Jólagjafalisti + BOSE afsláttakóði

Laugar SpaLífiðNikeSnyrtivörurTískaWorld Class

Nú er aðeins rúmur mánuður til jóla (!!) og flestir farnir að huga að jólagjöfum. Ég tók saman smá lista sem er blanda af bæði hlutum sem ég á eða mig langar í. Ég vona að þetta gefi einhverjum hugmyndir að gjöfum en hér neðar í færslunni leynast bæði afsláttakóðar og tilboð!

xx

 

1. Kaldi ullarhúfa og ullarlúffur – 66° Norður

Ég eignaðist þetta sett frá 66° fyrr í vetur og finnst það ótrúlega flott, fyrir utan hvað það er hlýtt!

2. Chanel Velvet Boy Bag – Chanel Boutique

Ég er forfallinn Boy aðdáandi og finnst velvet útgáfurnar mjög fallegar og öðruvísi.

3. Maria Black Jewellry – Húrra Reykjavík

Ég rakst á þetta skart á instagram hjá Húrra Reykjavík í vikunni og langar mikið í nokkra lokka úr línunni.

4. Laugar Spa BODY Mist – Laugar Spa

Sweet Amber er minn uppáhaldsilmur og ég baða mig í þessu spreyi alla morgna. Með kóðanum helgiomars fáiði 20% afslátt af öllum Laugar Spa vörunum í vefverslun.

5. Inika Organics varalitur – Lyf og heilsa

Persónulega nota ég sjaldan varaliti en ég eignaðist Nude Pink frá Inika í haust og hef notað hann óspart. Fullkominn nude litur og formúla sem heldur raka á vörunum. Ekki skemmir fyrir að vörurnar eru lífrænar.

6. Bose Soundlink Revolve Bluetooth ferðahátalari – Nýherji

Ég fékk Bose Soundlink ferðahátalara að gjöf frá Nýherja fyrir nokkrum mánuðum og hef notað hann alla daga síðan. Það fyrsta sem ég geri þegar ég vakna er að kveikja á honum og alltaf þegar ég er að koma mér í gírinn fyrir æfingu. Hljóðið er 360° og stærðin á honum er fullkomin til að ferðast með – bæði á milli herbergja heima sem og erlendis. Ég tók hátalarann bæði með mér til Miami og Kína svo hann hefur reynst mjög vel! Hátalarinn er einnig vatnsvarinn – tilvalinn í jólapakkann!

Kóðinn Birgitta gefur ykkur 15% afslátt af hátalaranum í netverslun Nýherja www.netverslun.is. Fyrr í haust var ég með afsláttarkóða af Bose SoundSport æfingaheyrnatólunum og vegna fjölda skilaboða um þau fékk ég þá í Nýherja til að virkja afsláttinn af þeim aftur! Sami kóði: Birgitta og hann færir ykkur 15% afslátt.

7. Gucci Survie Fox Fur Scarf – Gucci

Afar fallegur klútur með silfurref sem hentar vel yfir kaldari tímann.

8. Bitz diskastell og hnífapör – BAST Lífstíll Kringlan

Þrátt fyrir að búa enn heima er ég farin að huga að innbúi þegar ég eignast mína eigin íbúð og er ég dolfallin fyrir allri Bitz línunni. Hugsunin á bakvið hönnunina er skemmtileg og allir hlutirnir virkilega fallegir. Mér finnst svarta diskastellið ótrúlega flott og bæði gylltu og svörtu hnífapörin falleg í bland við. Bitz línan fæst í BAST í Kringlunni sem er ný lífstílsbúð á 1. hæð.

9. Nike Air Zoom Pegasus 34 – Nike

Mínir uppáhalds hlaupaskór í augnablikinu eru Pegasus frá Nike. Þeir veita góðan stuðning og eru með loftpúða í hæl og tábergi.

