Ö. En eins og ég segi hér fyrir ofan þá er merkið betur þekkt undir nafninu Bioeffect erlendis og ég hef alltaf laðast sérstaklega að pakkningunum þeirra (þær eru öðruvísi hér á Íslandi nefninlega). Þær grípa svo athygli manns í erlendum tímaritum þar sem ég hef ófáum sinnum rekist á þær og þau sýndu mér t.d. lang flestar af umfjöllununum sem hafa verið gerðar um þessar undravörur og ég þessar vörur hafa verið í gegnum þær að ná til ótrúlega breiðs hóps.

Húðdroparnir sópa einnig að sér verðlaunum og þau nýjustu eru virtustu snyrtivöruverðlaun í Póllandi í flokki lúxussnyrtivara. Verðlaunin hafa verið veitt árlega í tuttugu ár til alþjóðlegra og pólskra vörumerkja og húðvara sem þykja skara fram úr á hverjum tíma. Aðrir verðlaunahafar þetta árið voru: Lancome, Clarins, La Mer, Estee Lauder, Tom Ford, L`Oreal Paris, Vichy og Issey Miyake. Ég get nú ekki sagt annað en að mér finnist stórkostlegt að vara frá okkar litla Íslandi sé hér í flokki með mörgum af flottustu húðvörumerkjum í heiminum í dag og ég held að við á litla Íslandi áttum okkur ekki á vinsældunum ef ég tala fyrir mig alla vega þá gapti ég af undrun. En vörurnar eru seldar í yfir 700 stórverslunum, snyrtivöruverslunum, læknastofum, heilsulindum og flugfélögum í 25 löndum!

SK:, , fot. Podlewski/AKPA

Hér sjáið þið dreifiaðila Sif Cosmetics í Póllandi taka á móti verðlaununum.

Ég verð að segja fyrir mitt leyti að húðdroparnir eru með gæðamestu snyrtivörum sem ég hef prófað. Þetta er vara sem fór óskaplega vel með mína húð, þetta er vara sem er svo drjúg og endist því lengi, þetta er vara sem virkar og gerir nákvæmlega það sem hún segist ætla að gera og að lokum þá er þetta einföld vara í klassískum umbúðum sem er eitthvað sem ég lít alltaf á sem gæðamerki því einfaldara, því betra.

Eftir fræðsluna um merkið fékk ég prufur af nýjustu vöru Sif Cosmetics hér á landi sem hefur eingöngu fengist erlendis og er nú s.s. til hér á Íslandi undir merkinu Bioeffects…

bioeffect

Varan heitir 30 Day Treatment og er sérstaklega öflug meðferð sem er með þrisvar sinnum meira af EGF frumuvakanum en húðdroparnir og fyrir og eftir myndirnar sem ég sá voru sláandi. Þeir hjá Sif Cosmetics tóku líka fram við mig að þær myndir hefðu komið þeim mikið á óvart líka – sem er auðvitað frábært að varan sé að veita öfluga og góða meðferð og sé að skila miklum árangri og sporna þannig við öldrun húðarinnar og draga úr einkennum hennar með því að örva frumurnar okkar. En það sem frumuvakarnir eru að gera er að þeir eru eiginlega að plata frumurnar til að haga sér eins og áður – áður en það hægðist á starfsemi þeirra en það er það sem gerist þegar húðin eldist er að starfsemi húðfrumnanna verður hægari, endurnýjun verður hægari, húðin missir fyllingu og teygjanleika og það slaknar á henni. Það sem gerist einnig er að húðin þinnist en rannsókn sem óháður húðlæknir og prófessor við háskóla í Þýskalandi, Dr. Martina Kerscher, gerði sýndi fram á aukna þykkt í húðinni við noktun á húðdropunum.

bioeffect2

30 daga meðferðar droparnir eru alveg stórkostlega flott vara og húðdroparnir eru það líka – þeir eru t.d. ótrúlega flott gjöf fyrir þá konu sem þið gefið jólagjöf sem á skilið gott húðdekur. Takið eftir því að pakkningarnar eru merktar með Made in Iceland – ég veit ekki með ykkur en ég varð smá stolt þegar ég sá þetta og hugsaði svo – vá þessi flotta vara er til í yfir 700 verslunum, ég er alla vega mjög ánægð með að þessar vörur séu meðal þeirra sem kynna erlent fólk fyrir landinu okkar og duglega og skapandi fólkinu sem býr hér og starfar.

