ARNA & SIGVALDI: BAÐHERBERGIÐ TILBÚIÐ!

Baðherbergi

Það er aldeilis baðherbergjaþema í gangi hér á blogginu mætti segja og er því alveg tilvalið að sýna ykkur núna lokaútkomuna hjá þeim Örnu og Sigvalda sem við höfum fylgst með taka í gegn þeirra fyrstu íbúð. Stóra baðherbergjafærslan sem ég birti í gær -sjá hér- er að slá öll met og lítur út fyrir að okkur vanti bara smá loka spark í rassinn til að hefjast handa. Þó leggja ekki allir í svona miklar framkvæmdir eins og þau Arna og Sigvaldi en það er alltaf gott að fá innblástur!

1-400x627

Segðu okkur Arna hvað er að frétta frá því síðast? Núna erum við Sigvaldi loksins búin að taka í gegn alla íbúðina, eða það sem við ætluðum okkur að gera frá því við fluttum inn. Fyrir um ári síðan gerðum við smá bráðabirgða breytingar á baðherberginu en planið var alltaf að fara svo seinna í stærri breytingar sem nú hafa loksins átt sér stað. // Sjá færsluna hér.

Hvað er það helsta sem þið breyttuð núna? Við tókum út baðkarið og settum sturtu og skiptum einnig um vask og blöndunartæki ásamt því að flísaleggja.

17409464_10154461371071238_785654280_n

Hvaðan fenguð þið hugmyndir um útlit á baðherberginu? Þegar við byrjuðum á að fara yfir hugmyndir og útfærslur um hvernig við vildum hafa baðherbergið kom Pinterest og Instagram að góðu gagni. Sem betur fer erum við Sigvaldi oftast á sama máli með stílinn á heimilinu og því ekki erfitt fyrir okkur að vera sammála um hvað við viljum og hvað ekki.

Hvaðan völduð þið innréttingar og gólfefni? Við enduðum á að kaupa allt í BYKO, við byrjuðum á að kíkja á tilboðsdaga sem þá voru í gangi og skoðuðum úrvalið. Áður en við vissum af vorum við búin að finna allt sem okkur langaði í á baðherbergið og þökk sé Ástu snillingi hjá þeim að þá var þetta fljótt að smella saman, okkar sýn var komin á pappír og allt í takt við fjármagnið sem við vorum tilbúin að eyða í baðherbergið.

Eftir að við vorum búin að taka allar ákvarðanir með útlitið á baðinu fórum við aftur í Byko og fengum lokatilboð í allan pakkann, frá leigu á búnaði sem við þurftum í framkvæmdirnar yfir í blöndunartækin og flísar … og vá þvílíkur lúxuuuus að fá þetta allt bara á sama staðnum!

Er einhver sérstök hugsun á bakvið litaval og annað? Baðherbergið hjá okkur er ekki stórt auk þess sem það er gluggalaust, svo dökkir litir voru strax teknir út af borðinu til að minnka ekki rýmið og til halda einhverri birtu þarna inni. Við vildum hafa kósý inná baði og hafa þetta stað sem væri hlýr og notalegur.

1

Liturinn sem þau völdu á flísarnar var grár sem passar einnig vel við litinn á parketinu í íbúðinni.

4

Hvernig gengu svo framkvæmdirnar fyrir sig? Sigvaldi byrjaði á að strípa niður allt baðherbergið og vá hvað það kemur mikið ryk! Við mælum með fyrir alla sem ætla að fara í svona framkvæmdir að hafa mjög góða iðnaðarryksugu og plasta allt vel því það kemur ryk á staði sem þú vissir að væru ekki til. Við byrjuðum fyrsta daginn á að nota heimilisryksuguna og komumst fljótt að því að það væri ekki málið útaf fína rykinu sem kom og fórum því og leigðum góða iðnaðarryksugu í Byko sem létti okkur lífið talsvert.

