Ég er svo ótrúlega ánægð með hvað við Íslendingar erum komin langt með að vera á tánum þegar kemur að flottum snyrtivörumerkjum & hvað það er búin að vera mikil aukning á flottum merkjum síðustu mánuði & ár. Nýjasta viðbótin sem að ég er ótrúlega spennt fyrir & glöð með að sé loksins í boði fyrir okkur makeupfíklana sem erum staðsett á þessari litlu eyju er merkið Eylure & er merki sem að sérhæfir sig í gerviaugnhárum & öðrum vörum því tengdu.
Eylure var stofnað árið 1947 ( I KNOW RIGHT!?) af tveimur bræðrum, sem voru einstaklega þekktir & vinsælir innan kvikmyndabransans David & Eric Aylott. Bræðurnir áttuðu sig á því að það var mikil vöntun á vörum sem ýktu upp augnumgjörð kvenna & brenndu sig oft á því þegar á tökum stóð, þeir tóku því málin í sínar hendur & komu með algjöra nýjung á markaðinn = fölsk augnhár. En þeir einblíndu ekki einungis á kvikmyndabransann heldur gerðu vöru sem átti að ná til almennings & settu á fótinn merkið sitt Eylure, búið til úr orðunum tveimur Eye & Allure.
Sumsé rótgróið & einstaklega þekkt merki víðsvegar um heim sem að við erum svo ótrúlega heppin að fá að hafa í okkar makeupflóru loksins. Augnhárin eru sérstaklega vinsæl í Bretlandi en söngkonan Cheryl Cole (þekktust fyrir að hafa verið í stúlknasveitinni Girls Aloud & dómari í X Factor) hefur meðal annars verið talskona augnhárana & gerði sína eigin línu innan merkisins. Ég var svo heppin að fá að prófa nokkrar týpur af augnhárunum, ásetjarann & augnhárabrettarann en þau eru ótrúlega mismunandi & þess vegna ættu bókstaflega allir að geta fundið augnhár sem henta þeirra stíl.
Augnhárin eru í flokkum eftir því hversu ýkt þau eru eða hvaða tilgangi þau þjóna, það kemur líklega fæstum á óvart að ég er hrifnust af Volume & Extreme & ætla að fá að sýna ykkur nokkur af mínum uppáhalds eftir fyrstu prófun. Ásetjarinn er algjör snilld fyrir þá sem eiga í vandræðum með að setja á sig gerviaugnhár enda auðveldar þetta það verk ofboðslega mikið, ég ákvað því að setja inn örstutt myndband sem sýnir hvernig ég nota hann í vikunni.
Augnhárin eru meðal annars fáanleg í Hagkaup, Lyfju og Lyf&Heilsu….
***Hér er ég með augnhár númer 141 sem eru strax komin í uppáhald hjá mér & engin augnhár á síðustu mynd til að sýna muninn***
Þið finnið mig á Instagram & Snapchat undir:
steinunne
xx
Skrifa Innlegg