fbpx

Hildur Rut

ENCHILADAS MEÐ OSTASÓSU OG AVÓKADÓ

AÐALRÉTTIRSAMSTARFUPPSKRIFTIR

Uppskrift að fljótlegum og ljúffengum enchiladas sem ég gerði í samstarfi við Innnes. Tortillur fylltar með nautahakki (eða vegan hakki), Philadelphia rjómaosti og blaðlauki, rúllaðar upp og bakaðar inn í ofni. Punkturinn yfir i-ið er að bera þetta fram með heimagerðri ostasósu, avokadó og sýrðum rjóma ásamt nachosflögum. Ég nota frábæru Mission tortillurnar í réttinn sem eru bæði stórar og bragðgóðar og henta því vel. Svo er stór plús að rétturinn er barnvænn,  svona réttir slá alltaf í gegn hjá börnunum  mínum. Ég elska að gera mat sem öllum finnst góður á heimilinu! Þetta er algjört lostæti og ég mæli með að gera þetta um helgina!

Fyrir 3
6 Mission tortillur með grillrönd
400-500 g nautahakk (eða vegan hakk)
1 lítil krukka salsasósa
Krydd (Cayenne pipar, cumin, laukduft, salt og pipar)
1 Philadelphia rjómaostur
4 msk blaðlaukur, smátt skorinn
2-3 msk sýrður rjómi
Chili explosion
2-3 tómatar, smátt skornir
Rifinn cheddar ostur
Rifinn gratín ostur eða annar rifinn ostur (má sleppa)
Ferskur kóríander (má sleppa)

Avókadóstappa
2 stór avókadó (eða meira eftir smekk)
Safi úr ½ lime
Salt og pipar

Ostasósa
2 msk smjör
1 msk hveiti
2 dl nýmjólk
5 dl rifinn cheddar ostur
Cayenne pipar
Smá salt

Aðferð

  1. Steikið hakkið á pönnu, kryddið með cayenne pipar, cumin, laukdufti, salti og pipar og hrærið salsasósunni saman við.
  2. Smyrjið tortillurnar með rjómaosti. Dreifið blaðlauknum yfir og því næst dreifið nautahakki yfir eftir smekk (mér finnst ekki gott að hafa of mikið).
  3. Rúllið upp tortillunum og raðið í eldfast form sem er smurt eða spreyið með Pam olíu.
  4. Smyrjið yfir þær sýrðum rjóma og kryddið með chili explosion. Dreifið tómötunum yfir og stráið rifnum osti yfir allt saman.
  5. Bakið í 15-17 mínútur við 190°C eða þar til osturinn er orðinn gylltur.
  6. Toppið enchiladas með ostasósunni, avókadóstöppunni og ferskur kóríander.

Avókadóstappa

  1. Stappið avókadó og keistið safa úr lime yfir. Saltið og piprið.

Ostasósa

  1. Bræðið smjörið í pott við vægan hita. Hrærið hveitinu saman við og blandið því næst mjólkinni út í.
  2. Hrærið þar til blandan hefur þykknað og bætið cheddar ostinum við. Hrærið þar til osturinn hefur bráðnað og kryddið eftir smekk.

Mér finnst alltaf gaman að heyra frá ykkur ef að þið prófið! :)

VERÐI YKKUR AÐ GÓÐU & GÓÐA HELGI!

// HILDUR RUT

INSTAGRAM: @hildurrutingimars

MORGUNMATURINN MINN: 4 HUGMYNDIR

Skrifa Innlegg