Allavega… eftir að búið var að taka dúkinn, pússa allt niður og taka eins mikið ryk í burtu og hægt var að þá var byrjað að grunna veggina og gólfið með rakavörn. Eftir það hófst múrvinnan og gerð á sturtubotninum. Við vorum svo heppin að fá Alla (Alexander Óðinsson) vin hans Sigvalda sem starfar sem múrari til að koma og sýna okkur réttu handtökin við múrverkið en það er mjög mikilvægt að fá leiðbeiningar frá einhverjum sem er með þekkingu í að múra til að aðstoða við múrverkið því það er grunnurinn að þessu öllu saman og skiptir gríðalega miklu máli að það sé vel gert. Eftir góða kennslustund og múrinn kominn á þá var næst sett vatnsþéttifilma í allar kverkar eftir að Sigvaldi var búinn að setja upp falskan vegg meðfram lögnunum. Þar á eftir setti hann tvær umferðir af vatnsþéttifilmu á veggina og það látið þorna. Undirbúningsvinnan var mun tímafrekari en við bjuggumst bæði við en hún er mjög mikilvæg uppá að það komi ekki lekaskemmdir/rakaskemmdir undir flísarnar svo þessi vinna var vonandi öll þess virði.

Flísavinnan kom síðan mun betur út en við þorðum að vona enda algjört tilraunaverkefni hjá okkur. Lykilatriðið er að vera rosalega þolinmóður því þetta var mikil vandvirknisvinna og ég get ekki verið stoltari af Sigvalda að hafa náð að gera þetta sjálfur!

2-copy

Flísarnar sem við völdum heita Sintesi Eliementi Grigo og eru með mjög litla vatnsdrægni. Fúgan sem okkur var ráðlagt að nota er svo með vörn gegn bakteríum, sveppum og myglu og hentar því vel á baðherbergi, hún fékkst einnig í Byko.

Hvers vegna sturtu í stað baðkars? Ég er mikill aðdáandi að stílhreinum og stórum opnum sturtum og hafði áður leigt hús sem var með tvöfaldri risastórri walk in sturtu sem mig langaði svo mikið í. En þar sem við vorum með ákveðið budget í þetta verkefni þá þarf maður að minnka kröfurnar á sumum stöðum. Þar sem við vorum að nýta lagnir sem voru fyrir og vildum sleppa við að færa þær þá komumst við að samkomulagi um að hafa opna einfalda sturtu með stórum sturtuhaus. Við vildum bæði hafa sturtuna opna og með gleri en ekki hengi til að rýmið væri nýtt sem best og væri sem stílhreinast.

3-copy

Blöndunartækin sem þau völdu eru öll frá merkinu Grohe.

Hvernig gekk að koma öllu vel fyrir á þessu litla baðherbergi? Vaskurinn og innréttingin var smá höfuðverkur fyrir okkur í byrjun þar sem við erum með lítið pláss til að leika með en það voru til svo margar fallegar og stærri innréttingar sem okkur langaði í sem einfaldlega pössuðu ekki inná baðherbergið. Við vildum þó halda rýminu stílhreinu og skoðuðum mikið af vöskum og litum á innréttingu en enduðum alltaf í hvítu. Við fundum í Byko ferðinni þegar við vorum að velja flísarnar þennan vask og innréttingu sem hentaði mjög vel í rýmið og var á fínu verði svo við vorum ekki að velta þessu mikið meira fyrir okkur og erum við bara mjög sátt með hvernig þetta kom út.

Hvernig er svo tilfinningin að vera loksins búin? Í heildina litið erum við hrikalega sátt með útkomuna, við náðum þeim markmiðum sem við lögðum upp með, þ.e. að stækka rýmið, gera baðherbergið notarlegt og halda okkur innan budgets. Þeir þættir sem hjálpuðu okkur mest eru líklegast aðstoð Alla múrara við grunninn á baðherberginu, Youtube myndbönd og öll þessi ráðgjöf sem við fengum frá snilldar starfsfólki í Byko. Við Sigvaldi erum nefnilega ekki iðnmenntuð en erum að reyna að krafsa okkur í gegnum það að gera upp íbúð sjálf og það að geta gengið inn í verslun og fengið svör við því sem þér vantar er ómetanlegt og því vert að taka fram, því það eru svo sannarlega ekki allar verslanir sem eru með þá þjónustu eins og við vitum líklegast flest.