10. Gjafabréf í Betri stofu Lauga

Ég er nýkomin heim úr Laugar Spa þegar ég skrifa þessa færslu og það er alltaf jafn notalegt að fara þangað og slaka vel á. Fyrir jólin er 2 fyrir 1 tilboð á gjafabréfum í Betri stofuna í vefverslun: https://www.worldclass.is/vefverslun/tilbod/betri-stofan-adgangur-fyrir-tvostar/ Hvað er betra en að fá dekur í jólapakkann!

xx

Ég mun deila fleiri svona listum á næstunni og vona að þið getið nýtt ykkur þetta.

xx

Birgitta Líf
instagram & snapchat: birgittalif

10 ÓSKIR FYRIR VETURINN

Óskalistinn

Áður en ég dembi mér í árlegu jólagjafahugmyndirnar þá mátti ég til með að setja einn óskalista saman fyrir mig – 10 óskir. Ég hef undanfarið verið nokkuð sparsöm og er orðin mjög passasöm upp á það hvaða hlutir bætast við heimilið okkar. Það er þó erfitt að vera sparsamur þegar manni vantar hreinlega hluti eins og í mínu tilfelli núna en þar má nefna krem, maskara, húfu, jógahandklæði og annað fínerí – sem er klárlega nauðsynlegt fyrir sálina eða er það ekki annars?

// Húfa frá COS, ég hef átt eins í bleiku en týndi henni því miður. // Svartar morgunverðaskálar frá Bitz sem ég er nýbyrjuð að safna, fást t.d. í Dúka, Snúrunni og Bast. // Kertastjaki og glervasi frá Ikea, sé fyrir mér að það sé fallegt að setja smá jólapunt ofan í. // Steingrá rúmföt frá Winston Living, sá líka svona kolsvört sem eru væntanleg – hrikalega flott. Sjá meira úrval hér. // Hvatningararmband frá Daniel Sword, ég gæti hugsað mér fleiri í safnið, Dúka. // Tyrkneskt handklæði frá TAKK home, sjá sölustaði hér. // Ég er lítið fyrir að prófa endalaust af snyrtivörum, ef ég finn eitthvað sem er gott þá vil ég nota það áfram. Clinique eru góðar vörur og eruð þið að sjá hvað þessar umbúðir eru fallegar á litinn♡// Mjúkur og loðinn púði frá Ikea. // Gyllt ígulker sem borðpunt, einstaklega fallegt og svo öðruvísi en við sjáum oft, frá Winston Living.

JÓLAGJAFAHUGMYNDIR: FYRIR HANA

JólaÓskalistinn

Hóhóhó og allt það, mér hefur liðið dálítið eins og jólasveini undanfarna daga, þá aðalega út af risa gjafaleiknum sem núna er í gangi ásamt því að vera að gefa aukagjafir á svartahvitu snapchat og til að toppa það þá fær sonur minn í fyrsta skipti í skóinn í ár. Já það er aldeilis gjafagleði hér á bæ og þá er tilvalið að birta fyrsta jólagjafahugmyndalistann minn.

Ef það er eitthvað sem mér þykir extra skemmtilegt að gera fyrir bloggið eða tímarit þá eru það einmitt þessir óskalistar. Nokkrir hlutir á listanum hafa nú þegar ratað inn á mitt heimili á meðan að aðrir sitja sem fastast á óskalistanum fyrir seinni tíma, en eitt eiga allir þessir hlutir sameiginlegt – mér finnst þeir vera gordjöss. Vonandi kemur þessi listi að góðum notum fyrir ykkur sem eruð í jólagjafastússi.

jolin1

// 1. Fallegt veggspjald með ljósmynd Via Martine, Rökkurrós. // 2. Panthella mini sem mun einn daginn rata hingað heim, Epal. // 3. Hrikalega fallegur blómavasi á fæti frá Nordstjerne, Snúran. // 4. Mig dreymir um að byrja að safna bollum frá Royal Copenhagen í línunni Fluted Mega, Kúnígúnd. // 5. Litlir og sætir kertastjakar úr Ultima Thule línu Iittala, söluaðilar Iittala. // 6. Hafið þið séð jafn fínan hitaplatta? Þessi er extra fallegur og fæst í Kokku. // 7. Glerlína Omaggio frá Kähler er loksins mætt á klakann og þessi bleiki talar sérstaklega til mín. Ég ætla að gefa einn slíkann á snapchat á morgun – fylgstu með, Epal. // 8. Bleik handklæði er bæði mjúk og falleg jólagjöf. Snúran. // 9. Gylltur og glæsilegur blómapottur, Módern. // 10. Stelton hitakannan er klassík sem á heima á hverju heimili, Kokka. // 11. Bleikur púði í sófann, Línan. // 12. Fallegur hringur, Hlín Reykdal. // 13. Glam bolli eða jafnvel undir tannburstana (fleiri orð til), Norr11. // 14. Bitz skálar og diskar hafa átt hug minn undanfarna mánuði, Snúran. // 15. Eitt skópar er skylda á alla jólagjafalista hjá mér, ég á þetta par sjálf og elska það, Bianco. // 16. Ekta sófaborðsbók fyrir tískuunnandann, Myconceptstore.is. //

