NEW HAIR

HUGMYNDIRLOOKNEW IN

Fyrir helgi tók ég stóra ákvörðun þegar ég ákvað að breyta til og fara aftur í dökka hárlitinn. Hugmyndin að breytingunni kom upp þegar hárgreiðslustofan Modus bauð mér í heimsókn. Þið sem fylgið mér hér á Trendnet þekkið mig bara sem ljóshærða en ég hef áður verið dökkhærð og fílaði það vel. Hárið mitt var orðið rosalegt þreytt & illa farið og því var þetta tilvalið tækifæri að stökkva á.

Ég er sjúklega ánægð með breytinguna & gæti eiginlega ekki verið ánægðari með hárið mitt. Elín Björg á Modus litaði mig & klippti en ég hef farið oft áður til hennar og er alltaf ánægð með útkomuna. Takk fyrir mig Modus!

x

Endilega fylgist með mér á Instagram: @sigridurr, & einnig á Snapchat undir nafninu siggamaggaimg_9863

SVARTÁHVÍTU & SMÁRALINDAR SNAPPIÐ

HeimiliPersónulegtStofa

Á morgun, laugardag verð ég með Smáralindar snapchattið og mun því þræða allar verslanir með símann minn að vopni (og mögulega Visa kortið, -djók). Ég kem til með að fara yfir allskyns fínerí fyrir heimilið og góð kaup sem finna má í verslunum Smáralindar ásamt öðru heimilis og hönnunartengdu. Núna standa yfir tískudagar og þann 6.september verður Home Decor dagur sem hljómar afskaplega vel í mínum eyrum. Notandanafnið er Smaralind.

Fylgist endilega með, þetta verður bara gaman:)

Meðfylgjandi eru myndir frá mínu snapchatti, svartahvitu síðan ég var að breyta stofunni í vikunni. Ég er nú ekki alveg búin og er enn eftir að hengja upp myndir og færa aðrar. Ég er alveg agaleg að birta bara símamyndir í þetta sinn en betri myndir verða teknar þegar allt er búið að finna sinn stað. Ég er nefnilega að vandræðast með nokkra hluti sem eru ekki að virka nógu vel, jihh ætli ég færi sófann aftur tilbaka jafnvel?

14203686_10155155878353332_272216985_o

1

14215452_10155155851483332_1253281109_o

“Sjáumst” á morgun á smaralind snapchat!

Screen-Shot-2015-04-23-at-22.38.421111

INNLIT HJÁ ÖRNU & SIGVALDA

DIYHeimili

Áfram höldum við að fylgjast með þeim Örnu og Sigvalda sem eru á fullu að standsetja fyrstu íbúðina sína, þau eru nú þegar búin að taka baðherbergið í gegn, skipta um gólfefni fyrir glæsilegt parket og eru núna búin að koma stofunni í flott stand með nýjum sófakaupum og svartmáluðum gluggakörmum. Miðað við lestrartölurnar á þessum færslum þar sem ég hef sýnt frá þessu ferli þá virðist vera alveg gífurlegur áhugi fyrir svona efni og þessvegna ákvað ég að taka stöðuna á þeim enn einu sinni:)

IMG_0896

Jæja Arna segðu okkur núna hvað er nýtt að frétta af heimilinu? Það er helst að stofan er orðin tilbúin, eftir að hafa tekið niður vegginn inní eldhúsi þá voru við komin með mjög stórt og opið rými miðað við hvernig þetta var allt áður og eftir að hafa málað og sett glæsilega parketið okkar var íbúðin björt og hlýleg. Með því að hafa ljósa parketið gátum við leikið okkur frekar með dekkri liti í húsgögnum og vildum við því einhvern fallegan en þægilegan sófa í stofuna því við erum jú ekki með sér sjónarpshol í íbúðinni.

Við þurftum því að leita af frekar stórum sófa sem væri samt snyrtilegur og þægilegur til að liggja í. Við fórum í milljón verslanir og skoðuðum allt milli himins og jarðar. Vinkona mín benti mér á að kíkja í Pier því hún átti sófa þaðan sem hún sagði að væri uppáhalds húsgagnið sitt heima hjá sér. Leið okkar lá því í Pier og vorum við ofsalega heppin með afgreiðslustelpu sem sökk sér alveg í það með okkur í pælingum og útfærslu, mér leið í smá stund eins og hún væri líka að kaupa sófann með okkur sem var góð tilfinning:) Sófinn sem við völdum heitir Polo en hann passar svo ótrúlega vel heima því hann er með 2 tungum svo hann lokar pínulítið af rýmið en ekki þannig að það minnki neitt rýmið. Við getum því núna tekið vel á móti gestum án þess að allir sitji ofaní hvor öðrum og svo fá allir sitt pláss til að horfa á sjónvarpið. Við völdum dökkgrátt áklæði aðalega upp á þrif og fleira að gera en við fengum fljótt áskorun með þann part þegar nágrannaköttur skreið inn eina nóttina og hafði það huggulegt í sófanum og skyldi eftir hálfan feldinn og skítug fótspor um sófann hahaha … sem betur fer var auðvelt að ná þessu úr með blautri tusku og smá sápu:)

 3

Hvað kom til að þið máluðuð gluggakarmana svarta? Þeir voru hvítir, en eftir að rýmið opnaði svona mikið langaði okkur að gera eitthvað öðruvísi við gluggana. Ég lá á Pinterest og rambaði þar á íbúð sem var með svörtum gluggakörmum og þá var ekki aftur snúið. Þetta var auðvitað smá áhætta að mála svart því ef þetta hefði misheppnast þá tekur um 3-4 umferðir að ná aftur hvíta litnum. En sem betur fer erum við rosalega ánægð með gluggana og finnst þeir skerpa smá heildarlúkkið í þessu rými, gera hana aðeins meira kósý og öðruvísi.