// Ég samgleðst þeim alveg innilega að vera loksins búin í framkvæmdunum og íbúðin orðin svona glæsileg, en eins og áður hefur komið fram þá voru allar breytingarnar gerðar í skrefum en ekki allt í einu svo verkin og kostnaðurinn voru yfirstíganlegri. Þeim tókst líka að klára allt í tæka tíð en það eru ekki nema örfáar vikur í að þau eignist sitt fyrsta barn og geta því verið róleg í hreiðurgerð. Takk elsku Arna og Sigvaldi fyrir að leyfa okkur að fylgjast með ♡

Næstu framkvæmdarfærslur verða svo af fjölskyldubústaðnum sem við erum á fullu að taka í gegn og einhver ykkar hafa þegar fengið að sjá smá af á Svartahvitu snappinu.

svartahvitu-snapp2-1

TIPS & TRIX FYRIR BAÐHERBERGIÐ

Baðherbergi

Baðherbergið er oft það rými á heimilinu sem fær minnstu ástina þrátt fyrir að við eyðum þar dágóðum tíma flesta daga. Það getur reynst erfitt að búa í leiguhúsnæði og mega lítið gera og þekki ég þær aðstæður mjög vel, en það er þó heilmikið hægt að gera með nokkrum skrautmunum og það þarf alls ekki að vera kostnaðarsamt.

Baðherbergin eru oft nokkuð lítil svo við erum að hugsa um litla smáhluti en ekki húsgögn. Falleg handklæði til að þurrka hendurnar koma manni langt í að fríska við baðherbergið. Ef þú ert með opna innréttingu þá myndi ég hafa þau öll í sama lit og rúlla þeim smekklega saman, en ef ekki þá er um að gera að hafa þau ólík til að breyta til. Mín eru gul, bleik og einnig röndótt og vel ég handklæði vikunnar eftir stuði.

af75d80fcb8312f97eb5ec71b38bc1ff

Takið eftir hér að ofan hvað handklæðin koma vel út svona upprúlluð, en þegar innréttingin er opin er “nauðsynlegt” að hafa innihaldið vel raðað og snyrtilegt. Körfurnar neðst eru síðan góð lausn undir t.d. hárvörur, hárblásara og klósettrúllur í hinni.

Fallegt sturtuhengi getur gert gæfumuninn og er oft nokkuð áberandi partur af baðherberginu, stundum er nóg að hafa þau bara einlit en það er þó til ótrúlega gott úrval af sturtuhengjum með prenti á, mitt þessa stundina er með marmaraprenti. Ég hef keypt mín flest í H&M home en Ferm Living er einnig með frábært úrval.

2cfab2c5d1ca3a561ce64a9146ae9819
391262cf222f5d43f87cfe95159ca830

Sápan! Hafið þið tekið eftir í innlitum í heimilis eða tískutímaritum þá eru viss sápumerki mjög algeng sjón á baðherbergjum og gefa þeim smá elegant yfirbragð. Ég viðurkenni alveg að sápurnar eru rosalega góðar og ilmurinn dásamlegur og alveg “ekta” en ekki svona gervi lykt og ég leyfi mér því að kaupa slíkar sápur inn á milli. Það er einnig hægt að kaupa fjölnota og fallegar sápupumpur í ýmsum verslunum sem þú fyllir einfaldlega á.

2af726b142db78388ede02c31b27214f

Smekkleg óhreinatau – Ég hef mjög gaman af því hvað úrvalið er skyndilega orðið gott af flottum óhreinataukörfum og margar á mjög góðu verði. House Doctor hefur t.d. verið með nokkrar skemmtilegar ásamt Ferm Living.

Fallegur baðsloppur jafnvel úr silki hengdur upp getur sett punktinn yfir i-ið og er að sjálfsögðu mjög hentugur til að henda yfir sig þegar komið er úr baði. Ég keypti mér nýlega hlébarða baðslopp í H&M sem fær að hanga inni á baðherberginu og er eins og hið fínasta punt!

6498ae55d948cfb8f96f002e07be43b4

cute-pink-and-white-cast-iron-clawfoot-bath-tub

Algengasta útkoman þegar baðherbergi eru hönnuð eru hvítt, svart, viður eða marmari en hafið í huga að möguleikarnir eru endalausir og kannski er baðherbergið einmitt rýmið til að sleppa alveg af sér beislinu? Klikkað veggfóður, málaðu baðkarið í lit, litríkar marokkóskar gólflísar, flott ljósakróna, allt svart eða samsetning af bleikum og fjólubláum litum á loft og veggi eins og á baðherbergi Katrínar Ísfeld hér að neðan.

