OUR BEDROOMS

HEIMAHEIMILIHUGMYNDIRINNBLÁSTUR

Ég tók smá tiltekt og breytingaræði á efri hæðinni í síðustu viku, á efri hæðinni eru sem sagt svefnherbergin okkar allra og baðherbergi en ég lét baðherbergið eiga sig að þessu sinni.

Ég sýndi frá breytingunum á Snapchat (hrefnadan).. ég er reyndar frekar óvirk inni á snappinu en tek svona rispur þar sem ég fer yfir eitt og annað hérna heima, sýni breytingar og sniðugar lausnir og hugmyndir. Snapchat nota ég aðallega tengt heimilinu okkar.. Insta stories (@hrefnadan) nota ég miklu meira og þar er ég að sýna allskonar!

En já ég var loksins að klára svefnherbergin okkar eða kannski ekki alveg klára..vegghillurnar eru ekki komnar upp og það má jú alltaf breyta aðeins og bæta..

Rúmfötin frá IHANNA HOME sem þær sendu okkur í innflutningsgjöf fara í þvottavélina og aftur á.. elska þau!

Þessi gluggi, þarna eru reyndar komnar léttar hvítar gardínur eins og eru inni hjá Viktoríu

Himnasæng frá IKEA kemur mega vel út í kósýhorninu hjá Söru

Táningaherbergið er frekar rómantískt og kósý

 

Svartur og hvítur í aðalhlutverki í öllum herbergjum með dass af plöntum og lituðum smáatriðum…

 

HDan

GREY ON GREY

HEIMAHEIMILIHUGMYNDIR

Þegar við vorum að framkvæma hérna á Heiðarbrautinni og málararnir voru að störfum inni í stofu sat ég á stofugólfinu og málaði hillur í sama lit og veggirnir. Ég (Palli var sammála) ákvað það mjög fljótlega í ferlinu að vera með hillur inni í stofu í sama lit og veggirnir. Mynd á Pinterestrúnti eitt kvöld af svörtum vegg með svörtum hillum á heillaði mig algjörlega upp úr skónum svo það kom ekki annað til greina en að gera eins.

Þegar hillurnar voru orðnar þurrar fóru þær í geymslu og “gleymdust” eiginlega þangað til í síðustu viku þegar þær fóru loksins upp og útkoman er mega fín. Ég raðaði á þær frekar persónulegum munum – ljósmyndir af okkur fjölskyldunni, listaverk eftir fjölskyldumeðlimi, listaverk eftir góðan vin, kertastjaki sem er í miklu uppáhaldi af antíkmarkaðnum (á Heiðarbrautinni!) og smá skraut.

Hillurnar heita RIBBA og eru frá IKEA, liturinn á veggjunum og hillunum heitir Nóvember og er frá Slippfélaginu.

HDan

INNLIT – MORGUNBLAÐIÐ

FJÖLMIÐLARHEIMAHEIMILI

Ljósmyndari frá Morgunblaðinu kom fyrir nokkru síðan og tók myndir hérna heima. Myndirnar birtust svo í sunnudags mogganum um helgina ásamt stuttu spjalli við mig um heimilið og fleira því tengt.

Hlutir fá nýtt líf í nýju rými

Akranesmærin Hrefna Daníelsdóttir hefur sterkar skoðanir á útliti heimilisins og finnst mikilvægt að breyta reglulega til. Hrefna bauð blaðamanni Morgunblaðsins inn fyrir dyrnar á fallegt heimili sitt og fjölskyldunnar á Skaganum. 

Hrefna Daníelsdóttir heldur úti lífsstílsbloggi á trendnet.is og starfar sem ritari á fasteignasölunni Hákoti á Akranesi. Hún er mikill fagurkeri og hefur sérlega fallegan og stílhreinan smekk. Sjálf lýsir hún stíl sínum sem frekar svart/hvítum en um leið blómlegum og hlýlegum. ,,Ég heillast mjög mikið af skandinavískum heimilum og heimilið okkar ber þess merki,” segir Hrefna.

