PERSÓNULEG JÓLAGJÖF FRÁ GUERLAIN

ILMVATNSNYRTIVÖRUR

Ég er LOKSINS komin í jólafrí (vinnufrí)! Núna get ég farið að sýna ykkur flottar hátíðarfarðanir og annað skemmtilegt en fyrst langar mig að gleðja einhvern af mínum lesendum með fallegri gjöf.

Ég fékk svo ótrúlega fallegan pakka í gær frá Guerlain. Í pakkanum leyndist eldrauður varalitur, gullfallegt rautt naglalakk og síðast en alls ekki síst ilmvatnið Mon Guerlain með minni skammstöfun, GS. Þessi pakki gladdi mig mjög mikið og mér finnst þetta einstaklega falleg gjöf. Ilmurinn passar vel við þennan árstíma en hann er örlítið kryddaður og með smá vanillu, ég er samt mjög léleg í því að lýsa lykt þannig ég mæli með að fara og kíkja á þetta ilmvatn.

 

 

 

 

 

 

Guerlain er að bjóða uppá fría áletrun með hverjum keyptum 50ml Mon Guerlain ilmi dagana 15.desember og 16.desember í Hagkaup Smáralind. Þetta er gullfalleg og persónuleg jólagjöf.

GJAFALEIKUR

Ég ætla gefa einum heppnum þennan fallega hátíðarkassa frá Guerlain sem inniheldur varalit, naglalakk og ilmvatn með sinni skammstöfun.

Það eina sem þú þarft að gera er að:

1. Skilja eftir jólalega athugasemd hér að neðan með nafni.

2. Deila þessari færslu (Public) <3 

Þetta er fyrsti gjafaleikurinn minn hérna á Trendnet þannig ég er mjög spennt og hlakka til að draga úr leiknum eftir helgi. Ég tilkynni alltaf vinningshafa fyrst á instagram eða snapchat þannig ég mæli með að fylgja mér þar xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

FALLEG VERSLUN: MAÍ

INNBLÁSTURÓSKALISTISNYRTIVÖRURTÍSKA
*Færslan er ekki kostuð

Er eðlilegt að ég sé strax komin með prófabugun? Ég er byrjuð í lokaprófum og geri því lítið annað þessa dagana en að læra.. en ég tek mér pásur inn á milli og finnst þá gaman að skrifa um eitthvað fallegt og skemmtilegt.

Ein af mínum uppáhalds verslunum er að stækka við sig en það er verslunin Maí í Garðabænum. Ég fer reglulega þangað til þess að kaupa gjafir og annað en þessi verslun er með ótrúlega flott úrval af allskonar vörum. Ég varð því mjög glöð og spennt þegar að ég frétti fyrr í vetur að þau væru að fara stækka verslunina. Það verður því ennþá meira úrval hjá þeim og voru þau til dæmis að bæta við sig gullfallegum flíkum. Ég er mjög spennt að fara og skoða!

 

Ég er ástfangin af þessu dressi xx 

Maí ætlar að fagna nýrri og betrumbætri verslun næstkomandi föstudag (1.des) milli 17:00-19:00, á Garðatorgi 6. Ég mæli svo sannarlega með að fara og kíkja á þessa flottu verslun! Ég ætla allavega að reyna að líta uppúr bókunum og kíkja xx

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

VARALITUR MERKTUR ÞÉR

SNYRTIVÖRURVARIR

Varalitirnir frá YSL eru gullfallegir og núna í dag er hægt að kaupa sér varalit merktan sér. YSL hefur gert þetta núna í nokkur ár og finnst mér þetta alltaf jafn fallegt. Ég fékk að velja mér lit og áletrun á varalit frá YSL. Ég valdi mér eldrauðan og jólalegan varalit með áletruninni “Sørtveit” en ég átti fyrir varalit með fyrra nafninu mínu á, “Guðrún Helga”. Þetta er hin fullkomna jólagjöf að mínu mati, ótrúlega persónuleg og eitthvað sem maður á alltaf. Ég gaf mömmu minni svona varalit í fyrra merktan sér og þetta vakti svo mikla lukku.

*Vöruna fékk greinahöfundur að gjöf

Það er mikið hægt að leika sér með hvaða nafn eða setning fari á varalitinn. Það er til dæmis ótrúlega sniðugt að setja “Mamma” eða “Amma” en mér finnst það einstaklega persónulegt og fallegt. Síðan hugsaði ég að það væri gaman að eiga dagsetninguna sem maður giftir sig á og vera með hann á brúðkaupsdaginn.

