fbpx

Hildur Rut

FYLLTAR KRÖNSÍ KJÚKLINGABRINGUR MEÐ CHILI OG SÍTRÓNU

AÐALRÉTTIRSAMSTARFUPPSKRIFTIR

Gómsæt og haustleg uppskrift sem ég gerði í samstarfi við Innnes. Fylltar kjúklingabringur með rjómaosti, chili og sítrónu bornar fram með kartöflubátum og hvítlaukssósu. Það passar líka sérlega vel að bera þær fram með góðu salati. Ég elska fylltar kjúklingabringur! Þær verða eitthvað svo extra djúsí og góðar. Ég notaði svo Linsubauna snakk með chili og sítrónu frá Eat real til að fá kröns utan um kjúklinginn og vá hvað það passaði vel. Ég þurfti samt að passa mig á að klára ekki snakkið áður en ég lauk við að elda, hættulega gott ;)

Uppskrift fyrir 3
3 kjúklingabringur
6 dl Eat real lentil chips chili & lemon
1 egg
1 dl spelt
Salt & pipar
Pam sprey

Fylling
½ Philadelphia rjómaostur
1 msk safi úr sítrónu
1-2 msk steinselja
Hvítlauksrif
Salt og pipar

Kartöflur
10 kartöflur
½ dl ólífuolía
1-2 msk ferskt timian (má vera þurrkað)
1-2 msk fersk steinselja
Salt & pipar

Sósa
1 dl Heinz majónes
1 dl sýrður rjómi
½ tsk hunang
Lítið hvítlauksrif, pressað
1 msk fersk steinselja, smátt söxuð
2 msk rifinn parmigiano reggiano

Aðferð

  1. Byrjið á því að útbúa fyllinguna. Hrærið saman rjómaost, sítrónusafa, steinselju, hvítlauksrif, salt og pipar.
  2. Dreifið sakkinu á disk, speltinu á annan disk og pískið eggið í skál.
  3. Snyrtið kjúklingabringurnar og skerið gat í miðjuna á þeim þannig að úr verði vasi.
  4. Fyllið bringurnar með rjómaostafyllingunni (gott að nota skeið).
  5. Setjið snakkið í poka og rúllið yfir með kökukefli svo það verði að mulningi.
  6. Veltið bringunum varlega upp úr speltinu (passið að fyllingin leki ekki út), egginu og síðan snakkinu.
  7. Spreyið kjúklinginn með Pam spreyi og bakið í ca 40 mínútur við 190°C í eldföstu formi þöktu bökunarpappír
  8. Skerið kartöflurnar í báta og veltið þeim upp úr ólífuolíu og kryddinu. Bakið í 30-40 mínútur við 190°C. Veltið þeim reglulega.
  9. Á meðan kjúklingurinn og kartöflurnar eru í ofninum að bakast er kjörið að útbúa sósuna! Blandið öllu hráefninu saman með skeið.
  10. Mjög gott að bera réttinn fram með fersku salati.

Mér finnst alltaf gaman að heyra frá ykkur ef að þið prófið! ;)

VERÐI YKKUR AÐ GÓÐU!

// HILDUR RUT

INSTAGRAM: @hildurrutingimars

DÁSAMLEG OSTAFRITTATA

Skrifa Innlegg