,,Ég er haldin breytingaræði inni á heimilinu og færi reglulega hluti á nýja staði. En breytingunum fylgir það ekki að þurfa stöðugt að kaupa nýja, heldur færi ég þá hluti sem eru til fyrir á milli rýma, því það er ótrúlegt með þessa hluti að þeir öðlast oft nýtt líf í nýju rými. Ég er líka mjög dugleg að færa plönturnar til, bæði til að færa þær á milli birtustiga og líka til að fá græna litinn í rýmin.”

Litlu hlutirnir skipta mestu máli

Hrefna segir það gera ótrúlega mikið að færa smáhluti á milli rýma. ,,Ég mæli með því við fólk ef það vantar að breyta til og er orðið leitt á uppröðuninni inni á heimili sínu, að færa til hluti og þá ekkert endilega stóru hlutina, það eru nefnilega litlu hlutirnir sem skipta mestu máli.Það eru þeir sem skreyta rýmin og lífga upp á þau. Ein græn planta gerir líka kraftaverk, það finnst mér allavega.”

Hrefna segist fá innblástur úr sínu nærumhverfi, inni á heimilum sem hún heimsækir og úr tímaritum. ,,Instagram er líka frábær samfélagsmiðill til að sækja sér innblástur þegar kemur að heimilinu. Þið finnið mig þar @hrefnadan. ” Aðspurð hvort hún eigi sér einhvern uppáhaldsmun á heimilinu svarar Hrefna neitandi. ,, Ég tengist hlutum ekki tilfinningalegum böndum en ég elska að kúra með fjölskyldunni minni í sófanum okkar. Það er fátt betra en kósíkvöld í stóra, mjúka kósí sófanum okkar. Hins vegar er ég ekkert sérstaklega ánægð með sjónvarpið inni í stofu, væri alveg til í að hafa sjónvarpsherbergi það sem sá gripur yrði geymdur, en það bíður betri tíma,” segir Hrefna að lokum og hlær.

Fleiri myndir eru í sjálfu blaðinu, sem ég mæli með því að þið kíkið á.. reyndar ekki hægt að kaupa það lengur en þið finnið það HÉR.

HDan

JÁRNAMOTTA UPP Á VEGG

HEIMAHEIMILIHUGMYNDIR

Inni í eldhúsinu okkar hérna á Heiðarbrautinni hangir járnamotta á veggnum sem hefur hlotið mikla athygli bæði á Instagram og Snapchat hjá mér. Ég hef svarað ótal mörgum fyrirspurnum um hana og skildi engan undra. Hún skreytir rýmið og er ótrúlega sniðug lausn til að geyma á allskonar hluti. Á okkar hanga til dæmis ljósmyndir með skemmtilegum minningum, boðskort, fallegar kveðjur og margt fleira. Mottan er fyrir vikið einn af persónulegri hlutunum inn á heimilinu okkar.

En sagan á bak við mottuna er sú að þegar við bjuggum á Smáraflötinni langaði mig í eitthvað flott á einn vegg inni í herbergi hjá Viktoríu, minnistöflu eða einhvers konar hirslu til að geyma og hengja á hluti. Ég hafði einhvern tímann séð mynd af svona járnamottu inni á Pinterest og bar það undir Palla hvort hann gæti reddað mér svona. Minn maður var ekki lengi að því! Hann vinnur á trésmíðaverkstæði og átti því auðvelt með að nálgast slíka mottu, hann klippti hana svo til eftir málum frá mér og málaði hana svarta.

Ég hef bent áhugasömum á að tala við Byko, Bauhaus og Húsasmiðjuna því þar fást járnamottur og þau ættu að geta klippt þær til en þið þyrftuð sjálf að mála þær. Mæli með því að þið athugið með það eða ef þið þekkið til einhvers sem vinnur með járnamottur..blikkið þá viðkomandi og brosið blítt!!

Svona leit hún út þegar hún var inni í herbergi hjá Viktoríu

Hérna erum við nýflutt inn og mottan komin upp á vegginn í eldhúsinu en lítið komið á hana..

Svona lítur járnamottan út í dag

Ég nota klemmur til að hengja á mottuna og þær hef ég keypt í Tiger, Snúrunni og Søstrene Grene.

 

HDan

RÚM INNI Í SKÁP!