 

 

Þið getið séð allar upplýsingar um áletrunina hér en hún verður einungis í dag. Eina sem þú þarft að gera er að kaupa varalit og færð áletrunina frítt.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

NÝTT FRÁ ORIGINS

HÚÐRÚTÍNASNYRTIVÖRUR

Það voru að koma nokkrar nýjungar frá Origins og mig langaði að deila þeim með ykkur. Ég held mikið uppá Origins merkið og er búin að vera nota vörur frá þeim í nokkur ár núna.

Origins finnst mér einstaklega flott fyrirtæki og með góð gildi. Fyrirtækið leggur mikla áherslu á að umbúðirnar séu í algjöru lágmarki eða semsagt sleppa stórum og fyrirferða miklum pakkningum. Innihaldsefnin í vörunum frá þeim eru að hluta til unnin úr náttúrulegum efnum og innihalda vörurnar til dæmis ekki paraben, phtalates, mineral oil. 

Ég ætla sýna ykkur vörurnar sem ég fékk og segja ykkur örlítið um þær..

 

*Vörurnar fékk greinahöfundur að gjöf

 

ULTRA-HYDRATING ENERGY-BOOSTING CREAM

Þetta er nýtt rakakrem frá þeim en þetta er eiginlega nýrri útgáfa af Energy-Boosting kreminu þeirra. Þessi týpa gefur meiri raka og meiri orku. Þetta krem hentar því einstaklega vel á veturna til á fá þennan extra mikla raka og orku, það er allavega eitthvað sem mig vantar á köldum vetrar morgnum. Þetta krem inniheldur orkugefandi efni einsog Panax Ginseng og kaffibaunir. Ég elska upprunalega kremið frá þeim, þannig ég er mjög spennt að prufa þetta.

WELL OFF – FAST AND GENTLE EYE MAKEUP REMOVER

Þetta er ótrúlega mildur augnfarðahreinsir sem hreinsar allan augnfarða af á fljótan og þægilegan hátt. Hann verndar einnig svæðið í kringum augun og gæti því hentað vel þeim sem eru með viðkvæm augu eða fá ofnæmisviðbörgð. Það sem mér fannst líka ótrúlega áhugavert við þennan augnfarða hreinsi er að hann á að róa og vernda augnsvæðið vegna þess að það er rose damascena og agúrku þykkni í honum.

NO OFFENSE – ALCOHOL AND ALUMNI FREE DEODORANT

 

Þessari vöru er ég mjög spennt fyrir en þetta er nýi svitalyktaeyðirinn þeirra. Hann er mildur og á að veita marga klukktíma vörn gegn svitalykt eða í allt að 12 tíma. Það er líka mjög mild og góð lykt. Mér finnst líka æðislegt að formúlan sé glær og skilur því ekki eftir sig leifar. Síðan er æðislegt að þessi vara sé alkahól og állaus.

 

ENERGY BOOSTING TINTED MOISTURIZER

Ég er búin að prófa þessa vöru og get mælt með henni 100%. Ég var ekki lengi að skella vörunni á mig eftir að ég var búin að lesa mig til um hana. Þetta er litað, létt, olíulaust og orkugefandi dagkrem sem veitir húðinni raka, fyllir hana af orku og verndar, allt í einu skrefi. Hversu vel hljómar þetta? Þetta er fullkomið fyrir “no makeup” daga, þegar maður nennir ekki að mála sig en vill samt setja eitthvað smá á húðina og plús það að þetta er gott fyrir húðina. Þetta verndar húðina gegn úfjólubláum geislum og er með 40 í sólarvörn, algjör snilld að setja á húðina áður en maður fer út í kuldan og sólina.

Hérna er síðan mynd af mér með kremið, ófilteruð og ekki tilbúin í myndatöku haha en varð bara að sýna ykkur hvernig þetta kemur út. Þið sjáið eflaust hvað húðin verður ljómandi og fersk, fullkomið dagsdaglega.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

MUST HAVE SNYRTIVÖRUR Í TÖSKUNA

SNYRTIVÖRUR

 

Ég var að fara í gegnum töskunar mínar um daginn og fór að skoða snyrtivörurnar sem ég tek alltaf með mér. Þetta eru snyrtivörur sem mér finnst gott að hafa með mér í skólatöskunni eða töskunni minni sem ég tek með mér á fundi og að stússast. Það er ótrúlega mismunandi hvaða vörur ég tek hverju sinni en grunnurinn er yfirleitt alltaf sá sami. Ég tek samt ekki alltaf alla þessa hluti með mér en yfirleitt eitthvað af þeim.