12745741_1283071921706763_8301819837149587180_n-620x930

Mynd: Rakel Ósk Sigurðardóttir / innanhússhönnun: Katrín Ísfeld, sjá meira hér. Þetta var eitt fallegasta baðherbergi sem ég hef heimsótt og ég ætlaði varla að trúa mínum augum svo fallegir voru litirnir. Takið eftir að þarna hefur hún einnig til skrauts gamla maskara sem fylla heilt ílát ásamt ilmvatnsglösum og tískuteikningu.

21642b39fbdcccfdb322cc7a700f8bbe

aff142df6f720982a04416a2b8ef9b4f

Lítill kollur eða hliðarborð til að geyma á handklæði eða uppstillingu af þínum bestu húðvörum ásamt kerti til að kveikja á þegar farið er í bað. Kollinn er einnig hægt að nýta sem stand undir blómapott eða tölvuna fyrir þá sem vilja horfa á bíómynd í baði:)

62dcfff94b87759d000c4021df0dc421

Ilmvötn til skrauts – raðaðu fallegum ilmvatnsglösum á bakka eða við vaskinn og bættu jafnvel við litlum kertastjaka eða blómavasa til að skapa smá stemmingu og fallega uppstillingu.

bad_bord_bakke_spejl_planteophaeng_-juila_froeken_overspringshandling-zc0zkcllvptopqfh6oeaq

Stilltu upp uppáhalds snyrtivörunum þínum. Minna er samt meira, við erum ekki að tala um allt uppáhaldsdótið þitt og helst aðeins það sem er í fallegum umbúðum. Sjáið einnig hvað gyllta vírakarfan kemur vel út sem smáhlutahilla og á myndinni hér að neðan sjáið þið hvernig hún er fest upp, algjör snilld þegar ekki má negla í flísarnar.

bad_haandvask_spejl_kvist_planter_-juila_froeken_overspringshandling-rf-nrf6ycxe1cbj2-v-r4q 29799afa7a53e14013a4cbd2d789cabd

Råskog hjólaborðið hefur slegið í gegn og er æðislegt til að hafa inni á baðherbergi, en getur þó auðveldlega orðið draslaralegt – hafið það í huga. Upphaflega var það hugsað í eldhúsið en eftir að stjörnustílistinn Pella Hedeby stíliseraði það á baðherbergi (mynd að ofan) hefur það rokselst. Þórunn Ívars bloggari er einnig dugleg að sýna frá sínu hjólaborði á snapchat.

bf978c2c97bd7b5a5fb1084b6ad0408a

8f608766ba66f0ff347d302879897bb7

Plaköt og myndir eiga líka heima á baðherbergjum, þetta er þó mögulega ekki rýmið til að hengja upp fjölskyldumyndir nema það séu þá sætar minningar af börnunum í baði t.d. Algengast er að sjá skemmtilegar setningar í ramma eða myndir af tískufyrirmyndum eða annað slíkt. Það er hægt að gleyma sér að skoða plaköt hjá t.d. Desenio.

tumblr_md163ocse41qa9ddao1_500

Síðast en ekki síst þá má ekki gleyma að nefna elsku plönturnar sem lífga við hvaða rými á örskotsstundu og ég mæli með að kaupa þér fallega plöntu fyrir baðherbergið sem þarf ekki of mikla umhirðu. En best væri þó að tikka við fleira en eitt atriði hér að ofan og baðherbergið verður allt annað!

