TECH NECK

HreinsivörurHÚÐRÚTÍNAMASKAR
*Vörurnar fékk greinahöfundur að gjöf/færslan inniheldur affilate link

Ég og kærasti minn tókum skyndiákvörðun og ákvaðum að skella okkur uppí bústað um helgina. Það er alltaf svo róandi og kósý að fara uppí sveit. Mér finnst það líka vera fullkominn tími til þess að dekra aðeins við sig og þá sérstaklega við húðina.

Ég tók með mér nokkrar vörur sem eru auðveldar og einfaldar í notkun og var þar ein vara sem ég er búin að vera einstaklega spennt fyrir en það er Hydro Firming Neck Gels frá Skyn Iceland. Þetta er hálfgerður “maski” fyrir hálsinn en þetta er einsog nokkurs konar “plástur” sem maður setur á hálsinn og er með í 10 mín. Þessi vara á að draga úr fínum línum, gefa raka og styrkja húðina.

Ég verð að viðkenna að ég hef aldrei pælt neitt mikið í hálsinum á mér eða hvernig hann lítur út en um daginn heyrði ég að það sé til orðtak sem heitir “tech neck“, ótrúlegt en satt. Þetta orðtak er komið frá því að það er farið að sjást á hálsinum á fólki vegna símanotkunar. Ég var mjög hissa þegar ég heyrði þetta fyrst og trúði þessu varla en fór strax á netið og kynnti mér málið. Þar sá ég hvað þetta er að hafa mikil áhrif að á líkamann, innan sem og utan. Það er samt mjög jákvætt að vera meðvitaður um þetta núna og geta passa sig á því að líta stundum uppúr símanum.

Ég setti einnig á mig kraftmikinn augnmaska frá BIOEFFECT og finn ég virkilega mikin mun undir augunum eftir að ég nota þessa vöru. Það fylgir augnserum með sem maður setur fyrst undir augun og síðan “plástrana” yfir það. Mér finnst líka æðislegt hvað þetta helst vel á undir augunum og er ekki að fara neitt.

Það er mjög mikilvægt að muna að þótt að maður sé í fríi að gleyma ekki að hugsa vel um húðina sína ..

Vonandi var helgin ykkar æðisleg xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 


*Allar umfjallanir um vörur eða annað kemur frá mér sjálfri og gef ég alltaf hreinskilið svar

FALLEGASTA SNYRTIVÖRUVERSLUNIN : NOLA

HönnunÍslensk hönnun

Ykkur gæti þótt það óvenjulegt að ég skrifi um snyrtivöruverslun en þessi fallega íslenska verslun er svo einstaklega vel hönnuð (og bleik) að ég hreinlega get ekki sleppt því að birta þessar myndir. Við erum að tala um NOLA sem er staðsett á Höfðatorgi en það voru þau Karitas og Hafsteinn hjá HAF sem hönnuðu verslunina í fyrra en þó voru þessar myndir aðeins teknar núna nýlega og eru þær alveg brakandi ferskar.

Þvílík draumaverslun og alveg er ég viss um að þessar myndir eigi eftir að flakka víða og veita mörgum innblástur. Ég fer alveg á flug þegar ég sé svona bleik og falleg rými. Enn ein fjöður í hatt HAF hjóna sem innan skamms opna sína fyrstu verslun – ég fæ að segja ykkur betur frá því sem fyrst. En þið getið byrjað að ímynda ykkur hversu falleg sú verslun verður!

Ljósmyndari: Gunnar Sverrisson 

Hversu dásamlega falleg er þessi verslun og hönnunin alveg á heimsmælikvarða ♡ Það er hún Karin Kristjana Hindborg sem á Nola og ef ykkur langar til að sjá vöruúrvalið þá mæli ég með Nola.is eða að kíkja hreinlega í heimsókn. Ef ykkur líkaði við þessa færslu megið þið gjarnan smella á like-hnappinn eða á hjartað hér að neðan. Eigið góða helgi!

Grímumaskar sem fá húðina til að ljóma!

Ég Mæli MeðHúðNetverslanir

Maskana sem ég skrifa hér um keypti ég alla sjálf nema einn þeirra, hann er sérstaklega merktur þannig í færslunni. Ég skrifa alltaf hreinskilningslega um allar vörur sem ég prófa því ég vil að þið getið treyst mér og mínum orðum.

Ég er gjörsamlega maska sjúk ég elska að prófa maska og ég nota óhóflegt magn af möskum og ég á óhóflegt magn af möskum. Ég er í alvörunni þessi týpa sem er í stuði fyrir ákveðna maska þennan daginn og svo ekki þann næsta og þá er nú algjört lykilatriði að eiga nóg af þeim til skiptanna. Ég sé mikinn mun á húðinni minni í takt við þann maska sem ég nota og það besta sem ég veit þegar húðin mín þar smá yfirhalningu er að nota maska sem hæfir því sem húðin þarf.