 

 

VARASALVI – Mér finnst alltaf gott að vera með varasalva með mér. Það er svo óþægilegt að vera þurr á vörunum og svo finnst mér líka gott að hafa varasalva uppá það ef að vinkona mín fær varaþurrk.

PÚÐUR – Púður er eitthvað sem ég tek alltaf með mér en það er aðallega bara uppá það að ef ég byrja að glansa, því ég er með olíumikla húð. Þá er gott að geta gripið í púður og púðrað þá staði sem ég er glansandi á. Ég nota það samt ekki alltaf en gott að vera með til öryggis.

BURSTI – Ég er alltaf með einn bursta en ég nota alltaf bursta með púðrinu.

GLOSS – Nude, basic gloss er eitthvað sem ég er alltaf með í töskunni minni eða ég er reyndar oftast með svona sjö. Það er gott að geta gripið í eitthvað ef maður er að drífa sig út og gleymir að setja eitthvað á varirnar.

RAKASPREY – Þetta er algjör snilld að hafa í töskunni sinni. Rakasprey er frískandi og dregur úr þreytu. Ég var mikið þetta í sumar þegar ég var að fljúga og það var mjög notalegt í löngum flugum að spreyja aðeins á sig.

AUGNHÁRALÍM – Þetta verður maður alltaf að hafa, ef maður er mikið gerviaugnhár. Það er ekkert leiðinlegra en þegar augnhárið losnar skyndilega og þú getur ekki lagað það.

ÞURRSJAMPÓ – Það er alltaf gott að vera með þurrsjampó með sér, sérstaklega ef maður er að fara eitthvað annað eftir skóla eða vinnu og vill aðeins laga hárið.

Ég keypti mér mér líka þessa æðislegu tösku frá Nike í gær og er mjög ánægð með hana. Hún er alveg svört og klassísk en hún mun koma sér mjög vel þegar ég er að stússast yfir daginn.

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

CURRENT MAKEUP FAVORITES

SNYRTIVÖRURTAX FREE

Gleðilegan sunnudag xx

Vonandi eru þið búin að eiga yndislegan dag en dagurinn minn er meira og minna búinn að fara í lærdóm. Ég ákvað að taka mér smá pásu frá bókunum og gera lista með mínum uppáhalds vörum í augnablikinu.

Hérna er nokkrar vörur sem eru búnar að vera í miklu uppáhaldi hjá mér síðastliðnar vikur..

 

GUERLAIN – AQUA NUDE 

 

Ég fékk þennan farða fyrir nokkrum vikum og hann fór beint í snyrtibudduna mína. Formúlan er ótrúlega þunn og líkist einmitt vatni einsog nafnið gefur til kynna. Mér finnst þessi farði fullkomin þegar ég vill kannski ekki vera með mjög þekjandi farða eða er að eiga góðan “húðdag”. Hann gefur létta þekju og manni líður einsog það sé ekkert á húðinni.

 

HÁTÍÐARSETTIN FRÁ REAL TECHNIQUES – THE ILLUMINATE + ACCENTUATE

Ég er gjörsamlega ástfangin af nýju hátíðarsettunum frá RT og þá sérstaklega þessu setti sem heitir The Illuminate + Accentuate. Þetta eru sjö áhöld sem hægt er að nota til þess að ná fram ljómandi förðun. Ég er sérstaklega skotin í stærsta burstanum í settinu en það er sólarpúðursbursti og kemur hann einungis í þessu setti. Þessi sett koma líka einungis í takmörkuðu upplagi og því mæli ég með að hafa hraðar hendur ef ykkur langar í þau.

 

ALL HOURS CONCEALER

 

YSL var að koma út með nýjan farða og hyljara. Ég er ekki ennþá búin að prófa farðann en er búin að vera nota hyljarann seinustu daga og vá hvað hann er góður. Hann þekur ótrúlega vel, mjög kremaður og mér finnst hann haldast mjög vel undir augunum.

BIOEFFECT EGF + 2A DAILY TREATMENT

Ég er búin að vera nota þessa tvennu síðan að ég fékk hana um daginn á kynningu hjá BIOEFFECT en þið getið lesið nánar um þá kynningu hér hjá Karenu. Ég finn mikinn mun á húðinni minni og ég er gjörsamlega ástfangin af þessum vörum. Þessi tvenna á að vernda húðina gegn mengun og öðrum óhreinindum sem eru að finna í umhverfinu. Ég er búin að sjá mikinn mun á húðinni minni og hlakka til að sjá hvernig framhaldið verður.