HEIMAHEIMILIHUGMYNDIR

Þegar við keyptum húsið hérna á Heiðarbrautinni þá vorum við jú að stækka við okkur, allir fengu sitt herbergi og fermetrarnir voru aðeins fleiri! Hérna í húsinu eru fjögur svefnherbergi og stelpurnar fengu því allar sitt eigið herbergi. Eitt herbergið er þó töluvert minna en hin, en Sara tók strax ákvörðun um að vera þar. Hún vildi ekki vera í herbergi með glugga út á götu og hún var ekki hrifin af því að vera undir súð sem er raunin með hin þrjú herbergin.

Sara eignaðist því minnsta herbergið sem er ykkur að segja frekar lítið og þá sérstaklega í ljósi þess að þar inni er risastór innbyggður skápur og ef hefðum rifið hann út eins og við ætluðum okkur í upphafi, þá hefðu framkvæmdirnar orðið öllu meiri. Ég er því búin að vera í endalausum pælingum hvernig væri best að nýta fermetrana sem allra best og um leið gera kósý herbergi fyrir hana. Ég var búin að gera tvær ólíkar útfærslur á rýminu en var aldrei nægilega sátt, fannst vanta eitthvað “touch” í þetta og svo einn morgun í vikunni þegar ég sat með kaffibollanum mínum og hugsunum þá bara BAMM -rúmið fer inn í skápinn!! Ég var varla búin að hugsa þetta til enda þegar ég var búin að snúa öllu við inni í herberginu…

FYRIR – ekki misskilja mig, það var mjög fínt áður en þessir fáu fermertrar voru bara ekki nægilega vel nýttir.

EFTIR 

Hvernig lýst ykkur á breytinguna, það er jú margt verra en að sofa inni í skáp!

 

HDan

GULUR + GRÁR = FULLKOMIÐ KOMBÓ

HEIMAHEIMILI

Eins og ég hef áður talað um þá máluðum við alla veggi í stofu og borðstofu gráa. Grái liturinn heitir Nóvember og er frá Slippfélaginu. Þessi litur var einn af þremur sem við vorum að velja á milli og hann heillaði um leið, hinir féllu eiginlega bara strax í skugann af honum. Hann er svo skemmtilegur að því leyti hve mikið hann breytist eftir birtustigi.. hann er mjög síbreytilegur og fyrir það er hann mjög vinsælt myndefni hjá undirritaðri.

Liturinn gerir ótrúlega mikið fyrir rýmin en til að brjóta aðeins upp þessa grá/svart/hvítu litapalettu á heimilinu ákvað ég að vinna með gula litinn á móti. Ég fékk gulan Eames stól í afmælisgjöf fyrir nokkrum árum og á rölti um Sostrene Grene í framkvæmdunum rak ég augun í gulan vegglampa og þessir tveir hlutir spila stærsta hlutverkið, á móti púða, kertum, afskornum blómum og öðrum smáhlutum. Ekki misskilja mig samt, auðvitað koma fleiri litir við sögu og þá aðallega græni liturinn sem er í hverju horni hjá plöntukonunni.

En ég leyfi myndunum að tala sínu máli…

Núna um páskana var reyndar óvenju mikið gult og það var alls ekki verra!

Ykkur er hjartanlega velkomið að fylgja mér á Instagram @hrefnadan

 

HDan

OUR BATHROOM DETAILS

HEIMAHEIMILIINSTAGRAM

Jæja núna er skreytingum á baðherberginu uppi lokið, í bili allavega! Við eigum reyndar eftir að hengja upp allar myndir á veggi í húsinu og ég væri alveg til í eina viðeigandi mynd inn á einn vegg á baðherberginu… er með eitt quote í huga sem ég kannski skelli bara inn í word og prenta út.

img_8789

Nauðsynlegt að setja svona hillu á baðkarið fyrir hinar ýmsu smávörur, hún nýtist jú líka fyrir rauðvínsglasið þegar gera á vel við sig!

img_8827

img_8828

Ég pantaði þessar ilmstangir frá Vigt svona meira til að skreyta með, þar sem mér finnst umbúðirnar ótrúlega flottar og stílhreinar.. en lyktin af þeim, maður minn hún er dásamleg. Ég er með ilmin Okkar 1.

img_8829

Tinna smíðaði hjarta handa mér.. hvað er fallegra en að skreyta með listaverkum barnanna

img_8808Þórunn hjá Multi by Multi fylgdist með framkvæmdunum okkar á Snapchat og sendi okkur þessa mega fallegu kaktusa að gjöf.. þeir smellpassa inn í svörtu stemninguna. Kaktusarnir eru komnir í allmenna sölu!

