fbpx

PÁSKASKRAUT – DIY

DIYLÍFIÐLISTPÁSKAR

Halló frá Spáni …

Páskarnir okkar eru mjög öðruvísi í ár þar sem að við erum öll út um allt en ekki öll saman eins og vanalega.  Óli er í Perú í rallýinu ;) …(meira hér),  Magnús er heima og við Ísabella hér á Spáni.

Alla páska sem ég man eftir síðan að ég kynntist Óla eða í tuttuguogeitthvað ár hefur fjölskyldan hans hist heima hjá tendaforeldrum mínum og átt gæðastund eða dag og málað egg.  Ég bloggaði um þetta á síðasta ári hér.
Við Ísabella missum af þessu í ár en höldum í hefðina og málum egg hérna á Spáni.

Við lentum þó í smá vandræðum með að finna grein til að hengja eggin á.  Vanalega kaupum við greinar heima sem heita Forsythiur og blómstra gulu eða klippum bara greinar í garðinum.  Við fórum í blómabúðir og blómamarkað þar sem við gátum keypt pálmatré, sítrónutré og öll heimsins blóm en engar greinar.  Við enduðum á að kaupa þessar hér fyrir neðan, gerfiblóm úr ævintýralegri verslun eða markaði þar sem um það bil allt sem þú getur ímyndað þér fæst.

Ég sýndi okkar aðferðir á Instagram, setti það í “Highlights” undir PÁSKAR.

Það sem þarf :

  • Hvít egg, við gerum gat með oddhvössu áhaldi báðum megin á eggið og blásum út innihaldinu.
    Eldum svo eða bökum úr eggjunum :)
  • Málning, mér finnst best að nota akrýl málningu en hún næst úr öllu og af öllu með vatni, ég kaupi hana í Söstrene Grene,  blýantur (til að skissa það sem á að mála), tússlitir, trélitir, vatnslitir eða þeir litir sem þig langar að nota á eggin þín.  Hér má nota allskonar aðferðir og liti.  Við prufuðum t.d að nota essie naglalökk þetta árið :)
  • Pennslar í allskonar breiddum,  mikilvægt að eiga fíngerða pennsla í smáatriðin.
  • Eldspítur eða tannstönglar & tvinni eða einhverskonar borði til að hengja eggin upp
  • Vasi og greinar til að hengja eggin á.
  • P.S.  Merkið eggin undir með upphafsstaf og ártali,  þegar við opnum eggjabakkana okkar þá þykir okkur ótrúlega gaman að skoða eggin aftur í tímann, mörgum eggjum fylgir saga og ótal minningar og þess vegna gaman að vita hvað krakkarnir voru gamlir þegar þeir gerðu eggin og gaman að sjá þróunina hjá þeim á milli ára.

Essie egg  eða naglalakks egg …
Marmara egg, tilvalið að nota gömul naglalökk til að gera svona egg, ótrúlega fljótlegt.
Þú setur vatn í poka/skál setur dropa af naglalökkunum/litunum sem þú ætlar að nota ofan í vatnið, hrærir í með tannstögli, síðan leggur maður eggið bara ofan í og naglalakkið stipmlast á eggið.
Skemmtilegt að prófa þetta :)
Ég tímdi þó bara að gera eitt Essie egg þar sem ég er bara með þrjá liti hérna með mér og öll glæný úr nýju vorlínunni og ég tími alls ekki að eyða þeim í fleiri en eitt egg :)

Ísabella er svo að vinna með allskonar teiknimyndafígúrur, ótrúlega flott hjá henni, hún er líka að mála þær á símahulstur (sem er þarna undir)



Og eigum við að ræða eitthvað fallegasta páskaegg heims ,.,.,.? MR.CARROTS
Þetta er í fyrsta sinn í mínu lífi sem ég tími ekki að borða páskaeggið mitt, hef aldrei séð súkkulaði svona fallegt og í ofanálag allra besta omnom súkkulaðið (með lakkrísbragði).

Hér fyrir neðan eru myndir sem ég safnaði saman af pinterest,  smá innblástur og hugmyndir fyrir ykkur <3
Allir geta málað á egg, það er allt leyfilegt, ef eitthvað misheppnast þá lætur maður eggið þorna og málar svo yfir.
Góða skemmtun

 

LoveLove
AndreA

Instagram: @andreamagnus
Instagram: @andreabyandrea

HALLGRÍMSKIRKJA...TOPPURINN Á REYKJAVÍK

Skrifa Innlegg

Skilaboð 1