 

BECCA BACKLIGHTING PRIMING FILTER

 

Þetta er ljómagrunnur sem þú getur sett undir farða eða blandar við farðann þinn og lætur húðina verða ljómandi. Það líka hægt að setja þetta á kinnbeinin og á þá staði sem þú vilt ljóma ef þú ert með mjög olíumikla húð en ég persónulega maka þessu yfir allt andlitið.

 

INIKA CERTIFIED ORGANIC PURE PRIMER

INIKA er nýtt snyrtivörumerki hérlendis og er ég búin að vera prófa mig áfram með vörurnar frá þeim. Vörurnar eru allar hreinar, vegan, ekki prófaðar á dýrum og úr náttúrulegum efnum og olíum. Ég er búin að vera ótrúlega hrifin af þessum grunni frá þeim en þetta er rakagefandi grunnur sem stíflar ekki svitaholurnar, heldur gefur húðinni fallegan ljóma og lætur farðann haldast á lengur.

 

INIKA CERTIFIED ORGANIC BB CREAM

 

Ég er mikið fyrir létta farða dagslega og er þetta BB krem búið að vera í miklu uppáhaldi. Ég er alltaf að prófa nýja farða þannig ég flakka mikið á milli en þetta er búið að vera það eina sem ég nota. Það gefur létta þekju og endist allan daginn. Það er líka ótrúlega góð og fersk lykt af þessu sem er extra hressandi á morgnana.

 

VISEART THEORY PALETTE

Theory palletturnar frá Viseart eru búnar að vera í miklu uppáhaldi hjá mér en ég keypti mér tvær í seinasta mánuði og er búin að nota þær mikið síðan. Þær eru litlar, þægilegar, litirnir blandast mjög vel og eru litsterkir.

MAYBELLINE – MASTER BLUSH

Mér finnst þessi palletta bara svo ótrúlega krúttleg og þægileg fyrir þá sem vilja kannski prófa fleiri en einn kinnalit á góðu verði. Ég er ekki mikið fyrir kinnaliti en ég er búin að grípa nokkrum sinnum í þessa, sem segir mikið því ég nota alltaf sömu kinnalitina. Þetta er líka örugglega frábær palletta fyrir förðunafræðinga í kittið sitt.

 

NYX MEGA SHINE – NATURAL

Ég er búin að eiga þennan gloss í svolítinn tíma núna en var að fara í gegnum snyrtidótið mitt um daginn og fann hann aftur. Þessi gloss er fallega “nude” á litinn og ég set hann mikið yfir varablýanta eða aðra varaliti í svipuðum lit. Ég held að glossar séu að koma aftur og mattir litir séu að fara í smá pásu og ég mæli hiklaust með þessum glossum, mjög þægilegir á vörunum og ódýrir.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

STATEMENT LIPS

LIPS OF THE DAYSNYRTIVÖRURVARIR

Gleðilegan kosningardag, vona að allir ætli að nýta sér sinn kosningarétt xx

Ég var að eiga mjög mikinn “off” dag í dag, einsog gengur og gerist. Ég ákvað að hressa mig við, setja á mig rauðan varalit og vá hvað það gerir mikið! Ég varð miklu hressari og fékk meira sjálfstraust. Þið eru eflaust búin að taka eftir því að ég mikil “nude” manneskja og elska að vera með mjög hlutlausan lit á vörunum en ætla reyna setja á mig dekkri liti oftar. Ég mæli með!

 

Ég var með þennan fljótandi varalit frá Kylie Cosmetics sem heitir Mary Jo K og er þetta einn af mínum uppáhalds rauðu litum. Hann verður alveg mattur, þunn formúla og helst lengi á vörunum, Kylie veit alveg hvað hún er að gera þegar það kemur að snyrtivörum. Það er líka skemmtilegt að segja frá því að Kylie skírði varalitinn eftir ömmu sinni, mjög fallegt.

 

Hér erum við, pabbi, mamma og ég áður en við fórum að kjósa í dag xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

PEEL OFF AUGABRÚNIR?

SNYRTIVÖRURSÝNIKENNSLA

Ég fékk nokkrar vörur að gjöf frá Maybelline í dag og það var ein vara sem fangaði alla mína athygli en það var Tattoo augabrúnalitur sem er ný vara frá þeim. Fyrir mér hljómar þetta mjög áhugavert, skrítið og spennandi allt í einu en ég hugsaði strax.. ætli þetta virki?

Það er lítill pensill og þykk vara sem á maður að setja þétt yfir augabrúnirnar

 

Ég byrjaði á því að greiða í gegnum augabrúnirnar, því næst tók ég vöruna og mótaði augabrúnirnar með penslinum. Þetta er mjög líkt því að lita á sér augabrúnirnar en fyrir mér er þetta einfaldara því maður þarf ekki að blanda litinn eða ná í bursta heldur setur maður vöruna bara beint á augabrúnirnar. Ég mæli samt með að hafa blautþurkku og eyrnapinna við hönd til vonar og vara.