Eftir löng og leiðinleg veikindi finnst mér ég aldrei verða frísk fyr en eftir að ég hef notað djúphreinsimaska og svo rakamaska. Húðin verður svo þrútin og leiðileg eftir veikindi, grár undirtónn, yfirborðsþurrkur og stíflaðar svitaholur – voða girnilegt… Í kvöld á ég einmitt stefnumót við einn af nýju möskunum frá Karuna, nýju grímu möskunum hjá nola.is en ég fór hamförum um daginn þegar merkið kom til hennar Karinar og ég keypti mér fjölmarga til að prófa!

karuna

Hér sjáið þið maskana sem ég keypti mér sjálf, Anti Oxidant Face Mask, Clarifying Face Mask, Age Defying Face Mask og Brightening Face Mask allir maskarnir fást HÉR.

Reyndar er Age Defying maskinn partur af jólagjöf fyrir eina sem ég ætla þó ekki að segja hver er því hún les síðuna mína og hún dýrkar svona dekur svo ég veit hún á eftir að falla fyrir þessum maska. Svo er ég sjálf að velja á milli anoxunarmaskans og hreinsimaskans vonandi næ ég að velja fyrir kvöldið. Birghtening maskann er ég spenntust fyrir að prófa en ég tými ekki að prófa hann finnst hann svo fallegur ;)

Svo er einmitt tilvalið að kaupa sett af þremur möskum og lauma svo einum í jólapakkann hjá einhverjum sem á skilið smá dekur…

En maskann sem ég er búin að prófa hann sjáið þið hér fyrir neðan…

karuna2

Hydrating Face Mask er reyndar uppseldur í augnablikinu en væntanlegur aftur seinna.

Maskinn er stútfullur af næringarríkum efnum, það sem á oft við þessa gríu maska er að þeir þorna mjög hratt. Þið sem fylgdust með því þegar ég prófaði maskann á snappinu hjá mér (ernahrundrfj) sáuð að hann var alveg löðrandi allan tímann þó svo ég hefði verið með hann á mér í yfir 20 mínútur. Ég slakaði svo vel á með maskann á mér og fann hvernig hann fyllti húðina mína af raka, hann róaði hana og kældi svo ég náði í alvörunni bara að slappa af. En þegar maður er með svona dekurmaska þá er best að reyna að hafa rólegt í kringum sig og njóta þess að dekra við húðina, þannig nær maskinn að næra húðina vel.

Á umbúðunum stendur að rakastig húðarinnar verður alltað 40% betra eftir eina notkun og ég ætla að taka undir það því húðin mín fylltist af dásamlegum raka. Morguninn eftir var húðin mín svo ljómandi falleg og ég sá mikinn mun sjálf með mínum eigin augum. Ég vaknaði bara fersk og alsæl eftir dekur kvöldið áður.

Screen Shot 2015-12-17 at 12.33.13 AM

Annar kostur sem ég vil nefna við þennan maska sem á ekki við um marga svona grímumaska er að það er hægt að aðlaga grímuna að þínu andlitsfalli. Venjulega er bara svona staðlað form á grímunni og hún passar einhvern vegin ekki á mann, munnurinn er allt annars staðar og augun bara á kolröngum stað. En hér er búið að klippa svona inní grímuna svo það er hægt að færa hana til svo hún smellpassar á andlitið.

Eftir að ég notaði maskann strauk ég grímunni svo yfir allan líkamann, hendur og fætur til að ná að nýta öll dásamlegu efnin í grímunni… Vá þetta var dásamlegt!

Hvernig væri að ná jólastressinu úr húðinni með einu dásamlegu dekurkvöldi með nærandi andlitsmaska – ég mæli með Karuna möskunum í verkið og þeir eru á mjög góðu verði, eiginlega hættulegu þess vegna keypti ég fjóra í viðbót.

Erna Hrund

FALLEGRI AUGABRÚNIR MEÐ BRYNDÍSI KRISTÓFERS

ÍslandMakeup

Ég er ein af þeim sem fer aldrei í litun og plokkun og vil hafa augabrúnirnar eins náttúrulegar og hægt er. Ég hef varla plokkað á mér augabrúninar í mörg ár og kann bara ágætlega við mig þannig. Þrátt fyrir það vil ég að sjálfsögðu hafa flottar augabrúnir og mér finnst þær skipta mjög miklu máli fyrir andlitið – og kannski þess vegna hleypi ég ekki ókunnugum í þær.

Í sumar heyrði ég af stelpu sem heitir Bryndís Kristófers. Sagan var sú að annar eins augabrúnasnillingur hefði ekki stigið á þessa jörð. Ég tók því með fyrirvara, kinkaði kolli og pældi ekki meira í því. Fyrr en ég þurfti að fara í myndatöku og hugsaði með mér að eitthvað þyrfti ég að gera til að lappa upp á trínið og ákvað því að tékka á þessari nafntoguðu Bryndísi.

unnamed-10

… og hér sjáum við hvernig ég leit út nokkrum klukkutímum síðar ! Sjáið hvað þessar augabrúnir eru fínar :-)

Bryndís lagaði augabrúnirnar fyrir mig og kenndi mér í leiðinni með frábærum og einföldum trixum að móta augabrúnirnar og ná betur fram þessu náttúrulega útliti sem ég vil hafa.

Bryndís lærði “að gera” augabrúnir í París og eru fyrrum international eyebrow expert h já Benefit, sem segir kannski allt sem segja þarf. Ef þið viljið læra af þeirri bestu að þá mæli ég með að skrá sig á eyebrow-masterclass námskeiðið sem hún í samvinnu við NOLA.is eru að halda helgina 14.-15.nóvember.