Þemað fyrir næsta Reykjavík Makeup Journal er nú þegar ákveðið og ég hef nú þegar ákveðið að vörurnar frá Sif Cosmetics fái góða umfjöllun og ég hlakka til að deila meiri upplýsingum um þetta flotta merki með ykkur. En auk þess verð ég að mæla með greininni sem hún Lilja Ósk skrifaði í nýjasta tölublað Nýs Lífs um byltingu frumuvakanna í snyrtivöruheiminum.

EH

Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.

Hvað finnst mér: húðvörurnar frá EGF

Ég Mæli MeðHúðLífið MittSnyrtivörur

Í byrjun sumars fékk ég sendar vörur frá Sif Cosmetics sem eru með EGF húðvörunar á sínum snærum. Ég hef aldrei prófað þær, ég veit lítið um þær og hef lítið heyrt um þær. Ég ákvað að stökkva á tækifærið og nýta sumarið til að prófa þær almennilega og skíra vel frá upplifun minni.

Ef þið hafið þó lesið síðuna vel í sumar þá ættuð þið að hafa séð þeim bregða fyrir hér og þar eins og í snyrtibuddu mánaðarins og í hópmyndatökum :)

Hér sjáið þið dásamlega trioið frá EGF sem ég kolféll fyrir núna í sumar…

egfvörur2

„Vörurnar innihalda EGF frumuvaka sem eru unnir úr byggi sem gegnir lykilhlutverki í líffræði húðarinnar og stuðlar að endurnýjun hennar.“
– fengið að láni á heimasíðu EGF.is

Húðdropar:
Þetta eru nú meiri dásemdar droparnir en þeir hafa verið í stöðugri notkun hjá mér. Fyrsta varan sem ég prófaði af þessum og það má eiginlega segja að ég hafi samstundis fallið fyrir þeim. Droparnir gefa svo mikla fyllingu í húðina og gefa henni svo þægilega tilfinningu að ég get eiginlega ekki lofað þá nóg. Ég held þetta sé í raun varan sem maður ætti að testa fyrst eða að fá alla vega að prófa á handabakinu til að kynnast virkni vörunnar og áferðinni.

Ég las það á heimasíðu merkisins að húðdroparnir eru fljótari að taka til sín á yngri húð og þar af leiðandi er eðlilegt að ég fái svona góða upplifun eftir stutta notkun. Þeir segja að það geti tekið lengri tíma eftir því sem húðin er eldri en ávinningurinn sé á endanum sá sami.

Augnablik:
Ég elska fátt annað en augnkrem sem kæla húðina. Ég hef lengi verið með það á to do listanum mínum að skrifa um öll mín uppáhalds kælikrem því án gríns þá eru mörg þeirra betri en espresso bolli á morgnanna. Þetta krem eða þunna gel eiginlega kælir mjög vel, dregur úr þrota og leysir því upp vökva sem getur verið í kringum augun þegar við erum þreyttar eða undir miklu álagi. Umbúðirnar eru mjög fínar en ef það er eitt sem ég get sett útá þær þá er það það að það kemur of mikið gel þegar maður pumpar einu sinni alla leið. Ég komst því upp á lagið með það að pumpa bara hálfa leið og það er ótrúlega fínt magn því það dreifist vel úr gelinu.