Fylgist vel með á snapchat á morgun þann 14. desember þar sem hægt verður að næla sér í fallega bleikann gler Omaggio vasa ♡

svartahvitu-snapp2

HUGMYNDIR AF JÓLAGJAFAUMBÚÐUM:

HugmyndirInnblástur

img_8390

Í ár langar mig að leggja meiri vinnu en vanalega í jólagjafaumbúðirnar. Ég fann fullt af fallegum hugmyndum á Pinterest sem ég mun notast við. Ég er mjög hrifin af alveg hvítum pappír eða alveg brúnum pappír & skreyta pakkann síðan með fallegum þunnum þráðum & nota greni eða laufblað sem skraut ofan á pakkann. Og síðan stílhreint fallegt jólakort við. Ég er virkilega hrifin af þeirri skreytingu, mér finnst það bæði jólalegt & stílhreint!

Ég hef ekki ennþá fundið greni til að skreyta pakkann með! Einhverjar hugmyndir hvar það getur fæst?

x

img_8396

Ég fann mér svona fallegna borða í Søstrene Grene í Kringlunni.

img_8392

Ég verslaði mér svona fallegan brúnan pappír utan um pakkana í Søstrene Grene.

Alveg eins miða fann ég í A4 í Kringlunni.

img_8397img_8391 img_839435d45adc68b2132bb2593656204fb880

98ce8cf2a0ddabf287c9a180c571a8e7 Endilega fylgist með mér á Instagram: @sigridurr, & einnig á SnapChat undir nafninu siggamagga
trendnet

JÓLAGJAFALISTINN MINN:

HugmyndirLISTI

Núna er ég búin að pósta bæði Jólagjafalista fyrir hana & Jólagjafalista fyrir hann. Og í tilefni þess langaði mig að gera að sýna ykkur jólagjafalistann minn fyrir áhugasama.komid1. Kjóll frá Yeezy Season 3 fæst inn á Yeezysupply.com – dýr en svoooo fallegur.
2.
Dionysus GG Supreme taska frá Gucci – hef lengi langað í þessa gullfallegu tösku.
3. Jökla Parka frá 66°Norður – þessi er fullkomin fyrir kuldaskræfur eins og mig.
4. Michael Kors silfurúr fæst í Michelsen hérna heima – á eitt úr frá Michael Kors sem ég dýrka & langar strax í annað.
5. Chloé Eau de Parfum frá Chloé fæst í Hagkaup – er svo hrifin af vörunum frá Chloé að ég verð að prófa.
6. Faye shoulder bag frá Chloé – liturinn & bara allt við þessa tösku heillar mig alveg.
7. Burgundy Palette frá Kylie Cosmetics – þessa palletta er fullkomin & hef lengi langað í hana enda er ég mjög hrifin af snyrtivörunum frá Kylie.
8. Slippers frá Fenty x Puma í litnum nude – hef lengi langað í þessa en hef aldrei náð að kaupa mér þá vegna þess að þeir eru alltaf uppseldir.
9. Ljósabox frá Urban Outfitters fæst einnig svipað í Rúmfatalegernum – svo fínt fyrir heimilið.
10. Völuspá Kerti fæst í MAIA á Laugaveginum – fallegar umbúðir & guðdómleg lykt.

x

Endilega fylgist með mér á Instagram: @sigridurr, & einnig á SnapChat undir nafninu siggamagga

