TÍSKUVIKAN // CPHFW

February 04, 2019

AndreA FERÐALÖG Tíska

Tískuvikan í Kaupmannahöfn var köld að þessu sinni en ótrúlega litrík & skemmtileg.

Tískuvikan er haldin tvisvar sinnum á ári í janúar og ágúst. Ég fer þangað til að kaupa inn fyrir búðina, hitta merki sem við erum með og finna ný. Eins erum við vinkonurnar duglegar að fara á allskonar viðburði og sýningar. Þetta eru vel pakkaðir 3 dagar og í rauninni magnað hvað maður nær að gera mikið á stuttum tíma.

Í þetta skiptið gistum við á geggjuðu hóteli þar sem við mynduðum líka nýjustu línuna fyrir AndreA. Ég hlakka til að sýna ykkur meira af því, eins mun ég gera sér bloggpóst um hótelið sjálft þar sem margir voru áhugasamir um það á instagram. En með “við” á ég við mig, Aldísi Páls ljósmyndara og Elísabetu Gunnars sem þið þekkið öll hér á Trendnet.

Eitt af því skemmtilegasta er að sjá mannlífið og götutískuna, þvílíkt samansafn af vel klæddu fólki.
Köflótt var mjög áberandi, grófir strigaskór, stígvél, allir litir en sérstaklega mikið camel og hvítt. Munstur ofan á munstur ofan á munstur, öllu blandað saman (mjög skemmtilegt) . “Over sized” jakkar/frakkar og kápur. Hárspennur & perluspennur voru mjög áberandi, greinilega mikið trend.

Margir íslendingar eru í Kaupmannahöfn á tískuvikunni, innkaupafólk, bloggarar og bara fólk úr öllum áttum í tískubransanum.
Eins mátti sjá smá íslenskt á tískupöllunum hjá GANNI x 66 NORTH sem gleður alltaf litla íslenska hjartað en áhugasamir geta lesið meira um það samstarf HÉR.

Ég tók hér saman myndir af götutískunni og þykir sérstaklega gaman að sjá hvað hér er að finna marga Íslendinga.

Myndir: ALDÍS PÁLS …