Á fimmtudaginn síðasta byrjaði ég daginn á góðri æfingu fyrir hádegi og hann endaði svo í ísbíltúr með vinkonum mínum – eins og svo oft áður. Þegar ég kom heim um kvöldið lá nýjasta tölublað MAN Magasín opið á eldhúsborðinu. Opnan innihélt viðtal sem bar fyrirsögnina:
Ísfíkill sem æfir allt að tvær klukkustundir á dag
Ég var búin að steingleyma að von væri á þessu viðtali við mig í júlítölublaðinu og fannst mjög fyndið að koma heim, eftir æfingu og ís, og sjá þetta. Fyrirsögnin á því mjög vel við! Ég æfi því mér finnst það bæði ótrúlega skemmtilegt og lætur mér líða vel en jafnvægi í bæði æfingum og mataræði er það sem heldur mér við efnið og er minn lykill að heilbrigðum lífsstíl.
Viðtalið er fastur liður í MAN Magasín þar sem spurt er út í heilsuvenjur ýmissa einstaklinga – hér eru mínar! (Smellið á myndirnar)
Mig langaði aðeins að segja ykkur frá RVKfit enda er það líklega ein helsta ástæða þess að ég er komin hingað á Trendnet að blogga. RVKfit er hópur sem samanstendur af sjö stelpum sem hafa mikinn áhuga á heilbrigðum lífsstíl og deila því á Snapchat undir nafninu RVKfit.
Þessar sjö stelpur eru ég og vinkonur mínar en í grunninn erum við bara vinkonuhópur sem elskum að hreyfa okkur, borða góðan mat og hafa gaman. Við höfum flestar þekkst í nokkur ár og tengjumst á mismunandi hátt innbyrðis en í rauninni kynntumst við sem hópur í World Class þar sem við vorum allar að vinna og æfa. Þetta þróaðist út í það að við vorum allar í þjálfun saman og vorum að spamma okkar eigin snöpp með æfingamyndböndum og út frá því kviknaði sú hugmynd að prófa að opna snapchat-aðgang þar sem við myndum skipta dögunum á milli okkar og sýna frá æfingum, mataræði, daglegu lífi og öðru skemmtilegu. RVKfit snappið var lítil hugmynd sem vatt uppá sig og í dag er þetta stór partur af lífi okkar allra og höfum við fengið fullt af skemmtilegum tækifærum út frá þessu – bæði sem hópur og einstaklingar.
Fylgjendahópurinn okkar stækkar með hverjum deginum og það er ekkert smá skemmtilegt að fá hrós og skilaboð sem hvetur okkur áfram að halda áfram með snappið og gera fleiri hluti út frá því. Það að heyra að við höfum hvetjandi áhrif á aðra er enn meiri hvatning fyrir okkur sjálfar á æfingum! Þrátt fyrir að hafa allar verið vanar að æfa flesta daga og huga að heilsunni held ég að ég tali fyrir hönd hópsins að áhuginn hefur bara aukist eftir að við byrjuðum með snappið og erum við duglegar að prófa okkur áfram og læra nýja hluti í ræktinni. Þrátt fyrir að rauði þráðurinn á snappinu sé heilbrigður lífstíll þá eru dagarnir okkar ólíkir enda erum við fjölbreyttur hópur af sjö stelpum með mismunandi líf og áhugamál. Ég held að fólk tengi við okkur allar á mismunandi hátt og það er akkúrat það sem gerir þetta fjölbreytt og skemmtilegt.
,,Heilbrigður lífsstíll er í okkar huga góð blanda af hollu matarræði ásamt reglulegum æfingum en við í RVKfit einblínum á jafnvægi bæði hvað varðar mat og æfingar. Það sem einkennir RVKfit er að hópurinn er fjölbreytt blanda af ósköp venjulegum stelpum sem lifa hvorki við öfgar í æfingum né mataræði. Hjá okkur skiptir jafnvægið höfuðmáli en heilbrigður lífsstíll er eitthvað sem þarf að geta viðhaldist ævilangt.”
Auk snappsins erum við með Facebooksíðu þar sem við reynum að vera duglegar að setja inn uppskriftir, æfingar og annað af snappinu þar sem það er aðgengilegt lengur en í 24 tíma.
Mig langar að kynna ykkur betur fyrir stelpunum og gera það að vikulegum lið í sumar hér á blogginu – en þangað til getið þið “kynnst” þeim og fylgst betur með okkur á snappinu. Það að eiga vinkonur sem hafa sama áhugamál er virkilega dýrmætt og einn skemmtilegasti tími dagsins er að mæta á æfingu þar sem félagsskapurinn eru bestu vinkonurnar!
Ég fékk Tinnu Rún Svansdóttur til að sýna okkur eina góða kviðæfingu. Tinna Rún stundar einkaþjálfaranám í ÍAK, en það er eitt ítarlegasta einkaþjálfaranám sem er í boði á Íslandi.
Þessi kviðæfing er mjög einföld en krefjandi. Æfingin er sýnd í þremur hreyfingum og frá þremur sjónarhornum.
