Hawaii í hnotskurn

Lífið

ALOHA

xx

Einsog ég hef skrifað um áður þá fór ég til Hawaii um páskana með fjölskyldunni. Ég hef ferðast víða en þessi staður er einn sá fallegasti og yndislegasti sem ég hef komið til en við vorum að fara til Hawaii í fyrsta skipti og varð eyjan Maui fyrir valinu eftir mikið google. Við vorum á hóteli á Wailea svæðinu á Maui en það er veðursælli hluti eyjunnar. Ég mæli klárlega með Maui ef þið eruð á leið í framandi frí – þangað mun ég fara aftur!

Mig langaði að deila með ykkur myndum úr fríinu, bæði af snapchat, myndavélinni og instagram sem sýnir smá hnotskurn af Hawaii.

xx

Birgitta Líf
instagram & snapchat: birgittalif 

Laugar Spa kampavínsbröns

Laugar SpaLífiðSnyrtivörurÚtlit

Í gær héldum við kampavínsbröns til að fagna því að tvær nýjar vörur voru að bætast við Laugar Spa snyrtivörulínuna, FACE BODY HOME. Nýju vörurnar eru báðar í BODY flokknum en það eru Body Mist og Shower Oil sem við mamma erum svo stoltar af og eru loksins komnar í sölu eftir rúmlega ár hjá okkur í þróun. Vörurnar koma báðar í tveimur ilmum; seiðandi sweet amber/patchouli og frískandi lemongrass/verbena.

BODY Shower Oil:

  • Sturtuolía sem gefur húð þinni næringu, vellíðan og ljóma.
  • 50% af blöndunni inniheldur næringarríkar olíur.
  • Fullkomin blanda sem þurrkar ekki yfirborð húðar og stuðlar að jafnvægi PH stigs.
  • Varan er lífræn með viðbættri náttúrulegri blöndu. Að mestu unnin úr lífrænu grænmeti, ávöxtum og jurtum.
  • Inniheldur engin aukaefni og er án: parabena, litarefna, bindiefna, bensíns og allra jarðolía, gervi-ilmefna, allra pega.
  • Varan er ekki prófuð á dýrum.

BODY Mist:

  • Milt Body Mist.
  • Ilmur sem hentar öllum aldurshópum og báðum kynjum.
  • Frábært að nota á eftir líkamslínunni til þess að ýkja ilminn.
  • Hægt að nota sem herbergisilm fyrir andrúmsloftið.
  • Varan er lífræn með viðbættri náttúrulegri blöndu. Að mestu unnin úr lífrænu grænmeti, ávöxtum og jurtum.
  • Inniheldur engin aukaefni og er án: parabena og litarefna.
  • Varan er ekki prófuð á dýrum.

 

 DJ Dóra Júlía hélt uppi stemningunni og í boði voru veitingar og djúsar frá Joe & the JuiceMoët kampavín, makkarónur og fleira góðgæti. Partývörur  hjálpuðu okkur að skreyta salinn með gullfallegum blöðrum, fánum og borðskrauti sem settu punktinn yfir i-ið. Allir gestir fengu svo að útbúa sinn eigin gjafapoka með því að velja sér ilm af nýju vörunum auk vöru að eigin vali úr línunni sjálfri.

Viðburðurinn heppnaðist ótrúlega vel og áttum við yndislega stund í góðum hópi – takk fyrir komuna! x

xx

Birgitta Líf
instagram & snapchat: birgittalif

Maui Motivation

ÆfingarLífiðNike

Ég var að renna í gegnum myndirnar í tölvunni minni þegar ég rakst á þessar æfingamyndir frá Hawaii – en ég eyddi s.l. páskum á eyjunni Maui á Hawaii. Það var virkilega hvetjandi að mæta á æfingar á morgnana í þessu dásamlega umhverfi en ræktin á hótelinu var hálfpartinn inni og hálfpartinn úti sem var virkilega skemmtilegt concept. Ég smellti nokkrum myndum af æfingu einn morguninn en það er vel hægt að taka fjölbreytta og góða æfingu með dýnu, Bosu bolta og TRX bönd að vopni.