11241934_955361097854926_4747950276427862608_o

 Maður þarf ekkert að kunna, bara mæta, læra og hafa gaman.

Góðgæti á Pop Up

Ég Mæli MeðFashionLífið MittNetverslanirNýtt í snyrtibuddunni minniSnyrtivörur

Næstu daga ætlum við Tumi að velja okkur gott tækifæri – þ.e. góðan veðurdag – fyrir göngutúr í bænum. Ætlunin er að heimsækja kæra vinkonu sem ætlar að poppa upp inní GK Reykjavík með æðislega fallegu netverslunina sína og vörurnar sem fást þar!

Screen Shot 2015-09-02 at 9.37.30 PM

Inná nola.is fáið þið margar æðislegar vörur þar má nefna snyrtivörur frá merkjunum, Sara Happ, Anastasia Beverly Hills, Herbivore Botanicals og einu yndislegasta húðvörumerki allra tíma sem er Skyn Iceland. Ég talaði t.d. um merkið inná snappinu mínu í gærkvöldi.

Frá því ég kynntist merkinu fyrst hef ég verið dolfallin yfir því. Vörurnar eru svo góðar og fallegar og þær hafa svo góð áhrif á húðina. Hugsunin á bakvið vörurnar er að þær koma húðinni í gott jafnvægi. Stress og álag í umhverfi okkar, lífi og starfi getur haft mjög neikvæð áhrif á húðina sem til að mynda getur flýtt öldrun húðarinnar og það viljum við ekki. Vörurnar eru gerðar með þvð í huga að róa húðina, hjálpa henni að slaka á og endurnærast. Þær fríska uppá húðina, gefa henni raka og fallega áferð. Ég held ég sé núna nánast búin að prófa allar vörurnar frá merkinu og þær eru hver annarri glæsilegri.

skynpop

Oxygen Infusion Night CreamPure Cloud CreamIcelandic Relief Eye Cream,
smellið á nöfn varanna og linkurinn færir ykkur inná vörurnar á heimasíðu nola.is

Hér sjáið þið þrjár vörur sem hafa átt hug minn og hjarta frá fyrstu notkun. Þær fá sinn tíma í sviðsljósinu seinna en í þetta sinn ætla ég að beina ljósinu á nýjustu vöru merkisins sem er andlitsolía. Ef þið lásuð færsluna mína í gær um olíur og jákvæðu áhrifin sem þær hafa á húðina þá er þetta vara sem þið ættuð að skoða og nýtið tækifærið og fáið að skoða hana almennilega inní GK Reykjavík um helgina.

En olíur koma húðinni í jafnvægi, þær gefa drjúgan raka sem endist lengur, þær róa húðina, þær hjálpa henni að slaka á og það er hægt að dekra sérstaklega vel við húðina með hjálp þessarar olíu. Ég er búin að prófa hana fjórum sinnum núna – ég fékk hana í gær! Ég bar hana á mig í gærkvöldi, í morgun, um miðjan daginn og núna í kvöld – það má með sanni segja að ég fæ ekki nóg. Í hvert sinn tek ég mér nokkrar mínútur og nudda henni vel inní húðina og örva þannig virkni hennar og inntöku húðarinnar og um leið fær húðin mín góða slökun – mæli með andlitsnuddi.

skynpop3

Arctic Face Oil – inná nola.is

Arctic Face Oil er sett saman úr 99,9% Cameline olíu sem er kaldpressuð olía sem er stútfull af næringarríkum efnum. Camelina Sativa er plantan sem olían er unnin úr sem lifir í mjög köldu umhverfi. Hún inniheldur fitusýrur sem gerir henni kleift að lifa í svona köldu umhverfi og við erfiðar veðuraðstæður – hljómar þetta ekki mögulega kunngulega! Olían hefur því svakalega góð langvarandi áhrif á húðina, hún gefur henni næringu, mikinn raka sem dugir lengi, hún róar hana, gefur henni aukinn ljóma og loks gefur hún henni aukna fyllingu svo smám saman minnkar sýnileiki lína og hrukkna.

Ég veit ég er bara búin að nota hana fjórum sinnum en ég myndi ekki skrifa um hana og hvað þá skrifa svona vel m hana svona snemma nema ég væri svona viss um ágæti hennar og virkni.

 

En viðvera yndislegu varanna frá Skyn Iceland og hinna vina hennar á nola.is er ekki eina ástæða ferðar minnar í GK Reykjavík því ég iða í skinninu við að fá að líta augun á töskurnar frá Calvin Klein sem voru að koma – svona ef það eru einhverjar af þeim eftir!

Mér finnst þessar alveg trylltar – hvað segið þið!

En ég meina það af öllum lífs og sálarkröftum þegar ég segi að Skyn Iceland vörurnar séu einhverjar þær bestu húðvörur sem ég hef kynnst og prófað. Þær eru einfaldar í notkun – þær standa við allt sem þær segjast ætla að gera og rúmlega það. Svo ferð á Pop Up Partý í GK Reykjavík er nauðsynleg en partýið stendur yfir fram á laugardag.

