Klassískt lasagna er alltaf gott og þessi uppskrift sem ég útbjó í samstarfi við Innnes klikkar ekki. Mér finnst best að útbúa alfredo sósu til að setja á milli og ricotta ost. Það þarf að hafa aðeins meira fyrir því að útbúa sósuna sjálfur en vá hvað lasagnað verður extra bragðgott. Svo einfalt og alveg þess virði. Börnin mín elska þetta lasagna og borða alltaf mjög vel þegar það er á boðstólum. Fullkomið á köldum haustdegi með góðu rauðvíni.
600 g nautahakk
400 g tómatar í dós, hakkaðir
3 msk tómat púrra
1 laukur
3 hvítlauksrif
1 tsk salt
1/4 tsk pipar
1/4 tsk cayenne
1-2 msk nautakraftur
2 msk smátt söxuð steinselja
Lasagna plötur frá De Cecco
1 1/2 dl ricotta ostur
1 fersk mozzarella kúla
1 dl rifinn parmesan ostur
Alfredo sósa:
1 1/2 dl mjólk
1 1/2 dl rjómi
1 1/2 dl rifinn parmesan
1/2 tsk laukduft
1/2 tsk múskat
Salt og pipar eftir smekk
Aðferð
- Byrjið á því að smátt skera laukinn. Steikið laukinn upp úr ólífuolíu við vægan hita. Þegar hann er mjúkur þá bætið þið við nautahakkinu og pressið hvítlauksrifin út í og kryddið.
- Þegar nautahakkið er fulleldað þá bætið þið við niðursoðnu tómötunum og passata. Hrærið vel saman og leyfið þessu að malla í 20-30 mínútur. Má vera lengur.
- Á meðan nautahakkið mallar er gott að útbúa alfredo sósuna. Bræðið smjör í potti við vægan hita og bætið hvítlauknum saman við. Kryddið með laukkryddi, bætið hveitinu saman við og hrærið þar til blandan þykknar.
- Hrærið rjómanum og mjólkinni saman við og látið malla þar til blandan hefur aðeins þykknað. Blandið parmesan ostinum saman við í lokin.
- Smyrjið eldfast mót með ólífuolíu og setjið til skiptis lasagnaplötur (mér finnst gott að bleyta lasagna plöturnar áður), ricotta ost, sósuna og nautahakkið. Þið ættuð að ná fjórum lögum ef þið notið álíka stórt mót og ég. Drefið svo parmesan osti yfir og rífið mozzarella kúluna yfir lasagnað.
- Bakið í 27 mínútur við 190°C með blæstri og njótið.
VERÐI YKKUR AÐ GÓÐU & NJÓTIÐ! ♥
// HILDUR RUT
INSTAGRAM: @hildurrutingimars
Skrifa Innlegg