JÓLAGJAFAINNPÖKKUN: HUGMYNDIR

HugmyndirJóla

Ég er dálítið á síðustu stundu týpa og er því ekki byrjuð að pakka inn jólagjöfunum né skrifa jólakortin. Ég er hinsvegar búin að kaupa pappírinn og var að sækja kortin úr prentun og er því tilbúin í slaginn á eftir þegar að sonurinn tekur lúrinn sinn, ég er reyndar með hrikalega langan lista af hlutum sem eiga að komast í verk á þessum 1-2 klukkustundum sem lúrinn varir. Það er nóg að gera svona korter í jól og ég er sífellt að minna mig á vera ekki að stressa mig, helst langar mig til að sitja á kaffihúsi í allan dag í rólegheitum og fletta tímaritum og kaupa mér kannski eins og eina jólaflík, sjáum hvort að það gerist:)

DSC006402596db48aa2bcd6a4227feffaccc5c48b11d3ad30ef5f7fee82d0fc691c20db27232553a223b39a80f6308860ab827773

0108250410039c1606c1d61e54eba21f

Ég vona að þið eigið alveg hrikalega góðan dag og náið að drekka í ykkur jólin svona áður en að þau skella á af fullum krafti á morgun:)

Jólakveðja, Svana

Screen-Shot-2015-04-23-at-22.38.4211

JÓLAGJAFAHUGMYNDIR #2

Fyrir heimiliðJóla

Hér eru enn fleiri jólagjafahugmyndir fyrir ykkur sem enn eruð í vafa hvað skal setja undir jólatréð í ár, ég er varla sú eina sem er ekki búin að kaupa neinar jólagjafir svo þessi listi mun líklega koma nokkrum ykkar að góðum notum. Fullt af fínum hugmyndum fyrir heimilið handa sönnum fagurkerum, næsti listi verður síðan tileinkaður litlum krílum og hver veit nema að ég taki saman góðan lista fyrir herrana en það er yfirleitt sú gjöf sem ég geymi fram á síðustu stundu. Flestar verslanir eru í dag með ágætis vefverslanir (að minnsta kosti þegar kemur heimilisverslunum) svo það er því hægt að undirbúa sig og vera því ekki æðandi á milli verslana í stressi hafandi ekki hugmynd um hvað skuli kaupa. Ég eyddi dágóðum parti af kvöldinu vafrandi á milli nokkra vefverslana og hallaði mér aftur í sófann á meðan og maulaði á smákökum, er ekki ágætt að plana jólagjafakaupin þannig? Hér eru 11 fínar hugmyndir sem hægt er að gefa þeim sem kunna að meta fallega hluti:)

 

Jólagjafahugmyndir2

 

1. Sebrahestur Kay Bojesen er dásamlega fallegur og klassískur í senn, 14.950 kr. Epal. // 2. Iittala Kastehelmi er mín uppáhaldslína, kertastjakapar, 4.450 kr. Kokka. // 3. Kastehelmi kökudiskur, 5.800 kr. Kokka. // 4. String Pocket hilla (eru á 20% afslætti til áramóta), 19.680 kr. Epal. // 5. Bleikur dýrahaus úr pappír, hversu skemmtilegt veggpunt! 5.900 kr. Litla Hönnunarbúðin. // 6. Marimekko doppulínan (Siirtolapuutarha- þeir eru ekkert að auðvelda nöfnin á vörunum sínum!) ég gæti vel hugsað mér að eiga alla línuna. 3.700 kr. Epal. // 7. Eyland hálsmen frá Einveru, love it!, 6.990 kr. Einvera. // 8. Hvítt marmarabretti, 5.590 kr. Intería. // 9. Gólfpulla sem hefur mögulega setið á óskalistanum mínum í nokkur ár, þessa er hægt að næla sér í á Mottumarkaðnum sem stendur fram til 19.desember. 13.000 kr. sjá markað hér. // 10. Geómetrískur kertastjaki, 3.990 kr. Minimal Dekor. // 11. Bók ársins er Inni eftir Rut Kára, þessari hef ég flett fram og aftur hún er einfaldlega algjört æði. 10.990 kr. Crymogea, Epal, Eymundsson. //

Vonandi koma þessar hugmyndir ykkur að góðu gagni, bara 8 dagar til jóla! Og 2 dagar þar til ég dreg úr risa jólagjafaleiknum:)

Screen-Shot-2015-04-23-at-22.38.4211

VILT ÞÚ VINNA 120.000 KR. GJAFABRÉF?