Hér að neðan er síðan listi af vörum sem ég tók saman fyrir baðherbergi í mínum anda.

badherbergi

//1. Það myndu fáir slá hendinni á móti fallegum Aarre glerhanka frá iittala. //2. Hlébarðasloppur frá H&M. //3. Falleg skipulagsbox frá House Doctor undir smádótið og skreyta baðherbergið um leið. Fást í A4. //4. Pappelina gólfmotta í fallegum lit er fullkomin inn í þvottahúsið, fást í Kokka. //5. Þurrbursti er að mínu mati nauðsynlegur á baðherbergi. //6. Marmarabakki undir ilmvatnsglösin og snyrtivörur, fæst í Kokku. //7. Ég er hægt og rólega að reyna að skipta yfir í betri snyrtivörur og hugsa vel um húðina, þessa dropa langar mig að prófa frá Estée Lauder, night repair og þessi flaska mætti alveg vera uppi við. //8. Flott óhreinatauskarfa, ég er sjálf að íhuga að kaupa mér þessa. Fæst í A4. //9. Aalto vasana má nota undir margt annað en blóm, minni stærðirnar eru til dæmis tilvaldar undir bómull, eyrnapinna eða förðunarbursta. //10. Stílhreint handklæði, Snúran. //11. L:A bruket handsápa, Snúran. //12. Bleikur tannbursti frá HAY en þó framleiddur af tannburstamerkinu Jordan. Ég á einn svona bleikan og Andrés á svartan. Væntanlegir í Epal. //13. Råskog hjólaborð, Ikea. //14. Sturtuhengi frá Ferm Living, Epal.

Ef ykkur líkaði við þessa færslu þá yrði ég þakklát ef þið væruð til í að smella á like hnappinn eða skilja eftir orð hér að neðan. Hvernig væri nú síðan að ég tæki létt baðherbergja innlit hér heima á snappinu mínu? Það er orðið þó nokkuð langt síðan ég sýndi frá því:)

svartahvitu-snapp2-1

Our Bathroom renovation

HomeInteriorProjects

Our little bathroom was in great need of a “face lift” so we decided to have it done before the end of January. Our main focus was good practical storage and space for a washing machine, having newborn babies I did not want to be running to the washing room in the basement all the time.

I forgot to take before pictures so you can see the transformation but it was old and just not practical at all. What we have done is to buy new interior as lights, mirror, cabinets, shower/bath pipes, stone top and sink. I am really happy with the outcome and new storage spaces we got in this small bathroom.

We picked dark wood interior and white stone top, the top is extra wide for a bathroom so we could fit the washing machine under and also to have as a changing table on top. The sink and the top is all in stone and specially made after our measurements, we wanted all in one piece blending together. We picked a sink that is big enough so we can give our little boys a bath in it the first months.

Us taking a selfie in the middle of the renovation.

Love,

L

BLEIKT FYRIR UTAN BARNAHERBERGIÐ!

Fyrir heimiliðUppáhalds

Bleikur á svo sannarlega ekki aðeins heima í barnaherberginu og ef þið flettið í gegnum þessar myndir munuð þið 100% sannfærast ef þið efist um ágæti bleika litsins í dag. Pastelbleikur er fallegasti liturinn að mínu mati, ég fæ hreinlega ekki nóg af honum. Ég er alveg sannfærð um að bleikur færi mér smá hamingju og ég er dugleg að bæta smá bleiku við heimilið mitt þó svo að fataskápurinn sleppi nokkurn vegin. Ég var aðeins að skoða bleika litinn minn á Pinterest í kvöld en ég er enn að ákveða hvaða litatón ég vil fá í anddyrið sem ég stefni á að mála en ég endaði að sjálfsögðu með stútfullt desktop af bleikum innblæstri sem mig langar að deila með ykkur,

 Ef þið smellið á myndirnar þá stækka þær! Hvernig lýst ykkur annars á, er ekki málið að bæta við smá bleiku?

Screen-Shot-2015-04-23-at-22.38.421111

EASY LIKE SUNDAY MORNING…

Svefnherbergi

10 falleg svefnherbergi svona rétt fyrir svefninn… ég er í smá breytingarhugleiðingum með okkar svefnherbergi og þá er alltaf gott að sanka að sér nokkrum fallegum hugmyndum til að sjá hvað það er sem maður vill. Fyrst og fremst langar mig til að mála og hengja upp myndir á veggi en ef það væru engin takmörk þá er einn af draumunum að eiga einn daginn svefnherbergi þaðan sem hægt er að ganga út á svalir, það er eitthvað við þá hugmynd sem heillar mig og sérstaklega núna þegar vorið liggur í loftinu. Hvert er þitt uppáhalds svefnherbergi hér að neðan, 1-10 ?

