HÖFUÐSTÖÐVAR H&M

H&MLÍFIÐ

Hattur: Vintage
Skyrta: H&M
Buxur: Samsoe Samsoe
Skór: H&M

Eins og þið hafið fengið á sjá á samfélagsmiðlum þá er ég stödd í Stokkhólmi þessa dagana í pressuferð á vegum H&M, en það styttist í opnunina á Íslandi. Þið eruð mörg að fylgja mér á Instagram og fáið því að upplifa stöðuna í beinni útsendingu á story (eða á story hjá Trendnet) en dagskráin hefur verið svo þétt að ég hef ekki komist í það að birta bloggpóst fyrr en núna. Gærdagurinn var dásamlegur en við heimsóttum höfuðstöðvar H&M þar sem Ann-Sofie, áður yfirhönnuður og nú listrænn stjórnandi, hélt persónulegan fyrirlestur. Því næst fengum við að spjalla við forstjórann, Karl-Johan Persson. Fyrir mér er þessi upplifun frábær og ég er þakklát fyrir að fá að taka þátt í þesssari heimsókn. Ég hef fylgst með H&M vaxa og dafna síðustu árin og þekki vel sögu fyrirtækisins vegna áhuga míns á verslun, þjónustu og auðvitað tísku. Að fá að heyra og læra af fólki sem vinnur hér innanhúss er mér ómetanlegt.
Því miður voru strangar reglur um hvað mætti festa á filmu en ég nýtti hvert tækifæri sem bauðst.

Þegar H&M opnar á Íslandi þann 26.ágúst verður það 66. landið sem þau opna verslun í – ég hlakka til!

Hér eru nokkrar myndir sem ég fékk leyfi til að taka í höfuðstöðvunum.

//

This week began with a press trip to Stockholm because of the H&M opening in Iceland in the end of the month, very exciting. Those of you who follow me on Instagram have maybe noticed – I have been documenting the trip there. Yesterday was amazing, we visited the H&M headquarters where I met Ann-Sofie, the former head of design of H&M and now the creative advisor. She held a very personal and informing presentation and I also got to speak to Karl-Johan Persson, the CEO. For me, this experience was wonderful and I felt so honored to be a part of this visit. I have followed H&M’s journey for so many years as I have always had a special interest in their marketing procedures and products. Unfortunately there were strict rules about what I could and could not take pictures of but I tried to do my best. The H&M stores opening in Iceland on the 26th of august mark the 66th country H&M is in! Here are a few photos from yesterdays visit.

 

Íslenska pressan og forstjórinn Karl Johann –

H&M hefur sérhannað flíkur á sænska kongafólkið og frægar stjörnur –

Dásamlegt vintage herbergi sem veitur innblástur fyrir mig en líka hönnuði H&M –

Fallegu litir –

Ann-Sofie

Fyrsta verslun H&M var opnuð í Västerås árið 1947 –

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

Á EFSTU HÆÐ Í HJARTA STOKKHÓLMS

Heimili

Ég verð alltaf jafn glöð þegar mér tekst að finna innlit sem eru ólík þessum hefðbundnari, þar sem húsráðendum hefur tekist að skapa sinn persónulega stíl með fallegu litavali og vel völdum hlutum úr ólíkum áttum. Hér er einmitt þannig heimili, staðsett á efstu hæð í gömlu fjölbýlishúsi sem hefur verið gert upp þó með athygli fyrir arkitektúr og uppruna hússins sem er frá 1935. Ég veit vel að stundum hljóma ég eins og biluð plata, en veitið því athygli hvað gangurinn er fallegur málaður svona bleikur og alveg upp í loft, þó er ég viss um að flestir litir hefðu komið vel út þegar loftið fær að vera með.

Það sem gerir íbúðina helst ólíka öðrum eru allir dökku litirnir sem helst njóta sín í mottum, gardínum, gólfefnum og listaverkjum. Langt frá því að vera hefðbundin skandinavísk íbúð þrátt fyrir það að vera staðsett í hjarta Stokkhólms.

Ég er sérstaklega hrifin af þessari mynd og þá helst af uppstillingunni ofan á arninum þó svo að hann sjálfur sé einnig mjög fallegur. 

Vel vandað litaval þar sem litirnir draga fram það besta úr hinum.

Hlýlegt og notalegt barnaherbergi.

Myndir via Historiska Hem

Ég vil þakka ykkur fyrir ótrúlega jákvæð viðbrögð við færslunni sem ég birti á facebook síðu Svart á hvítu í gær og læt hana fljóta með hér líka.

“Ég las vel tímabæra færslu í kvöld frá bloggkollega mínum í Svíþjóð – Trendenser um það hversu fátítt það er orðið að lesendur skilji eftir spor á bloggsíðum sem þeim líkar við.

Að sitja við tölvuna alla daga ársins í leit að fallegu efni sem veitir innblástur til að deila með lesendum sem sækja til okkar innblástur – án nokkurs gjalds. En gjaldmiðillinn er í raun sá að fá að heyra í lesendum, að það sé skilið eftir spor, smellt á like hnappinn eða á hjartað sem er fyrir neðan hverja færslu.
Ég er með nokkur þúsund lesendur sem lesa SVART Á HVÍTU og ég reyni einnig mitt allra besta að svara hverjum og einum sem sendir mér póst í leit að ráðleggingum en fjöldinn sem smellir á like hnappinn er í engum takti við fjöldan sem les færslurnar mínar
Mér finnst ég því ekki biðja um mikið þegar ég segi ykkur hversu gaman mér finnst að heyra frá ykkur – í alvöru!”

VERSLAÐ ERLENDIS: LAGERHAUS

BúðirVerslaðVerslunarborgin

Ég var í heimsókn hjá Linneu í Petit þegar ég sá fína dagatalið sem hangir uppi í æðislegu versluninni hennar. Það er reyndar ekki til sölu hjá henni og fjölmargir sem spurja reglulega út í það, en hún sagði mér að það fengist í sænsku versluninni Lagerhaus. Þá mundi ég að þangað hef ég svo sannarlega komið og vá hvað þetta er æðisleg verslun og ódýr í þokkabót. Ég tók saman nokkrar flottar vörur frá Lagerhaus ef þið eigið leið til Svíþjóðar eða Noregs í sumar þá mæli ég með ferð í þessa verslun. Þarna er hægt að finna allskyns skrautmuni fyrir heimilið á oft alveg fáránlega góðu verði. Svo senda þeir til Danmörku fyrir áhugasama, en því miður ekki hingað heim.

 

Ekki slæmt úrval þarna, ég væri alveg til í að skella mér í helgarferð til Stokkhólms og fylla ferðatöskuna af fíneríi þaðan. Hver er til?:)

Hér má sjá staðsetningu Lagerhaus í Svíþjóð og Noregi.

-Svana