Hafið í huga að þið ættuð helst að dreifa úr augnkremi eða svona geli alveg útað gagnauganu til að ná út allt augnsvæðið og kæla það allt vel. Sumar setja líka meðfram augnbeininu fyrir ofan augað og það geri ég alveg sutndum líka alls ekki alltaf. En af því að gelið er dáldið blautt þarf að leyfa því að fara vel inní húðina og gefa því nokkrar mínútur til að gera það. Ég lærði alla veg af mistökunum og veit nú að ég þarf að bíða smá :)

Dagkrem:
Á krukkunni stendur að kremið sé fyrir venjulega eða blandaða húð en ég myndi líka mæla með því fyrir þurra húð ég alla vega kunni ótrúlega vel við áferðina og tilfinninguna sem kremið gaf mér. Kremið er virkilega fallegt og vel þeytt. Kremið fær hrós fyrir það að fara hratt inní húðina og það er ekkert að asnast við að skilja eftir slóð á yfirborði húðarinnar sem getur smitast í grunnförðunarvörur sem við setjum svo á húðina og mögulega skemmt áferð þeirra. Það gefur þægilega tilfinningu, dreifir vel úr sér og er því drjúgt.

Þessa stundina er ég svo að prófa húðdropana frá merkinu sem eru fyrir líkamann – þeir koma skemmtilega á óvart en fá betri færslu seinna og eftir betri tilraunastarfsemi.

Eins og ég segi hér fyrir ofan þá er ég búin að vera að prófa vörurnar í sumar, fyrst með reglulegri notkun kvölds og morgna og svo svona af og til til að endurnýja kynni mín af vörunum. En ég verð alltaf að nota húðvörur að staðaldri og í ákveðin tíma til að finna hvernig þær virka.

Af þessum þremur vörum hér fyrir ofan þá verð ég að velja húðdropana sem mína uppáhalds vöru frá EGF sérstaklega vegna þess að mér fannst hún alltaf standa fyrir sínu hvort sem ég notaði þá með þessum vörum eða vörum frá öðrum merkjum. Ég upplifði alltaf þessa þægilegu fyllingar tilfinningu í húðinni og áferðin sem droparnir gefa húðinni minni er alveg dásamleg.

Ég veit að EGF vörurnar fást t.d. í verslunum Hagkaupa og því mögulega mál að kíkja á þær ef ykkur vantar nýjar húðvörur fyrir veturinn. Persónulega nota ég sjaldan það sama á húðina mína á sumrin og veturna en húðroparnir þeir verða notaðir til síðasta dropa sama hvaða árstíð er eða veður. Ef þið eruð þó með mjög þurra húð gæti kremið ekki hentað ykkur því ef ykkar húð er eitthvað eins og mín þá þurfið þið kannski aðeins meiri raka. En fyrir venjulegu/blönduðu húðina er þetta tilvalið – ég sá reyndar á heimasíðu merkisins að það er til sérstakt rakakrem fyrir þurra húð en ég hef ekki prófað það.

EH

Vörurnar sem ég skrifa um hér  fékk ég send sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit á vörunum.

Baðstofan á laugardagskvöldi

BANDARÍKINKATIE MÆLIR MEÐ

Ég er tiltölulega nýkomin heim úr Baðstofunni.. mér finnst yndislegt að vera þar, ein með sjálfri mér…
og rölta á milli gufa og slaka á.

Nú er ég mætt heim og ætla að borða eitthvað sem þarmarnir þverneita að melta..

IMG_1320

IMG_1321

Langaði að deila með ykkur djúpnæringunni frá Organix.. ég keypti hana í Target. Ég nota sjaldnast næringu & því finnst mér mjög gott að nota djúpnæringu af og til. Eins og nafnið gefur til kynna þá er arganolía í næringunni, og hún er mjög góð & skilar sínu. Hún var alls ekki dýr – mig minnir að hún hafi kostað um 7$.

Svo er kornahreinsirinn frá EGF algjört uppáhald. Ég fékk hann gefins á kynningu um daginn og hann er æðislegur.. mér finnst húðin svo mjúk eftir á, enda er hann olíukenndur.. og kornin í honum eru hæfilega stór og rispa ekki.

Svo kaupi ég mér alltaf sjampó í Marshalls.. og alveg nokkra dunka til að birgja mig upp. Best þykir mér að kaupa sjampó og næringu með pumpu.. á myndinni er stór dunkur af TIGI sjampói frá BedHead – hann kostaði ekki nema 8$ í Marshalls.

karen