Meldið ykkur hér! – NOLA POP-UP X GK REYKJAVÍK

EH

Engin greiðsla er þegin fyrir þessa færslu – bara vinaleg ábending um tækifæri til að kynnast nokkrum af mínum uppáhalds húðvörum!

Vörurnar sem ég skrifa um hér fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.

Girnilegar vörur frá Herbivore

Ég Mæli MeðHárHúðLífið MittNetverslanirNýtt í snyrtibuddunni minni

Nýlega kom nýtt merki í uppáhalds netverslunina mína nola.is sem heitir Herbivore Botanicals. Vörurnar eru yfirmáta fallegar og þetta eru svona vörur sem mann langar hálfpartinn að skreyta heimilið með þær eru það fallegar og formúlurnar sjálfar gefa umbúðunum ekkert eftir í fegurð og gæðum.

Innihaldsefni varanna eru 100% náttúruleg og það eru engin óþarfa efni í formúlunum – öll efnin eru þarna af ástæðu og gegna öll sínu hlutverki. Allar vörurnar eru þróaðar innan merkisins og efnin hafa öll sína virkni svo þær skila allar þeim árangri sem þeim er ætlað að skila. Mér finnst þetta aðdáunarvert – það er ekkert verið að flækja formúlurnar með alls konar efnum sem hafa kannski beint ekki tilgang. Hér eru það einfaldar formúlur sem skila góðri virkni og dásamlegri upplifun við notkun á vörunum. Þetta var í raun ást við fyrstu sýn þegar ég handlék vörurnar fyrst og ég heillaðist samstundis af þessum fyrstu þremur sem ég keypti mér en nú eru svo margar fleiri komnar á óskalistann. En svo eru þónokkrar vörur sem eru ætlaðar fyrir bað – ég bölva því nú endalaust að eiga ekki bað og það liggur við að ég kaupi nokkrar baðvörur bara til að eiga fyrir þan tíma þegar ég eignast bað!

herbivore4

Ég varð strax svakalega spennt fyrir því þegar Karin sagði mér frá merkinu og komu þess. Svo ætlaði ég alltaf að kíkja í heimsókn inní Nola en komst aldrei vegna endalausra veikinda. Þetta endaði svo þannig að þegar ég lá núna síðast inná spítala kíkti ég inná nola.is og ég sá að margar vörurnar voru bara að seljast upp! Svo ég greip í kreditkortið og gekk frá kaupum á þremur vörum til að byrja með. Svo fékk ég þennan yndislega poka til mín uppá spítala en hann gladdi mig alveg ótrúlega mikið – akkurat það sem ég þurfti á að halda þann daginn.

Mig langaði að sýna ykkur þessar þrjár vörur sem ég valdi mér en HÉR getið þið skoðað alt úrvalið. Því miður er mikið af vörunum uppseldar eins og er vegna ótrúlega mikilla vinsælda en það er von á nýrri sendingu og þá tek ég gleði mína á ný því mig langar að prófa nokkrar sem eru búnar!

herbivore3

Ég er alltaf sjúk í svona andlitsvötn í spreyformi og þetta er án efa eitt það yndislegasta sem ég hef nokkru sinni prófað. Ég nota þá á hreina húð eftir húðhreinsun, á morgnanna þegar ég vakna og áður en ég set á mig serum og krem og svo líka bara yfir daginn til að fríska uppá húðina. Formúlan er rík af blómum og kókosvatni, það inniheldur Hibiscus og búlgarska rós sem er aðalilmurinn í uppáhalds ilminum mínum – STELLA eau de Toilette frá Stellu McCartney – ég heillaðist við fyrsta þef af vörunni og þegar ég sá innihaldslýsinguna þá skildi ég strax afhverju það var, búlgarska rósin mín!

Spreyið kemur í glerflösku og er með úðara sem dreifir vatninu jafnt yfir allt andlitið og það hentar öllum húðgerðum.

herbivore2

Svo keypti ég mér sjávarsalsprey fyrir hárið með Lavander ilm. Ég prófaði þetta í fyrsta sinn í hárið í gær og það er yndislegt. Spreyið er nefninlega svo létt og það léttir hárið svo það fær yfir sig frísklegra yfirbragð og verður svona náttúrulega tjásulegt. Ég úða því í handklæðaþurrt hár og hristi vel uppí því, blæs svo hárið eða leyfi því að þorna og svo bætti ég aðeins meiru í þegar hárið var orðið þurrt bara til að ýfa það aðeins meira upp. Ég valdi mér spreyið sem ilmar af Lavander því það hefur svo róandi áhrif á mig en það er líka til með kókosilm en bæði eru uppseld því miður… en væntanleg aftur!

herbivore

Svo ákvað ég á síðustu stundu að bæta við þessum varasalva. Ég er sjúk í allt sem er með myntuilm eða bragði og ég er alltaf með varasalva í töskunni minni því ég er með svo mikinn varaþurrk og svo finnst mér varirnar mínar alltaf verða áferðafallegri með varasalva. Formúla þessa varasalva er rosalega mjúk og það er mjög þægilegt að bera hann á varirnar. Hann er svakalega rakamikill og nærir varirnar samstundis. Eins og þið sjáið á myndinni eru aðeins 6 innihalds efni í formúlunni og þar af eru þrjú þeirra olíur sem næra varirnar.