Ég ferðaðist svo að sjálfsögðu með Nocco með mér til að koma mér enn frekar af stað á morgunæfingarnar!

xx

xx

Birgitta Líf
instagram & snapchat: birgittalif

Birgitta Líf: Update

Lífið

Góða kvöldið! Það eru komnar tæpar tvær vikur frá því þið heyrðuð síðast frá mér hérna inná og finnst mér ég því skulda smá update xx

Ef þið eruð að fylgja mér á samfélagsmiðlum hafið þið eflaust tekið eftir því að síðustu vikur hafa verið mjög busy hjá mér sem skýrir bloggleysið. Lokakvöld Ungfrú Ísland fór fram í Hörpunni síðastliðið laugardagskvöld og gekk allt ótrúlega vel. Sem framkvæmdarstjóri voru síðustu dagar fyrir lokakvöldið langir og strangir í að klára allan undirbúning og skilaði það sér með frábæru showi um helgina. Ég var einnig að fljúga samhliða þessu og tók litla bróðir minn m.a. með í stopp til New York sem var virkilega notalegt, meira frá því seinna. Strax á mánudaginn byrjaði ég að vinna við nýtt verkefni en það er kvikmyndin Fullir Vasar (http://www.mbl.is/folk/frettir/2017/08/24/snapchat_stjornur_a_hvita_tjaldinu/) þar sem ég er production manager. Ég er dugleg að grípa tækifærin sem berast mér og fannst þetta virkilega spennandi og skemmtilegt verkefni og hlakka mikið til að segja ykkur betur frá því. Á mánudaginn fór ég líka og hitti leiðbeinandann minn í mastersverkefninu mínu og fer veturinn því auk annarra verkefna í að klára eitt stykki meistararitgerð í alþjóðaviðskiptum.

Ég ætla að leyfa nokkrum myndum af snapchat og instagram frá síðustu vikum að fylgja með!

Eins og þið sjáið er í nógu að snúast hjá mér og margt skemmtilegt og spennandi á döfinni. Í allri þessari törn missti ég hundinn minn hann Tímon, ástarengilinn minn. Hann var á þrettánda ári og orðinn gamall og veikur. Það var svo ótrúlega dýrmætt að fá að kveðja hann og var kveðjustundin eins yndisleg og hún var erfið ♡

Ég er með fullt af skemmtilegum færslum í vinnslu og hlakka til að deila meiru með ykkur. Þangað til næst,

xx

Birgitta Líf
instagram & snapchat: birgittalif

Ungfrú Ísland 2017

LífiðÚtlit

Lokakvöld Ungfrú Ísland 2017 fer fram með glæsilegasta móti laugardagskvöldið 26. ágúst. Nú eru minna en tvær vikur í viðburðinn og því í nógu að snúast hjá mér fyrir lokakvöldið. Það eru æfingar á fullu fyrir showið og allt að smella – en á kvöldinu verða tískusýningar frá Nike og Another Creation (Ýr Þrastardóttir) og fram koma DJ Dóra Júlía, Herra Hnetusmjör og Chase. Undirbúningsferlið hefur gengið alveg ótrúlega vel og það er ekkert smá skemmtilegt að vinna með svona mörgum efnilegum ungum stelpum og sjá þær blómstra í gegnum ferlið!

xx

Á dögunum birtist viðtal við mig á Vísi um Ungfrú Ísland í ár og langaði mig að deila nokkrum punktum úr því með ykkur – en viðtalið má lesa í heild hér.

„Okkar fókus hefur verið að fylgja formi Miss World og tókum við út fyrsta, annað og þriðja sætið og nú eru fimm mismunandi titlar í boði sem allir eru sömuleiðis í Miss World. Titlarnir eru Ungfrú Ísland, Íþróttastúlkan, Hæfileikastúlkan, Vinsælasta stúlkan og Fyrirsætustúlkan. Einnig bættum við góðgerðarstörfum inn í ferlið og höfum tekið út bikiníatriðið, þar sem engin sundfatasýning er í Miss World og fannst okkur sá þáttur orðinn barn síns tíma. Í staðinn verður íþróttafatasýning frá Nike.“

Birgitta Líf segir að í dag snúist keppnin Ungfrú Ísland um að velja verðugan fulltrúa til þess að keppa fyrir Íslands hönd í keppninni Miss World sem fer fram síðar á þessu ári í Kína. Íslensk stúlka hefur þrisvar náð sér í þann titil frá því fyrsta Ungfrú Ísland var krýnd árið 1950 en þær Hólmfríður Karlsdóttir, Linda Pétursdóttir og Unnur Birna Vilhjálmsdóttir voru allar krýndar Ungfrú Heimur þegar þær tóku þátt.