Ég er mjög heimilisleg og engin glansmynd, heldur stóll með helling af fötum í bakgrunn haha

Síðan á að vera með þetta í 20 mín eða þangað til þetta er orðið þurrt og taka þetta síðan varlega af, pínu einsog “peel off” maska. Þetta rífur ekki í nein hár og fer mjög auðveldlega af.

 

Ekki með lit <- -> Með lit

Mér finnst þessi vara mögnuð og skemmtilegt að prófa eitthvað alveg nýtt. Augabrúnirnar fá fallega fyllingu og þarf maður því að fylla minna í augabrúnirnar eða ekkert.

 

 

Ég var ekki alveg viss með þessa vöru fyrst en get alveg sagt það núna að ég mæli með henni, finnst þetta snilldar vara og á eftir að nota hana aftur!

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

GIGI X MAYBELLINE

FÖRÐUNAR FRÉTTIRSNYRTIVÖRURTÍSKA
*Færslan er ekki kostuð

Ég er mjög dugleg að fylgjast með hvað er nýtt í snyrtivöruheiminum og finnst einstaklega gaman að sjá þegar þekktir eintaklingar eru í samstarfi við snyrtivörumerki. Gigi Hadid fyrirsæta var að gefa út snyrtivörulínu í samstarfi við Maybelline en hún er búin að vinna mjög lengi með Maybelline og er eitt af andlitum snyrtivörumerkisins. Ég er búin að skoða þetta samstarf mjög lengi núna, búin horfa á allskonar myndbönd um línuna og verð bara að viðurkenna að ég er mjög spennt fyrir þessu samstarfi.

 

Línan inniheldur augnskuggapallettu, skyggingarpallettu, ljómakrem, maskara, augnblýant, varablýanta og varaliti. Það er mjög flott litaúrval en mjög klassískt, einsog hún er. Mér finnst Gigi vera mjög inn í öllum helstu tískustraumum, algjör töffari, glaðleg, fyndin og finnst mér línan endurspegla það. Umbúðirnar eru mjög fallegar og að mínu mati þær flottustu sem Maybelline hefur gefið út.

 

 

 

 

 

Ég er ótrúlega spennt fyrir þessari línu og er hún á leiðinni til Íslands xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

ÉG HLAKKA SVO TIL

LÍFIÐSNYRTIVÖRUR

.. jóla

*Vöruna fékk greinahöfundur að gjöf

Ég er orðin svo spennt fyrir jólnunum.. já ég sagði það jólunum, það var samt ekki fyrr en ég fékk dagatalið frá The Body Shop í hendurnar.

The Body Shop gefur út jóladagatal ári hverju og hefur mig alltaf langað í eitt slíkt. Dagatalið er sett upp einsog hefðbundið dagatal en inn í hverjum “glugga” eða þetta eru reyndar kassar, er lítil sæt gjöf. Þetta mun gera prófalesturinn mun skemmtilegri og get ég ekki beðið. Ég fékk Deluxe dagatalið sem er næst stærsta dagatalið en það eru fjórar stærðir í boði.

Það eru þó ekki bara gjafir í þessu æðislega dagatali heldur einnig leikur inn í dagatalinu með fallegum boðskap. Leikurinn er þannig settur upp að þú færð eitt verkefni á dag sem á að gera heiminn að betri stað, mér finnst þetta mjög fallegt og á vel við á jólnunum.

Hérna er til dæmis verkefnið fyrir 1.des og það er mjög einfalt, “Smile at the first person you see today”

 

Ég sýndi dagatalið mitt um daginn á snapchatinu mínu (gsortveitmakeup) og fékk margar spurningar, þannig ég ákvað að setja inn allar helstu upplýsingar um þau hér..

 

Deluxe dagatal – 17.990 kr

 

Entry dagatal (Fjólubláa) – 12.990 kr

Standard dagatal (Græna) – 14.990 kr

 

Það vantar reyndar stærsta dagatalið, ég fann því miður ekki mynd af því en þið getið alltaf gert ykkur ferð í The Body Shop og kíkt á úrvalið. Ég mæli með að hafa hraðar hendur því þessi dagatöl seljast upp mjög hratt. Ég get ekki beðið eftir desember!

 

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 


*Allar umfjallanir um vörur eða annað kemur frá mér sjálfri og gef ég alltaf hreinskilið svar