Ég bíð spennt eftir næstu sendingu frá Herbivore inná nola.is og ég mun að sjálfsögðu láta ykkur vita þegar hún mætir á svæðið. Ég sá það strax að þetta voru frábær kaup sem ég gerði og ég á eftir að nota vörurnar heilan helling á næstunni!

EH

Vörurnar sem ég skrifa um hér keypti ég sjálf. Það hefur þó engin áhrif á álit mitt á vörunum og eins og alltaf veiti ég hreinskilið álit. 

Spurt&Svarað: Karin

Ég Mæli MeðHúðMakeup ArtistNetverslanirSnyrtivörur

Ein af þeim yndislegustu konum sem ég hef verið svo heppn að fá að kynnast á síðustu árum er hún Karin Kristjana. Það er eiginlega hálf kjánalegt að við náðum ekki að kynnast almennilega fyr en synir okkar byrjuðu saman hjá dagmömmu þar sem við höfum alltaf svona vitað af hvor annarri í gegnum förðunarheiminn. Karin er algjör perla, húmoristi og ein af þeim brosmildustu sem ég hef kynnst – hún hefur líka sannað það fyrir mér og öllum í kringum sig að maður á ekki að láta neitt stoppa sig en fyrir ári síðan opnaði hún vefverslunina nola.is. Á örstuttum tíma hefur Karin sannað sig í þessum risastóra förðunarheimi með sýna dásamlegu verslun en þar er hún með vörur frá hinum ýmsu merkjum. Mörg merkjanna eru nú þegar orðin ómissandi í minni snyrtibuddu t.d. Skyn Iceland, Anastasia Beverly Hills, Embryolissem, ILIA og allar vörurnar frá Sara Happ!

Ég fékk að senda nokkrar spurningar á hana Karin og svörin stóðu að sjálfsögðu ekki á sér og hér fæ ég að deila þeim með ykkur…

10370954_10152561156140194_2443870929385742586_n

Mynd: Íris Dögg

Hvað er skemmtilegasta förðurnarverkefnið sem þú hefur tekið að þér og hvert er draumaverkefnið þitt?Úff þegar stórt er spurt….ég er ekki viss um að ég geti nefnt eitthvað ákveðið, finnst öll verkefni svo ólík og skemmtileg á sinn hátt. Skemmtilegast er þó að vinna með góðu fólki. En jú auðvitað stendur uppúr að farða Karolínu beauty editor af rússneska VOGUE, að fara út á NYFW og Danish Fashion Week, gera auglýsingar, tískuþætti, bíó og þess háttar en ég finn samt að ég er alltaf í essinu mínu þegar ég er að farða venjulegar konur sem eru að gera vel við sig fyrir viðburði því það er svo gaman að sjá viðbrögðin þeirra þegar þær líta í spegil og ljóma.

Hvaða snyrtivörur eru í uppáhaldi hjá þér?
Ég nota heilan helling af snyrtivörum og þá aðallega Skyn ICELAND. Ég er gjörsamlega heilluð af þessum vörum, virkninni og sögu merkisins. Ég er líka orðin mjög meðvituð um innihaldsefni og þessar vörur henta mínum ramma. Ég gjörsamlega elska: Nordic Skin Peel, Arctic Elixir, the ANTIDOTE Cooling Daily Lotion, Pure Cloud Cream og Oxygen Infusion Night Cream. Svo nota ég líka Argan Oil Light frá Josie Maran.

10636177_756537234403981_7058841980616742505_n

Hvaða ilmvatn er í uppáhaldi hjá þér?
Ég hef í mörg ár notað CK Be frá Calvin Klein og elska þennan ilm á báðum kynjum. Hinsvegar er vinkona mín alltaf að blanda saman ilmkjarnaolíum og er búin að búa til sína lykt. Það er svo fáránlega góð lykt af henni að ég er líka að vinna í því að finna mína lykt með hreinum ilmkjarnaolíum. Þetta er í vinnslu, þangað til sniffa ég bara af henni ;-) hihi

Hvaða snyrtivara/förðunarvara er á óskalistanum?
Mig langar soldið að prófa farða frá YSL og Dior. Mig langar líka í nokkrar vörur frá IT Cosmetics, Ég slefa yfir Hourglass merkinu eins og það leggur sig, langar líka í augnskugga frá ColourPop, highlight frá BECCA, Liquid Lipsticks frá Anastasia, airbrush farðann í spreybrúsanum frá Sephora, allt frá OCC Cosmetics.….við skulum bara stoppa hér því þessi listi endar aldrei.

