TAKK #TILFYRIRMYNDAR

June 22, 2020

ÍSLENSKT

TAKK FYRIR AÐ VERA TIL FYRIRMYNDAR er hvatningarátak tileinkað frú Vigdísi Finnbogadóttur og íslensku þjóðinni.

Fyrir 40 árum stigum við Íslendingar framfaraskref á heimsmælikvarða og vorum til fyrirmyndar með því að vera fyrst þjóða til að kjósa konu sem forseta í lýðræðislegum kosningum, frú Vigdísi Finnbogadóttur. Á þessum tímamótum er verðugt að staldra við, huga að því sem vel er gert og þakka þeim sem við teljum vera til fyrirmyndar á einn eða annan hátt.

,,TAKK FYRIR AÐ VERA TIL FYRIRMYNDAR” bréfin má finna víða um landið, á pósthúsum, í útibúum Landsbankans og í verslunum Nettó. Rafræn eintök af bréfinu á fjölmörgum tungumálum má nálgast á heimasíðunni www.tilfyrirmyndar.is.
Hvetjum við þig til að skrifa bréf til fjölskyldu, vina, vinnustaða og annarra sem þú vilt þakka fyrir að vera til fyrirmyndar á einn eða annan hátt.

Bréfin má setja ófrímerkt í póst innanlands. Það eru nokkrir mikilvægir einstaklingar á listanum mínum, sem hafa verið frábærar fyrirmyndir fyrir mig og þau fá bréf í vikunni. Smá spark í rassinn og gott að setjast niður og þakka þeim sem skipta mann máli fyrir allt. Ég elska þetta framtak <3

TAKK VEGGIR:
Verið er að setja upp ,,TAKK veggi” víða um land, Þessi veggur er í Hafnarfirði beint á móti búðinni minni en þá má einnig finna við Gróttu vita, í Garðabæ, á Laugavegi og víðar. Þú getur fylgst með á Instagram @tilfyrirmyndar & merkt myndina þína #tilfyrirmyndar