 

En eru þið að grínast hvað það er mikill lúxus að hafa baðkar, ég kunni reyndar ekkert mjög vel að meta það þegar ég eignaðist mína fyrstu íbúð 21 árs, þá hugsaði ég baðkarið meira fyrir Viktoríu sem þá var nýfædd. En staðan er önnur í dag – baðsalt í vatnið, hárið í snúð, rautt í glas, kertaljós og tímaritalestur.. jú þannig var staðan hjá mér í gærkvöldi!

img_8824

Þið finnið mig á Instagram – @hrefnadan

HDan

HEIÐARBRAUT – FYRIR & EFTIR

HEIMAHEIMILIPERSÓNULEGT

Jæja ég held það sé alveg komin tími á fyrir og eftir blogg af nýja húsinu okkar sem ég hef jú gefið ykkur smá innsýn í hérna á blogginu.

Við fluttum inn laugardaginn 11. mars og erum búin að koma okkur mjög vel fyrir, hérna líður okkur öllum rosalega vel og mér finnst eiginlega pínulítið eins og ég hafi alltaf búið hérna. Það eru nokkur smáatriði ókláruð en það er líka bara gott mál, maður þarf ekki að gera allt í einu. Okkur langar líka að finna okkur aðeins betur í húsinu áður en við hengjum upp allar myndir, platta og annað slíkt.

Viðbrögðin við þessum framkvæmdum okkar voru hreint út sagt frábær, mjög margir fylgdust með “í beinni” á snapchat og ansi margir ráku reglulega inn nefið og fylgdust með. Ég var líka mjög dugleg og er reyndar enn að setja inn myndir af heimilinu okkar á Instagram.. @hrefnadan .

 

Baðherbergið fyrir & eftir

Inni á baðherbergi tókum við innréttinguna, spegilinn og ljósin sem fyrir voru niður. Við settum inn skáp sem ég fann í Ikea sem er ekki ætlaður inn á baðherbergi, mér fannst hann bara smellpassa inn í hugmyndina að hönnuninni á rýminu. Palli og vinnufélagi hans söguðu svo skápinn til svo hægt væri að setja handlaugina ofan á hann og koma fyrir lögnunum. Dúkurinn var málaður svartur sem og framan á baðkarið og veggurinn þar fyrir ofan. Það kom aldrei neitt annað til greina en að setja hringspegil þarna inn og við völdum þennan frá Ikea, veggljósið er frá Brauhaus.

img_6233
img_7508

 

Eldhúsið fyrir & eftir

Í eldhúsinu fórum við í mestar breytingar, þar brutum við niður skápa, tókum út eldavélina, viftuna og vaskinn. Við brutum niður flísarnar á milli, tókum borðplötuna og skrúfuðum höldurnar af öllum skápum. Því næst tókum við allar skápahurðarnar af og filmuðum framhliðina á þeim ( eða réttara sagt filmaði meistarinn Eyþór Óli fyrir okkur), máluðum svo kantana og bakhliðarnar með svartri akrýlmálningu. Sett var ný borðplata og keypt inn ný tæki, nýr vaskur og blöndunartæki. Höldurnar keyptum við í Ikea og ég spreyjaði þær mattar svartar með Montana spreyji. Punktinn yfir i-ið setur svo veggljósið sem við settum upp sem vinnulýsingu.

img_7369

img_7390

img_7367

img_7364

 

Stofan fyrir & eftir

Í stofunni skrúfuðum við niður allar gardínustangir, máluðum sólbekkina hvíta og gluggana. Veggina í stofunni og borðstofunni máluðum við með litnum Nóvember frá Slippfélaginu. Við settum líka rósettur í loftinu í þessum rýmum. Við parketlögðum nýtt parket yfir það sem fyrir var.