Skipuleggjendur keppninnar segja að andleg líðan keppanda skipti miklu máli og unnið sé í því að styrkja sjálfstraust keppenda.

„Stelpurnar byrjuðu undirbúningsferlið á að fara á Dale Carnegie námskeið en svo hefur hópur þátttakenda úr Ungfrú Ísland keppninni frá 2015 og 2016, ásamt stjórnendum Ungfrú Ísland, haldið vel utan um þær og veitt þeim góðan stuðning. Þær eru einnig duglegar að hvetja hvor aðrar áfram og vera til staðar. Svo erum við duglegar að fara í allskonar æfingar og leiki sem byggja upp gott sjálfstraust.  Að taka þátt í svona ferli, koma fram á sviði á lokakvöldinu og að leyfa alþjóð að kynnast sér styrkir sjálfstraustið helling,“ segir Birgitta. Henni finnst mestu máli skipta að keppendum líði vel með sjálfa sig, stígi stoltar og sáttar á svið og hafi gaman af því að taka þátt í „showinu.“


Þátttakendur taka meðal annars þátt í hópefli, námskeiðum, íþróttakeppni, hæfileikakeppni, myndatöku, förðunarnámskeiði og undirbúna sig fyrir tískusýningar.

Sjálf stefndi Birgitta á að taka þátt í þessari keppni á þessum tímapunkti en hætti við það eftir að foreldrar hennar, Björn Leifsson og Hafdís Jónsdóttir eigendur World Class, keyptu keppnina.

„Ég ólst svolítið upp viðloðandi þennan bransa og ætlaði alltaf að taka þátt. Ég vildi bíða þangað til ég yrði aðeins eldri en eftir að foreldrar mínir tóku við Ungfrú Ísland fannst mér ekki passa að taka þátt sjálf. Mér finnst hins vegar mjög gaman að vinna við keppnina og fylgjast með öllum þessum flottu stelpum blómstra og upplifa skemmtilega hluti með þeim.“

Ég vonast til að sjá ykkur sem flest í Hörpunni 26. ágúst n.k. Miðasala byrjar á harpa.is á morgun, fimmtudag, og verður viðburðinum einnig streymt Live á Facebooksíðu Ungfrú Ísland.

xx

Birgitta Líf
instagram & snapchat: birgittalif

#werunparis

ÆfingarLífiðNike

#werunparis

xx

Akkúrat þessa stundina er ég stödd í lest í Frakklandi á leið frá París til Lyon – en ég fékk nokkurra daga frí í fluginu og ákváðum við vinkonurnar að skella okkur til Frakklands.

Eins og ég hef skrifað um áður hér á blogginu er ég í þjálfun hjá Mark Johnson í World Class og eftir að ég byrjaði hjá honum í vetur hef ég verið að prófa mig meira áfram í lyftingum og tæknilegri æfingum en ég var vön. Mark er í sumarfríi núna í ágúst og hann vildi að ég myndi breyta æfingarútínunni á meðan – bæði til að staðna ekki og hvíla aðeins líkamann á lóðunum. Hann setti upp hlaupaprógram fyrir okkur vinkonurnar sem æfum hjá honum og hef ég því verið að hlaupa aðeins undanfarið og ætla að halda því áfram út ágúst. Mér finnst mjög gaman að breyta til en ég finn líka að ég er strax orðin spennt að byrja aftur í þjálfun hjá honum og bæta mig í þeim æfingum. Ég talaði við Mark um að fá að deila hlaupaplaninu með ykkur og kemur það hingað inn á næstu dögum, fylgist með!