-Standið í ca. 2-3m fjarlægð frá tækinu
-Hafið axlarbreidd milli fóta -Ekki læsa hnjám -Standið bein í baki -Hafið hæfilega þyngd sem þið ráðið við. Mikilvægt er að hafa ekki of þungt vegna baksins. -Verið viss um að halda góðri spennu í kvið til að missa ekki réttstöðu baksins. -Upphafsstaða æfingar er þegar þið haldið trissunni rétt fyrir neðan brjóst, munið að hafa axlir slakar. -Réttið hendur beint fram í axlarhæð, og munið að fara ekki fyrir ofan axlarhæð. -Hver endurtekning ætti að taka um 3 sekúndur, svo það er fínt að telja með. -Það er misjafnt hve margar endurtekningar henta fólki, en yfirleitt tek ég 3×12, 3×15 eða 3×20. -Gerið æfinguna fyrir báðar hliðar, því æfingin tekur vel í hliðarnar sem og kviðinn. -Einnig má sleppa því að draga trissuna að brjósti og halda henni frekar í beinni línu út frá öxlum, eins og sýnt er á mynd 3 í hverju holli. Þá er gott að halda kyrri stöðu í um 10-20 sekúndur. Það tekur líka verulega á.
… og svo verð ég að fá að deila nokkrum einstaklega áhugaverðum punktum frá Omega 3 ráðstefnunni sem ég fór á.
Niðurstaðan í sinni einföldustu mynd: taktu inn Omega 3… daglega, allt þitt líf og líka á meðgöngu.
–
Á næstunni fara svo að koma inn almennilegir heilsupóstar.. þeir eru bæði hvetjandi fyrir mig og vonandi ykkur. Hvernig lýst ykkur á það? Smellið endilega á hjartað ef ykkur þykir það skemmtilegt! Gott & gaman að sjá hvar áhuginn liggur.
Föstudagur… eða F L Ö S K U D A G U R eins og sumir vilja meina.
Sjálf verð ég róleg um helgina..
*Vinna *Spinning & lyftingar *Hitta vini *Kökuboð *Lesa nýju hlaupabókina “ÚT AÐ HLAUPA” *Fara á Lemon.. lífið er tómlegt án Spicy Chicken
En þessi færsla er tileinkuð öllum þeim sem kjósa að leggja sér alkóhól við munn um helgina sem og aðrar helgar. Það er víst ekki svo óalgeng ákvörðun Íslendinga þegar líða tekur að föstudags- og laugardagskvöldi.
Vinur minn mælti með þessum undra þynnkutöflum í sumar..
BLOWFISH
… what can I say? Þær þrææææælvirka.
Á skalanum 1-10 gef ég þessu 9,5. Ég gef þessu ekki 10 því maður finnur jú alltaf eilítið fyrir syndum gærdagsins, en BLOWFISH er þrusugott þynnkulyf..
… eins og svo oft áður er þetta keypt í USA & því augljóslega ekki hlaupið að því að næla sér í einn pakka… en þið vitið þá allavega af þessu undradóti & getið keypt ykkur í næstu USA-ferð, ef þið eigið leið þangað.
“Blowfish contains a powerful combination of aspirin and caffeine that takes care of your headache and wakes you up. The effervescent formula is gentle on your stomach, and the tablets dissolve into a lemon-flavored drink that helps you rehydrate. Most people say they feel better in about 15 minutes. Blowfish has come out as the top pick in every hangover remedy test we’ve been a part of.“
Sorry guys, ég á mjög erfitt með að skella inn speglamynd af sjálfri mér..
Ég fæ kjánahroll yfir sjálfri mér en ég fór ein í ræktina & gat ómögulega beðið einhvern annan í ræktinni um að taka mynd af mér, það hljómar enn verra en sjálfsmyndin. Haha.
Allavega, ég vígði Power in Pink bolinn í dag & það er hér með staðfest með þessum myndum.
Ég er semi að bilast á þessu lélega formi mínu – ég var svo mikill slugsi í sumar & er heldur betur að fá að finna fyrir því núna. Ég skal koma mér upp úr þessari endalausri leti & verð því að hætta að taka afa á þetta.
En bolurinn, er hann ekki fínn?
Haldið áfram að taka þátt í leiknum. Sjá má færsluna um hann hér.
Hey, hvað segiði um að taka þátt í þessari áskorun með mér?
Ég ætla að byrja, og ég byrja þá á morgun!
Sá þessa skemmtilegu áskorun hjá FB-vinkonu.
Ég er í svo arfaslöku formi, að mér lýst ekkert á blikuna. Um daginn rétt gat ég mínútu í venjulegum planka sbr. næstum 3 mínútur sem ég náði um jólin, og þá með ýmsum útfærslum.
ÁFRAM ÉG & ÞIÐ.
Þetta er án gríns, lang lang langbesta kviðæfingin sem við getum gert. Að mínu mati finnst mér þetta mánaðarplan mjög raunhæft, og því engin afsökun fyrir mig til að vera ekki með.
Þið eigið eftir að sjá nóg af póstum frá mér um NOW vörumerkið..
Ég er einstaklega hrifin af vörumerkinu.. og það eru svona 50 ástæður fyrir því. Ég er á hraðferð í ræktina svo skemmtilegar staðreyndir um fjölskyldufyrirtækið NOW fá að bíða betri tíma.
Best að drekka próteinið í flýti & fara út. Var samt að taka eftir því að það er örlítið gat á uppáhaldsræktarbuxunum mínum, á versta stað, afturendanum.. æi whatever, ég fer bara í þeim. Ég er nokkuð viss um að allir hinir í ræktinni séu með rasskinnar líka.
… hvernig finnst ykkur nýja undirskriftin mín? : – )