Með því að mála veggina í dökkum lit drógum við fram fallegu smáatriðin sem skrautlistarnir eru.

img_7370

img_7296

 

Forstofan fyrir & eftir

Í forstofunni lögðum við parket yfir flísarnar, eins og við gerðum líka í eldhúsinu, stofunni og borðstofunni. Parketið sem við völdum okkur heitir Colorado Oak og við fengum það hjá Byko. Við máluðum alla veggi (að undanskildum stofunnni og borðstofunni) í húsinu með litnum Rut Kára frá Slippfélaginu og loftin máluðum við með Arkitektarhvítum einnig frá Slippfélaginu.

img_7371

img_7366

 

Svefnherbergið okkar fyrir & eftir

Í svefnherberginu máluðum við veggi og loft og settum rósettu í loftið

img_6464

img_7272

 

Borðstofan fyrir & eftir

Í borðstofunni tókum við niður gardínustöngina og máluðum veggina með litnum Nóvember eins og ég talaði um áður og parketlögðum. Einnig settum við rósettu í loftið þar.

img_6284

img_7404

img_7808

 

Framkvæmdirnar gengu ótrúlega vel og eins og ég hef talað um á öðrum miðlum þá er Palli hetjan mín, hann var algjörlega vakinn og sofinn yfir þessu verkefni okkar og stóð sig alveg hreint frábærlega. Árangurinn lætur ekki á sér standa og útkoman er draumi líkust, við erum í sæluvímu með þetta allt saman og okkur líður öllum ótrúlega vel hérna.

Við fengum líka heilmikla hjálp frá frábæru fólki og erum þeim sem ótrúlega þakklát, við eigum sko aldeilis góða og yndislega fagmenn að. Allir voru tilbúnir að leggja sitt af mörkum sem við leituðum til og það er svo magnað!!

Við versluðum alla okkar málningu og allt sem málningarvinnunni tengdist í Bresabúð hérna á Akranesi og það sem þeir nenntu að elta vitleysuna í mér. Ég er jú ekki auðveldur kúnni alltaf hreint og vildi stundum fara aðeins flóknari leiðir og gera eitthvað sem kannski ekki allir vilja gera. En alltaf gerðu þeir allt og betur en það.. ég mæli 100 % með þeim öllum félögum í Bresabúð!

– Ef það er eitthvað fleira sem þið viljið vita um framkvæmdirnar, einhverjar spurningar sem kvikna hjá ykkur þá endilega sendið á mig. Ég reyni eftir fremsta megni að svara.

 

HDan

MY NEW HOME – PART II

HEIMAHEIMILIHUGMYNDIRPERSÓNULEGT

Ég vil bara byrja á að þakka ykkur sem fylgdust með mér á Instagram stories hjá @trendnetis í gær samfylgdina, ég fékk mjög góðar viðtökur og hafði mikið gaman af.

Jú ég var sem sagt með take over á Instagram stories og leyfði fólki að skyggnast á bakvið tjöldin í nýja húsinu, sýndi fallegu smáatriðin sem leynast víða, sagði aðeins frá framkvæmdunum og fór hústúr þar sem ég sýndi frá hverju rými. Einnig kíkti ég við á mínum uppáhalds antíkmarkað sem er jú bara staðsettur rétt hjá nýja húsinu, nánar tiltekið á Heiðarbraut 33.

En aftur að húsinu okkar, því þar hefur jú mikið gerst síðustu daga. Páll er búin að standa sig svo ótrúlega vel, hann er algjörlega vakin og sofin yfir þessu verkefni okkar og ykkur að segja þá er hann hetjan mín. Hann vinnur fullan vinnudag, fer beint á fótboltaæfingar, borðar smá og beint upp í hús og þar er hann fram til miðnættis. Árangur þessarar miklu vinnu er líka svo að skila sér og eins og staðan er í dag á Heiðarbrautinni þá stefnum við á að flytja inn á fimmtudaginn. Ég spring úr spennu!!