41

Diskarnir á veggnum er örugglega uppáhalds “hornið” mitt í stofunni. Báðar ömmur mínar voru með þessa diska heima hjá sér þegar ég var lítil og var ég alltaf að spá í þeim og hafa þeir því mikið tilfinningalegt gildi hjá mér. Við vildum ekki alveg fara í það að raða þeim eins og ömmur mínar gerðu og örugglega fleiri á þeim tíma (í beinni línu efst á veggnum) og var því farið í rannsóknarvinnu á Pinterest að sjálfsögðu. Við skoðuðum nokkar útgáfur sem við vorum sammála um og prófuðum að raða eins og eftir okkar höfði með þvi að teikna diskana á pappír og þá líma pappírinn á veginn til þess að finna út hvað okkur fannst flottast. Litirnir í diskunum gera mikið fyrir íbúðina en við vorum svolítið dottin í svart, hvítt og grátt og kemur þá þessi blái rosalega vel með sem “auka” litur og erum við því núna að skoða fleiri bláa hluti til að setja inná heimilið til að tóna við vegginn.

IMG_0898

Vegna fyrirspurna um parketið þá læt ég fylgja með aftur upplýsingar um það:

Hvaðan er parketið? Við vorum bæði mest skotin í parketum frá Birgisson en þau eru með ekkert smá mikið úrval af parketum og í öllum verðflokkum. Um leið og við gengum inn var tekið vel á móti okkur og fengum góða fræðslu um hvernig parket við ættum að skoða útfrá okkar aðstæðum, en við vildum einmitt parket sem við gætum sett á alla íbúðina og líka inn í eldhús. Útfrá því fór starfsmaðurinn með okkur yfir svona helstu staðreyndir um þau parket sem við vorum búin að gjóa augum að sem var mjög þægilegt þar sem við vissum lítið sem ekkert um þetta.

Hvað fannst þér mikilvægt að hafa í huga við valið? Parketið sem við völdum okkur var á viðráðanlegu verði en samt svo fallegt og tók það okkur ekki langan tíma að staðfesta kaup á því. Parketið er s.s 10mm harðparket og heitir Vermont Oak White, en þetta er glæsilegt alhvíttað eikarlíki. Okkur fannst skipta máli að hafa parket sem myndi endast vel og ekki rispast auðveldlega en við erum stundum með fósturhundinn okkar hana Birnu og viljum geta leikið við hana án þess að vera að stressast með gólfið.


2

Stofan er orðin hin glæsilegasta og ég er ekki frá því að þau eigi skilið smá pásu frá framkvæmdunum áður en ráðist verður í eldhúsframkvæmdir en það er víst næst á dagskrá! Efst í færslunni er að finna linka yfir í færslurnar sem sýna allt ferlið og myndir af íbúðinni fyrir framkvæmdir. Ef ykkur líkar við svona verkefni þá megið þið endilega smella á like hnappinn hér að neðan, ég er nefnilega að fylgjast með annari vinkonu minni taka baðherbergið sitt í gegn á ódýran og “auðveldan” hátt:)

Screen-Shot-2015-04-23-at-22.38.42111

BREYTINGAR Á NÝJU ÁRI

HeimiliHugmyndirStofa

Þá er ég komin tilbaka úr smá jólafríi frá tölvunni og uppfull af nýjum hugmyndum, nýtt ár er handan við hornið og margir byrjaðir að strengja áramótaheit. Eitt skemmtilegt áramótaheit er að breyta til á heimilinu, færa nokkur húsgögn, raða upp á nýtt í hillur, bæta við plöntu og hengja upp nýjar myndir. Það er hægt að breyta mikið til með bara smá tilfæringu, en bloggarinn Henrietta hjá Designlykke hikar ekki við að breyta til og hún veitir svo sannarlega innblástur til að koma sér í gírinn og hressa heimilið sitt við. Hér að neðan má sjá nokkrar myndir af stofunni hennar sem gengið hefur í gegnum margar breytingar á stuttum tíma.

IMG_2042_Fotor1 IMG_2032_Fotor IMG_2056_Fotor IMG_2218_Fotor stuesofa_Fotor IMG_2795 tine-k-sofa IMG_3026

Ég elska svona týpur sem eru ekkert að tvístíga við hlutina:)

Eru einhvejar breytingar á planinu hjá þér? Við ætlum jú mörg að hætta að borða nammi og vera dugleg í ræktinni… hvernig væri nú að strengja áramótaheit sem auðveldara er að standa við, að breyta til á heimilinu!

P.s. Vonandi voru jólin ykkar æðisleg!

Breytingar

HárLífið Mitt

Við stelpurnar á Trendnet erum eitthvað voðalega breytingaglaðar þessa stundina – hárið mitt fékk að fjúka í gær og ég er ótrúlega ánægð með útkomuna. Ég var komin með svo mikið ógeð af þessum síða hári, það var orðið svo slitið og flatt að það var kominn tími á breytingu.Ætli það hafi ekki verið sirka 15 cm sem fengu að fara og það var léttir að losna líka við upplituðu endana. Ef þið eruð að leita ykkur að hárgreiðslusnilling – þá mæli ég með henni Fíu hjá Sjoppunni það var engin önnur en hún sem kom til greina til að fá að klippa Garðabrúðulokkana mína <3

EH