11057317_846062345451469_8782858929293963838_n

Vörurnar frá ILIA eru alveg æðislegar – persónulega er ég hrifnust af kinnastiftunum og maskarinn er æði, í fyrsta sinn sem é prófa maskara frá lífrænu merki sem gefur öðrum ekkert eftir! – EH

Lýstu fyrir okkur hvernig fullkomin vorförðun væri í þínum huga.
Brúnkuspreyið frá Saint Tropez til að fá smá húðlit, ekki veitir af eftir þennann vetur, Tinted Moisturizer frá ILIA, Concealer frá ILIA eða Line Smoothing Concealer frá Clinique, Contour Pallettan frá ANASTASIA, Polkadots & Moonbeam krem highlight frá ILIA, Krem kinnalit (Multistick frá ILIA) get ekki valið lit, Perfect Brow Pencil frá ANASTASIA og Tinted Brow Gel og hafa brúnirnar soldið miklar. Á augun myndi ég blanda saman Era og Shroom (MAC), ILIA maskari og stök augnhár (knot free) frá Modelrock Lashes, Á varirnar myndi ég svo setja fallegan bjartan lit frá ILIA, ColourPOP, Hourglass, OCC, MAC eða…..eða… – Fullkomin vorförðun sem hægt er að útfæra fyrir hverja einustu konu.

Hvaða merki er í áberandi miklum meiri hluta í þinni snyrtibuddu?
Mac, ILIA, OCC, Clinique, Anastasia Beverly Hills…

10703958_797481190309585_6959984376761881642_n

Ef þið hafið ekki prófað Dipbrow Pomade frá Anastasia Beverly Hills þá eruð þið að missa af miklu – ein sú allra besta augabrúnavara sem ég hef prófað! – EH

Hvaða 5 förðunarvörur eru ómissandi hjá þér?
Farði, hyljari, augabrúnablýantur, maskari og varasalvi í töskuna mína en fyrir kittið mitt er það: Studio Finish Concealer pallettan frá MAC, P&P loose powder frá MAC, Tinted og Clear Eyebrow Gel frá Anastasia, Peek-A-Boo gloss frá ILIA & augnskuggapalletturnar. Svo má ekki gleyma “börnunum mínum”/allir burstarnir ;-)

Hvað er að frétta af nola.is og er eitthvað spennandi framundan?
Það er sko allt frábært að frétta af nola.is. Ný síða kemur í loftið á næstu dögum, erum komin með nýtt lógó sem var hannað af snillingum hjá Brandenburg, mikið af sjúklega flottum nýjungum og mögulegt samstarf milli merkja….það er alltaf eitthvað spennandi í gangi :)

10385381_849742458416791_9091062003560189003_n

Nýja logoið hjá nola – hrikaleg flott og ég get ekki beðið eftir að sjá nýju síðuna sem opnar innan skamms… – EH

Lumar þú á einu förðurnarráði í lokin sem þig langar að deila með okkur?
Fyrst og fremst að skrúbba húðina og nota rakakrem að staðaldri svo farðinn verði ekki eins og sandpappír á húðinni. Fyrir þær sem eiga við það vandamál að stríða að augnskugginn dofni, fari í línur, eða jafnvel bara alveg af mæli ég með að nota alltaf Paint Pot frá MAC undir, hann virkar eins og lím fyrir púður augnskugga. Nota púður í algjöru lámarki.

Húðin mín gæti persónulega ekki lifað án þessara tveggja vara – Lait-Créme Concontré og The Antidote Cooling Daily Lotion – EH

Ég vona að ég hafi náð að kynna þessa perlu aðeins fyrir ykkur en annars mæli ég endregið með að þið lesið viðtal við hana sem birtist nýlega í NUDE Magazine HÉR.

Svo hlakka ég mikið til að sjá nýju síðu nola.is en Karin lofar einhverju fjöri í kringum það inná Facebook síðu merkisins sem þið ættuð endilega að fylgja – NOLA.IS Á FACEBOOK – ég er alla vega mega spennt!

Takk fyrir þetta Karin mín – tökum kaffi FLJÓTT! ;)

EH

Föstudagslúkkið er bland í poka!

HúðLífið MittLúkkMakeup ArtistNáðu LúkkinuSnyrtibuddan mín

Þessi helgi er svo sannarlega búin að vera ein sú annasamasta í langan tíma! Svo hún hefur vægast sagt liðið mjög hratt en við náðum samt aðeins að gefa okkur smá tíma til að taka til sem var nú orðið frekar nauðsynlegt og þar á meðal var að fara í gegnum allar snyrtivöru kommóðurnar og losa út það sem ekki var í notkun – það sama má segja um fataskápinn.

Helgin byrjaði á 30 afmæli hjá einni vinkonu sem er með mér í mömmuhóp. Við parið skemmtum okkur konunglega og það var dáldið fínt að komast aðeins út í smá partý stemmingu. Við vorum þó ekki lengi þar sem í gær var árshátíð í vinnunni hjá Aðalsteini sem ég segi ykkur betur frá í vikunni og sýni ykkur förðunarlúkkið.

En hér sjáið þið föstudagsförðunina sem var nu heldur einföld en með nokkrum skemmtilegum smáatriðum.

föstudagslúkk2

Eins og svo oft áður legg ég mikla áherslu á fullkominn grunn svo ég legg alltaf áherslu á að húðin sé áferðafalleg, ljómandi og eins náttúruleg og ég get. Ég setti smá skyggingu í kringum augun með kremaugnskugga og fallegum maskara og toppaði lúkkið með nude lituðum varalit sem er í miklu uppáhaldi.