Ég skellti mér í Nike hér í París og keypti mér nýja hlaupaskó – Nike Zoom Pegasus (meira um þá síðar) – og við vinkonurnar tókum létt hlaup um borgina sem endaði í garðinum hjá Eiffel Turninum. Virkilega fallegt hlaupaumhverfið þann morguninn!

Ég leyfi nokkrum myndum frá æfingunni að fylgja hér með en deili svo fleiri myndum með ykkur þegar ég kem heim – en ég er búin að vera dugleg að taka myndir bæði á snapchat og instagram.

xx

Birgitta Líf
instagram & snapchat: birgittalif

Útiæfing: Myndband

ÆfingarHeilsaLífiðNike

Nú er ein stærsta ferðamannahelgi ársins framundan og margir sem leggja leið sína í sumarbústað, útilegu, á útihátíðir o.s.frv. Jafnvel þeir sem ætla að vera heima yfir helgina geta notið þess að vera úti þar sem það spáir mildu og góðu veðri um allt land um helgina! Notalegt x

Ferðalög og frí þýðir ekki endilega að ekki sé hægt að taka æfingu heldur er um að gera að nýta náttúruna og það umhverfi sem við erum í til að æfa úti. Það þarf ekki alltaf tæki og tól til að æfa og finnst mér mjög skemmtilegt að breyta til.

Ég er stödd í Colorado og var mætt upp í Red Rocks, sem er frægt náttúrulegt útitónleikasvæði hér í Denver, klukkan sex í morgun til þess að ná sólarupprásinni. Útsýnið uppi í Red Rocks er stórfenglegt og hef ég nokkrum sinnum farið þangað á æfingu. Á morgnana og yfir daginn er fullt af fólki mætt upp í Klettafjöllin og nýtir tröppurnar þar til þess að taka öðruvísi æfingu. Colorado er mjög hátt uppi og að æfa uppi í Red Rocks tekur mun meira á en að æfa annarsstaðar – enda um 20% minna súrefni í andrúmsloftinu heldur en annarsstaðar vegna hæðarinnar! Ef þið eigið leið til Denver mæli ég með að gera sér ferð upp í Red Rocks, hvort sem það er til þess að æfa eða bara njóta útsýnisins.

xx

Ég setti saman æfingu þar sem engin tæki, tól eða annað þarf til og tók hana upp. Æfinguna er hægt að gera hvar sem er og hvenær sem er, bara að nota hugmyndaflugið ef það er brekka, tröppur, bekkur, steinn eða hvað sem er sem hægt er að nota að auki.

Æfingin byrjar á upphitun og svo gerði ég nokkrar fjölbreyttar æfingar fyrir allan líkamann. Ég mæli með að endurtaka hverja æfingu 10-20x, aðlaga æfingarnar að eigin getu og gera æfingahringinn 2-3x í gegn.

Upphitun:

3 km hlaup

Brekku/tröppusprettur

Æfing:

Framstig

Froskahopp

Dýfur

Armbeygjur; víðar og þröngar

Ganga niður í plankastöðu; miðja, hægri og vinstri hlið

Fótatillur

Kviðkreppur

Toe Touches

Creepdowns

Hnébeygjur

Pistols

Ég hljóp í Nike Zoom Vomero hlaupaskóm og skipti svo yfir í Nike Zoom Strong æfingaskó.

Ég hvet ykkur til að taka létta og skemmtilega æfingu um helgina, hvort sem er uppi í bústað, í ræktinni eða á Þjóðhátíð – manni líður alltaf svo vel af því að fá púlsinn upp og svitna smá.

Það er skemmtilegt verkefni framundan hjá mér í Eyjum um helgina sem ég hlakka til að sýna ykkur frá. Ég vona að þið eigið góða helgi og gangið hægt um gleðinnar dyr!

xx

Birgitta Líf

instagram & snapchat: birgittalif

My motivation

Lífið


Mánudagur – ný vika – ný markmið!

Er ekki tilvalið að byrja þessa viku á smá hvatningu?

Þessa mynd er ég með framaná símanum mínum og hvetur hún mig áfram alla daga. Þetta er ekki flókið, you can, en gerir mikið. Ástæðan fyrir því að ég vel þessa mynd til að hvetja mig áfram í hvert skipti sem ég kíki á símann er sú að þetta á við um hvað sem er, hvenær sem er. Það er alveg sama hvort ég sé á erfiðri æfingu, að læra undir próf eða bara að koma mér út í daginn –  þessi tvö orð minna mig alltaf á að ég get allt það sem ég ætla mér.

