Við Atli ákváðum með stuttum fyrirvara að sækja okkur jarðtengingu með því að flýja uppí sumarbústað. Við fjölskyldan eigum bústað við Heklurætur sem ég heimsæki alltof sjaldan, það mun breytast núna! Það er ótrúlegt hvað náttúran og aftenging gerir mikið fyrir mann. Fyrir mér er það bráðnauðsynlegt þar sem að það getur verið auðvelt að gleyma sér í hinu daglega amstri. Við Atli áttum inni smá samveru og foreldrafrí og það var bara dásamlegt. Við nutum þess að gera ekkert í félagsskap hvors annars, það kalla ég að ná ró bæði á líkama og sál. Við gengum um Hekluhraun, spiluðum spil, borðuðum góðan mat og skoðuðum Fossbrekkur, Þjófafoss og Búrfellsvirkjun. Ég ætla að deila með ykkur myndum frá helginni en ég tók lítið myndum nema af Emmu og okkur kærustuparinu – ég vona að þið munið njóta að skoða.
Ó hvað ég elska þessi tvö mikið .. <3
Frábær helgi með uppáhalds Atlanum mínum og lillunni minni. Ég hlakka mikið til komandi daga, ég er á fullu að undirbúa útskrifarveislu sem er eftir minna en hálfan mánuð og svo tekur við enn meira dekur en við Atli ætlum að taka okkur annað kærkomið kærustuparafrí í lok mánaðarins. Hótel Geysir, Mývatn og fleira – ég get ekki beðið !
Takk fyrir að lesa,
Anna Bergmann
IG:@annasbergmann
Skrifa Innlegg