Ég tók saman myndir af vörunum svo þið gætuð séð almennilega hvernig þið getið apað eftir þetta einfalda lúkk…

föstudagslúkk

1. Miracle Cushion farðinn frá Lancome – þessi glæsilegi nýji farði er búinn að vera í mikilli notkun á síðustu dögum. Fyrir og eftir færsla er væntanleg í nýrri viku en farðinn gerir húðina náttúrulega og fallega og umbúðirnar eru sérlega skemmtilegar en hér er á ferðinni fljótandi farði í fyrsta sinn í compact umbúðum!

2. Cover Stick frá Maybelline – allt í einu varð ég voða fátæk á hyljara, ég nota sjálf alltaf svona létta fljótandi hyljara en fann engann þetta kvöld svo ég greip í stift hyljarann minn. Kosturinn við þennan er að ég maka honum bara þar sem ég þarf og blanda honum svo saman við farðann með buffing bursta.

3. Rouge Volupté frá YSL í litnum Nude Beige – þessi litur er hinn fullkomni nude litur fyrir mitt litarhaft og hann er í stöðugri notkun. Þið munið sjá meira af þessum varalit í vikunni þar sem hann er í þónokkrum færslum sem munu birtast á næstu dögum.

4. 5 in 1 BB Eyeshadow frá bareMinerals í litnum Divine Wine – ég dýrka þessa kremaugnskugga frá bareMinerals. Svo einfaldir í notkun og fullkomnir til að grípa í þegar tíminn er enginn en mann langar þó í smá skyggingu. Litirinir eru flottir einir og sér eða undir aðra.

5. Brow Artist Plumper frá L’Oreal í litnum Dark Brown – dags daglega nota ég yfirleitt alltaf litað augabrúnagel sem ég renni í gegnum mínar augabrúnir. Gelið gefur mér meiri dýpt og hjálpar mér við að móta og greiða augabrúnirnar og halda þeim á sínum stað. Ég elska hversu náttúrulegar þær verða og gelið frá L’Oreal er í stanslausri notkun þessa dagana hvort sem um er að ræða dag- eða kvöldförðun. Ég nota dekksta litinn sem í boði er en gelið er líka til glært.

6. Enlighten EE Cream frá Estée Lauder – uppáhalds stafrófskremið mitt þessa dagana og mér finnst svakalega gaman hvað þið hafið haft mikinn áhuga á að lesa ykkur til um kremið en þið getið séð fyrir & eftir færslu með kreminu hér aftar á blogginu. En kremið gefur húðinni hinn fullkomna grunn sem það þarf til að vera ljómandi og falleg og það bara eyðir litamun í húðinni það er hálf fáranlegt.

7. Contour Kit frá Anastasia Beverly Hills – ég er meira og meira farin að grípa í þetta skemmtilega contour kitt frá Anastasia sem fæst hér hjá nola.is. Ég hef mest nýtt það í takt við góð ráð frá lesendum en guli liturinn sá ljósi er fullkominn undir augun og á þau svæði húðarinnar sem standa fram. Litatónninn er alveg fullkominn en stundum blanda ég möttu ljósu litunum tveimur saman líka. Highlighterinn er náttúrulegur og flottur og til að skyggja blanda ég saman dökka miðju litnum og þeim sem er til vinstri í pallettunni. Saman mynda þeir fullkominn skyggingalit. Frábær palletta sem stenst svo sannarlega væntingar og eru ein af mínum bestu kaupum!

8. Lífrænn svartur maskari frá Ilia – maskari frá dásamlega fallega lífræna merkinu Ilia sem fæst í nola.is. Hér er á ferðinni fyrsti lífræni maskarinn sem mér finnst ekki bráðna á augunum mínum og leka útum allt. Ég elska hvað gúmmígreiðan gerir augnhárin mín falleg því hún greiðir svo svakalega vel úr þeim – maskarann nota ég bæði dags daglega og á kvöldin. Hér er ég bara með svona passlegt magn en næsta lúkk sem ég sýni ykkur með þessum er aðeins ýktara og með gerviaugnhárum og þá fær maskarinn svo sannarlega að sýna hvað í honum býr.

9. Blush Subtil kinnalitur frá Lancome í litnum Pépite de Corail – ég elska kinnaliti þið vitið það manna best. Þessi fallegi nýji púðurkinnalitur frá Lancome er sannarlega skemmtilegur og gefur andlitinu fullkominn lit og frísklegan ljóma.

föstudagslúkk

Að lokum þá er ég eins og lofað var búin að draga úr nýjasta múmínbollann. Ég get nú sannarlega sagt að þáttakan kom mér svo skemmtilega á óvart mér finnst alltaf jafn gaman að gefa múmínbolla sérstaklega til annarra aðdáenda eins og mín.

Hér sjáið þið nafn sigurvegarans…Screen Shot 2015-03-01 at 5.33.08 PM

 

Innilega til hamingju Hjördís! Endilega sendu mér línu á ernahrund(hjá)trendnet.is og svo við getum mælt okkur mót og bollinn komist í réttar hendur.

Annars vona ég að helgin ykkar hafi verið jafn góð og mín og ég hlakka til að hefja nýja vinnuviku fulla af krafti!

EH

Vörurnar sem ég skrifa um hér hef ég bæði keypt og/eða fengið sendar sem sýnishorn Það hefur þó engin áhrif á álit mitt á vörunum og eins og alltaf veiti ég hreinskilið álit.