Ég ætla að að koma með fyrir og eftir póst af húsinu þegar við erum flutt inn og búin að koma okkur fyrir, en núna ætla ég að láta nægja að sýna ykkur nokkrar myndir…

img_6976

img_6979

Við máluðum handriðið svart og það kemur mega vel út – gerir ótrúlega mikið fyrir rýmið

img_6790

Þarna leynast svalir drauma minna – mig hefur dreymt það í mörg ár að hafa svalir út af svefnherberginu og sá draumur rætist á Heiðarbrautinni

img_6985

Veggirnir í stofunni og borðstofunni voru allir málið gráir, okkur langaði að draga fram fallegu smátriðin í rýminu og það tókst – liturinn heitir Nóvember og er frá Slippfélaginu, við fengum okkur í Bresabúð á Akranesi þar sem við versluðum alla okkar málningu

img_7036

Rósettur gera gæfumuninn finnst mér

img_6868

img_6843

Ég er aðeins byrjuð að skreyta heimilið, bara smá!

 

img_7065

Við tókum þá ákvörðun að mála dúkinn upp á baði svartan og útkoman er þessi, það á reyndar eftir að mála hvíta listann þegar þessi mynd er tekin – ég fór yfir þetta ferli og sagði frá efnunum sem við notuðum á snapchat í gær

img_7054

Gömul eldhúsinnrétting fær nýtt líf – við ákváðum að fá okkur svarta innréttingu og fyrsta hugsun var að filma allar hurðar í bak og fyrir en svo fengum við brilljant hugmynd. Við ákváðum að mála bakhliðar og kanta með svartri akrýl málningu (sömu málningu og við notuðum á handriðið) og þá kemur bara filma á framhliðina. Töluvert auðveldara og kemur ótrúlega vel út.

 

Eins og ég sagði ykkur áður þá er ég með opið snapchat (hrefnadan) þar sem ég leyfi fólki að fylgjast með framkvæmdunum og á Instagram @hrefnadan set ég mjög reglulega inn myndir frá húsinu.

En næst þegar ég blogga verður það vonandi í vinnuaðstöðunni minni í nýja húsinu x

 

HDan

MY NEW HOME – DETAILS

HEIMAHEIMILIINSTAGRAMPERSÓNULEGT

Jæja við erum komin með lyklana af Heiðarbrautinni í hendurnar og þar er allt á fullu spani. Við erum búin að brjóta niður innréttingar, rífa niður hillur, skápa, gardínur, gardínustangir, veggfóður og margt fleira. En við erum svo sem ekkert að gera húsið fokhelt, við erum meira bara að gera það að okkar. Þessa dagana er verið að sparsla neðri hæðina og mála efri hæðina.

Ég hef aðeins verið að leyfa fólki að fá innsýn í ferlið á snapchat (hrefnadan) og vá undirtektirnar hafa verið frábærar inni á þeim miðli. Okkur finnst það ákveðin hvatning fyrir okkur að leyfa öðrum að fylgjast með og svo er alls ekki verra að fá pælingar og pepp frá fólkinu sem fylgist með.

Ég hef líka síðustu daga verið að setja inn myndir á Instagram (@hrefnadan) .. húsið er yfirfullt af fallegum detail-um sem heilla augað og ég elska að mynda þá. Ég er búin að mynda marga þeirra frá fleiru en einu sjónarhorni, enda algjör detail-a perri. Þessar myndir að neðan eru af Instagram…..

img_6181

Skrautlistinn í loftinu í stofunni – hann var steyptur í loftið í kringum 1960, húsið er byggt 1956

img_6298

Hringgluggi við stigann

img_6284

Allt út um allt – þetta er opið inn í forstofuna og þar ætlum við að setja gerefti í kringum

img_6386

Gluggarnir í herbergjum Viktoríu og Tinnu eru mega fallegir

img_6423

Stigahandriðið – við ætlum okkur að mála það ….. (þið megið giska!)

img_6464

Undir súð – þetta er inni í svefnherberginu okkar

img_6473

Detail-ar í horninu hjá litla baðinu

Ég er ennþá að klípa mig í kinnina og sjá hvort ég vakni ekki af þessu draumi, því jú þetta er hús drauma minna. Gamalt hús með góða sögu, falleg smáatriði, vel byggt og á frábærum stað.. hvað er hægt að biðja um meira.

En við stefnum á að flytja fyrstu helgina í mars, svo áfram við!

 

HDan