Ég er dugleg að safna saman motivation myndum í albúm í símanum þar sem ég get alltaf flett í gegn þegar mig vantar smá pepp, hvort sem það er fyrir æfingar eða bara almennt í lífinu! Við erum öll mannleg og eigum okkar góðu og slæmu daga en það þarf oft ekki nema smá hugarfarsbreytingu eða hvatningu til að breyta þeim slæmu í góða xx

Ég reyni alltaf að vera jákvæð og sjá það góða í hvaða aðstæðum sem er. Þessi quote eru öll misjöfn og eiga bæði við um andlega- og líkamlega heilsu, enda helst þetta allt saman í hendur. Hugurinn hefur svo mikil áhrif á okkur og því er nauðsynlegt að hafa hann á réttum stað til að ná árangri í því sem við tökum okkur fyrir hendur.

Við erum auðvitað öll ólík en þessi quote hér að neðan held ég að allir geti tekið til sín og aðlagað að sínum verkefnum og markmiðum – hvort sem er í æfingum, skóla, vinnu eða öðru. Ég deili hér með ykkur mínum uppáhalds motivation myndum og vona að þið getið leitað aftur hingað hvenær sem þið þurfið á hvatningu að halda.

Ég vona að þið eigið yndislegan mánudag!

xx

Birgitta Líf

instagram&snapchat: birgittalif

Nike MayFly

LífiðNikeTíska

#Sneakerball_RVK var haldið í Gamla Bíó í gær þar sem aðeins ein regla var fyrir inngöngu: Nike skór

Ég kom við í H Verslun fyrir helgi þar sem mig langaði í nýja sneakers fyrir kvöldið. Ég á nokkra Nike street skó og verða þeir oftar en ekki fyrir valinu dagsdaglega enda eru þægindin gríðarleg – svona fyrir utan það að þeir eru allir svo flottir ;)

Ég var búin að hafa augun á Nike MayFly Woven sem eru nýlega komnir í H Verslun en þeir hafa verið áberandi undanfarið á instagram og tískubloggum. MayFly voru hannaðir með það í huga að endurgera maraþon skó sem mér finnst skemmtileg pæling. Þeir eru bara til í einum lit hér heima (eins og er a.m.k.) en mér finnst hann sjúklega flottur og valdi mér þessa týpu. Ég er mega ánægð með þá!

xx

Fjaðrajakki: keyptur í Kaupmannahöfn

Rúllukragi: Missguided

Leðurbuxur: Balmain x hm

Veski: Chanel Boy

Skór: Nike MayFly Woven

xx

xx

Birgitta Líf

instagram&snapchat: birgittalif

Sumardagur í Reykjadal

LífiðNike

Það er ekki nógu oft sem við fáum sólríkan sumardag hér á Íslandi en ég reyni að nýta vel þá fáu daga þegar færi gefst.

Ég kom heim frá Ameríku snemma á þriðjudagsmorguninn og sá hvað veðrið var gott. Ég ætlaði aldeilis ekki að eyða sólardeginum sofandi og lagði mig því bara til hádegis. Okkur vinkonunum hefur lengi langað að labba Reykjadal og baða okkur í ánni þar og tókum við okkur því til, gerðum nesti og keyrðum af stað til Hveragerðis.

Veðrið var dásamlegt og gönguleiðin virkilega falleg. Gangan var aðeins lengri en við áttum von á svo ég mæli með að vera í þægilegum skóm. Áin var líka mun heitari en ég hafði ímyndað mér, ábyggilega 40°+, svo það var ótrúlega notalegt að liggja í henni, borða nesti og drekka frískandi drykki, njóta umhverfisins og eiga notalega stund með vinkonunum. Það er ekkert símasamband þarna uppi sem mér finnst mikill kostur.

xx

Ég læt myndirnar tala sínu máli en þessi ganga er klárlega eitthvað sem ég á eftir að gera aftur!

xx

Birgitta Líf
instagram/snapchat: birgittalif