Raki í vasanum…

Ég Mæli MeðHúðLífið MittNetverslanirNýtt í snyrtibuddunni minni

Hæ ég heiti Erna Hrund og ég er með skraufþurra húð – vissuð þið það kannski? Ég held án gríns að hvert mannbarn viti hver mín húðtýpa er því ég nýti hvert tækifæri til segja frá því:) En ég hef verið extra slæm núna undanfarið útaf kuldanum sem er úti og útaf veikindunum. Húðin mín hefur ekki verið jafn slæm síðan ég var með barn á brjósti og ég nýti hvert tækifæri til að gefa henni meiri raka. Vegna þessa hef ég ekki verið með neitt á húðinni annað en létt litað dagkrem með sólarvörn svo ég geti alltaf bætt á rakann þegar ég þarf á því að halda.

Ein góð vinkona gladdi mig með dásamlegum jólaglaðning rétt fyrir jól og hefur hann nýst mér afar vel síðustu daga. Hér er á ferðinni eitt af mínum uppáhalds rakakremum og á tappanum er varasalvi!

embryoilissenýtt

Kremið er eitt þekktasta rakakrem í heiminum í dag en það er frá Embryolisse og elskað af förðunarfræðingum víða um heim – Pixiwoo systurnar eru t.d. mjög duglegar að birta myndir af sínum kremum, ekki slæm meðmæli þar. Kremið er ótrúlega einfalt og gefur húðinni skjótan raka sem fer hratt inní húðina og því hefur þessi litla túpa komið að góðum notum því ég næ bara með því að setja það hratt yfir húðina að fá ró yfir hana – ég er svo þurr að mig klæjar í andlitið. Glossinn á tappanum sem ég kalla varasalva nærir líka varirnar vel, gefur þeim mjúka  áferð og það inniheldur vítamín og Shea Butter sem næra varirnar vel og gefa drjúgan raka.

Lait-Créme Concentré + Gloss frá Embryolisse á nola.is

Frábær og lítil, handhæg túpa sem smellpassar í allar töskur og alla vasa og gefur skjótan og góðan raka. Fyrir þær ykkar sem vantar gott rakakrem þá mæli ég eindregið með þessu og fyrir ykkur förðunarfræðingana þá er þetta einstaklega góður og fallegur grunnur undir farða – húðin verður svo björt og svo mjúk og það er mjög þægilegt að farða yfir það.

EH

Í uppáhaldi: Dip Brow

Ég Mæli MeðMakeup ArtistNetverslanirShopSnyrtibuddan mín

Ég er gjörsamlega heilluð af augabrúnavörunum frá Anastasia Beverly Hills og hef verið það síðan ég prófaði þær fyrst. Í dag er ein vara frá þeim stendur framar öðrum og öðrum í sínum flokki og það er Dip Brow.

Dip Brow er litað augabrúnagel sem kemur í krukku, það er fáanlegt í nokkrum litum og ég sjálf nota litinn Dark Brown. Hann er fullkominn fyrir mig, alveg nógu dökkur og kaldur litur sem gerir augabrúnirnar mínar ekki of hlýjar eins og margir aðrir litir. Það sem ég elska við hann er hversu einfaldur hann er í notkun, hvað hann gerir augabrúnirnar mínar flottar, hvað hann endist vel og hvað krukkan sjálf er drjúg – ég á eftir að eiga þessa ansi lengi en ég nota hana samt á hverjum degi. Á öllum þessum myndum er ég með þessa snilldar vöru!

Smellið á hverja mynd til að sjá þær stærri – myndirnar eru allar af förðunum sem hafa nú þegar birst á blogginu.

Svo þið hafið nú einhvern samanburð þá er ég svona þegar ég nenni ekki að gera neitt við augabrúnirnar mínar…

masterpiecetransform-620x451

En vitiði það að ég manneskjan sem mótaði aldrei augabrúnirnar sínar og er með mjög þykkar og flottar, svartar augabrúnir líður eins og ég sé ekki með neinar þegar ég skeri þær ekki aðeins og ég vel alltaf Dip Brow.

dipbrow

Ég nota alltaf skásettan eyelinerpensil í litinn, ég nota þennan sem fylgdi með í Nic’s Picks settinu frá Real Techniques. Ég tek smá uppúr krukkunni og jafna litinn í penslinum á handabakinu mínu og ber hann svo á augabrúnirnar. Ég byrja á því að ramma þær inn að framan því þar eru hárin helst strjál hjá mér, svo dreg ég burstann laust yfir augabrúnirnar mínar. Ég vil hafa mínar augabrúnir eins náttúrulegar og ég get og ég er alfarið á móti og mótuðum augabrúnum og ég er ekki manneskjan sem rammar svo inn augabrúnirnar með þykkum hyljara – dip brow we alveg nóg fyrir mig og mínar brúnir dags daglega. Munið að of hvassar og of dökkar augabrúnir gera það bara af verkum að við sjálfar virðumst grimmar yfirlitum ;)

Dip Brow fæst á Íslandi á nola.is en þið finnið þær vörur hér – ANASTASIA BEVERLY HILLS Á NOLA.IS

EH

Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.