ffb089d03ae6f8dde0d65015b1afff56

1

8efd64b23bdf7f6f5b3a7a317acd5d46

2

68e4d98db0be3d5f0ff378f45974157a

 3

8aed77e4942a5e7786ee0af90c9ba3ee

4

94fbda1c76e21a596223f827d783255e

5

b7bb30d4565ec3b113255e62fe0d6cc6

6

Natural-ventilation-and-corner-workspace-add-to-the-charm-of-the-loft-bedroom

7

758983f7796d8d9eae18f822fdc8e098

8

07043256bc6d71c27f817706c9fae86e

9

b1138c4d37ece7521dee2be8bf4d38e5

10

Ég veit alveg hvaða herbergi yrði fyrir valinu hjá mér, þó mér þyki þau öll vera mjög falleg. Einn daginn verð ég svona myndarleg og bý um rúmið á hverjum morgni með nokkrum skrautpúðum ásamt rúmteppi, mér finnst alltaf hálf merkilegt þeir sem nenna því alla daga en ætli það snúist ekki einfaldlega um að venja sig á að búa alltaf um rúmið. Eitthvað segir mér þó að helmingur þeirra sem þarna búa gerðu það aðeins fyrir myndartökuna:)

Screen-Shot-2015-04-23-at-22.38.42111

FALLEGASTA BAÐHERBERGI ÍSLANDS?

BaðherbergiÍslensk hönnun

Ég á til með að deila með ykkur þessum myndum af fallegasta baðherbergi sem ég hef nokkurn tímann séð. Á þessu heimili býr innanhússarkitektinn Katrín Ísfeld og að sjálfsögðu hannaði hún baðherbergið sitt sjálf og er útkoman stórglæsileg! Notkun á litum í rýminu er nokkuð óvenjuleg og jafnvel loftið er málað í bleikum lit sem smellpassar við litapallettuna sem samanstendur af bleikum, bláum, gráum og grænum litatónum. Myndirnar tók ljósmyndarinn Rakel Ósk Sigurðardóttir en hún er algjör snillingur í sínu fagi. Ég get horft á þessar myndir aftur og aftur og er sannfærð um að hér sé mætt eitt fallegasta baðherbergi á Íslandi.

12743802_1283071928373429_7302854916499070627_n

Litapallettan einkennist af mjúkum og notalegum litum.

12745741_1283071921706763_8301819837149587180_n 12670927_1283071918373430_6035816484733928992_n 12743560_1283072038373418_7992553075891002684_n

 Myndir: Rakel Ósk Sigurðardóttir 

 Myndirnar sá ég fyrst á facebook síðu Stúdíó Ísfeld – Innanhússarkitekt, en þar er hægt að fylgjast með Katrínu Ísfeld og hennar verkum, mæli með því fyrir hönnunaráhugasama!

Screen-Shot-2015-04-23-at-22.38.42111

DIY: MARGNOTA VÍRAKÖRFUR

BaðherbergiDIY

Mikið ofsalega er ég hrifin af þessari notkun á víragrind, en hér hefur hún verið hengd upp á vegg og er því notuð sem smáhlutahilla. Þetta er sérstaklega sniðugt á baðherbergjum þar sem ekki er hægt að bora í flísarnar og því er hægt að bora þar sem flísarnar enda og hengja band með krókum í grindina. Þetta baðherbergi er svo auðvitað einstaklega smekklegt og mikið hljóta plönturnar að lifa góðu lífi í rakanum sem kemur þegar við förum í bað. Ég á svona víragrind reyndar í kopar og ég hef ekki fundið nógu gott hlutverk fyrir hana því ekki er hægt að geyma ávexti í svona grindum sem var upphaflega hugmyndin mín, það er því ágætis hugmynd að skella henni upp á vegg.

bad_bord_bakke_spejl_planteophaeng_-juila_froeken_overspringshandling--ZC0zkcllVptoPqfh6oeAQbadevaerelse_planter_ophaeng_pilea_fingerfilodendon_-juila_froeken_overspringshandling-oyKZu5diQBa1iPH6fKGruw

Plönturnar lífga baðherbergið heldur betur við.

