fbpx

Hildur Rut

DJÚSÍ OSTABRAUÐSTANGIR

FORRÉTTIR & LÉTTIR RÉTTIRUPPSKRIFTIR

Ef að þið viljið gera eitthvað djúsi og súper gott þá eru þessar ostabrauðstangir algjörlega málið! Mæli með að borða þær volgar og rífa parmesan ost yfir þær þegar þær eru nýkomnar úr ofninum. Tilvalið til að baka um helgina! ;)

Deig
2 dl mjólk
50 g smjör
1 pkn þurrger (12 g)
1/2 egg
1 tsk salt
1 tsk sykur
Spelt

Fylling
1 pkn Philadelphia rjómaostur með graslauk (180 g)
200 g rifinn mozzarella
Parmesan ostur
Salt & pipar

Skraut
Steinselja
Parmesan ostur
Cayenne pipar

Aðferð

  1. Bræðið smjör og blandið saman við mjólk. Blandan á að vera um 37°C. Bætið þá þurrgerinu við og hrærið.
  2. Þeytið egg og hellið helmingnum af egginu við gerblönduna. Bætið sykri og salti við.
  3. Að lokum bætið speltinu út í smátt og smátt þangað til að deigið verður mjúkt og smá blautt. Breiðið viskustykki yfir skálina með deiginu og látið hefast í kringum 30 mínútur.
  4. Þegar deigið hefur náð að hefast, bætið þá örlitlu spelti saman við og fletjið það út.
  5. Smyrjið rjómaostinum á deigið, dreifið mozzarella og rífið parmesan eftir smekk. Kryddið og skerið deigið í minni kassa (ég nota pizzahníf). Rúllið svo í ostastangirnar. Að því loknu, penslið þær með restinni af egginu.
  6. Rífið parmesan ost yfir, dreifið steinselju og kryddið með cayenne pipar ofan á stangirnir. Bakið við 200°C í 20 mínútur. Takið brauðstangirnar út og rífið meiri parmesan yfir þær.

VERÐI YKKUR AÐ GÓÐU & NJÓTIÐ HELGARINNAR! :)

// HILDUR RUT

INSTAGRAM: @hildurrutingimars

FLJÓTLEGUR BRÖNS: BLÁBERJAPÖNNUKÖKUR OG EGGJASALAT

Skrifa Innlegg