Þið sem eruð að fylgja mér ættuð að vita hver Emma er, en ef ekki þá er það hundurinn minn – ítalska prímadonnan eins og ég kalla hana. Litla prinsessan er 2ja ára í dag en ég setti mjög væminn póst á Instagram síðu mína um Emmu litlu, hún er nefnilega alveg ótrúleg og hefur gengið í gegnum ýmislegt sem flestir hundar munu aldrei þurfa að ganga í gegnum. Það er vægast sagt ótrúlegt hvað svona lítil kríli geta gert fyrir mann en hún hefur m.a. hjálpað mér mikið með kvíðann minn, veitt mér stuðning án þess að reyna og elskað mig skilyrðislaust – æ hundaeigendur þið skiljið hvað ég á við .. Mér finnst Emma eiga það skilið að fá færslu hér á Trendnet í tilefni dagsins, hún er stór hluti af lífi mínu og skiptir mig miklu máli – og hefur gert alveg frá því að ég gerði mér ferð fyrir rúmum tveimur árum í ítalska sveit til þess að skoða hana aðeins 10 daga gamla, það var ekki aftur snúið. Emma varð að verða mín enda fór ég rakleiðis í dýrabúð og keypti allskyns dót fyrir hana, sem beið hennar í 2 mánuði.
Myndina tók Helgi Ómars þegar hann kíkti í kaffi til okkar Emmu
Þið getið séð Instagram póstinn hér.
Emma mun fá bein í tilefni dagsins og mikið af knúsum frá sínum nánustu.
Eigið góða helgi,
Anna Bergmann
IG:@annasbergmann
Skrifa Innlegg