bad_haandvask_spejl_kvist_planter_-juila_froeken_overspringshandling-rF-nRf6yCxe1cBj2-v-r4Q

Flip mirror frá Normann Copenhagen er tilvalinn á baðherbergið og fallegt að geyma á bakkanum uppáhalds snyrtivörurnar eða skart.

bad_haengende_spejl_lampe_i_vinduet_kvist_badevaerelse_-juila_froeken_overspringshandling-3qa3m2nD4jrXr0krTrPw3A

Góð hugmynd að hengja spegilinn á gluggann og mikið sem það hlýtur að vera góð birta þar til að mála sig á daginn!

bad_spejl_haandvask_vindue_badevaerelse_planter_-juila_froeken_overspringshandling-ZMfLDRffos46hIfddmIzig bad_tilbehoer_skraavaeg_-juila_froeken_overspringshandling-O5S30ThmR6XqIIE5Deq3wQ

 Myndir via Bolig Magasinet

Ferlega smart ekki satt? Það er vel hægt að yfirfæra þessar hugmyndir yfir á baðherbergin okkar, ég hef t.d. aldrei hugsað út í það að hafa plöntu inni á mínu það er nefnilega þannig að baðherbergið fær alltaf að vera smá “afgangs” þó svo að það þurfi ekki að kosta mikið að gera það örlítið huggulegra.

Screen-Shot-2015-04-23-at-22.38.4211

FALLEGASTA BAÐHERBERGI ÁRSINS

BaðherbergiHönnun

Sænska hönnunartímaritið Elle Decoration veitti í byrjun mánaðarins hönnunarverðlaun ársins í ýmsum flokkum eins og hönnuður ársins, ljós ársins en það sem vakti athygli mína var baðherbergi ársins. Þetta er jú ein óvenjulegasta baðherbergishönnun sem ég hef séð. Baðberbergið var hannað af Roger Persson fyrir Svedbergs og ber það heitið Front.

Årets_badrum

Einstaklega skemmtilega útfært baðherbergi, en augljóslega ekki fyrir alla. Þú þarft jú að kunna að meta það að raða og þurrka af reglulega:)

Ég væri alveg til í að fá að spreyta mig á að raða inní svona baðherbergi, það er eflaust bara nokkuð skemmtilegt. Ég sé samt fyrir mér að það gæti mjög fljótlega farið allt í drasl á svona hinu hefðbundna heimili og litlar hendur eflaust fljótar að týna allt út á gólf. Skemmtileg hönnun en ég leyfi mér að efast um praktíkina:)

Hvernig finnst ykkur þetta baðherbergi?

SÁPUSNOBB?

BaðherbergiÓskalistinn

Já í dag ætlum við að tala um sápur…

Undanfarið hef ég tekið eftir í vaxandi mæli notkun á sömu sáputegundinni og snyrtivörum þegar kemur að innlitum eða á fasteignamyndum (þessum sænsku), Aesop heitir merkið sem allir nema ég virðast eiga. Ég sem hef hingað til hoppað hæð mína þegar einhver færir mér ódýra sápu frá Bath & Body Works frá Ameríkunni eflaust uppfullar af efnum sem ég kæri mig ekki um að vita. Ég viðurkenni fúslega að ég er algjört fórnarlamb þegar kemur að svona markaðssetningu og núna dauðlangar mig til að prófa þessar vörur, ég hef þó ekki orðið vör við þetta merki hér heima á nokkurn hátt. Umbúðirnar eru það fyrsta sem grípur augað, klassískar og stílhreinar en fyrirtækið var stofnað árið 1987.

03edf39e97c46e64e2947ba52b306235 d39b95fdcf5f18465e9655d22b97b779 5e76cc729bd4b12745bb28a981a56f15

1b13edeea9d71ff0ce7c8bd33e12aa66009c1d4adab89a2f5341f9ac7f272adf 1d60564fcb1d730d6951e9c6e8801527 28b54cb9059f62a18be528eecec21baf cfd46dca2532eeca7679d9f7fe8d961a0a193e2b2411164a9d84702a9509a6f8

Ef einhver ykkar hefur reynslu af þessum vörum má sá hinn sami endilega upplýsa mig:)