ÓskalistinnUppáhaldsVerslað

***UPPFÆRT*** Búið er að draga úr leiknum. 

Mér líður smá eins og jólasveininum eftir frábært símtal þar sem ég tilkynnti henni Birnu Sigurbjartsdóttur að hún hafi unnið 120.000 kr. gjafabréfið í bestu verslunum Hafnarfjarðar. Það er svo sannarlega mikið skemmtilegra að gefa en að þiggja og ég gæti hugsað mér að eiga svona símtöl alla daga:)
Ég vil þakka ykkur fyrir alveg ótrúlega þátttöku og ef ég gæti þá hefðu allir fengið vinning.
Gleðilega hátíð, og takk fyrir lesturinn!
Jólakveðja, Svana

Hvernig væri nú að taka mjög vel á móti desembermánuði, uppáhaldsmánuðinum á árinu með góðum gjafaleik. Það virðist vera orðinn órjúfanlegur partur af aðventunni að halda einhverskonar jólaleik og mikið sem ég er hrifin af þeirri jólahefð, það er jú sælla að gefa en að þiggja og það erum við líklega flest sammála um. Í þetta skiptið á einn heppinn lesandi von á því að næla sér í 120.000 kr. gjafabréf í fallegustu verslunum Hafnarfjarðar. 

Þið ykkar sem hafið fylgst með mér í nokkurn tíma hér á blogginu hafið mjög líklega heyrt mig tala oftar en einu sinni um fagra fjörðinn minn, ég er nefnilega mjög stoltur Hafnfirðingur og nýti hvert tækifæri til að dásama bæinn minn. Þegar ég ákvað að halda aftur svona stóran gjafaleik í anda þess sem ég hélt í fyrra þar sem hægt var að næla sér í 100.000 kr. gjafabréf kom ekkert annað til greina en að varpa ljósi á þær frábæru verslanir sem eru hér við Strandgötuna í hjarta Hafnarfjarðar. Mig langar í leiðinni til að minna ykkur á það hversu mikilvægt það er að versla líka í sínum heimabæ, hvar sem að þú býrð þó svo að það séu bara nokkrar af gjöfunum sem við setjum undir tréð, það er nefnilega undir okkur komið hvort að mannlíf blómstri í bænum okkar.

Þessar fallegu verslanir sem um ræðir gefa hver 20.000 kr. gjafabréf sem hægt er að nota til að versla inn allar jólagjafirnar og að sjálfsögðu sitthvað á sjálfan sig. Ég tók saman brot af vöruúrvali hverrar verslunar til að þið getið byrjað að leyfa ykkur að dreyma um 120.000 kr. gjafabréfið

Andrea

 ANDREA BOUTIQUE

Andrea Magnúsdóttir er einn færasti fatahönnuður landsins og fallega verslunin hennar á Strandgötunni trekkir að fólk frá öllum bæjarfélögum. Í verslun sinni AndreA Boutique selur hún fatahönnun sína í bland við gott úrval af fylgihlutum og skarti og núna nýlega bættist við heimilislína sem inniheldur einstaka leðurpúða og ullarteppi. Hér getur þú alveg pottþétt geta fundið jóladressið í ár! Hægt er að fylgjast með Andreu Boutique á facebook, hér.

hb

HB-BÚÐIN

HB-búðin er sérsverslun með undirfatnað og er ein rótgrónasta verslun Hafnarfjarðar, hún er einn af þessum földu demöntum en þarna inni má finna ótrúlega vönduð og falleg nærföt, aðhaldsfatnað og náttföt í mörgum stærðum. Hjá þeim keypti ég minn fyrsta alvöru brjósthaldara sem unglingur og það er varla til sú hafnfirska kona sem hefur ekki verslað þarna. Það kæmi sér nú afar vel að eignast ný nærföt og náttföt til að lenda ekki í jólakettinum í ár. Hægt er að fylgjast með HB-búðinni á facebook, hér.

H.H

HEIÐDÍS HELGADÓTTIR – ART PRINTS

Heiðdís Helgadóttir er teiknisnillingur með meiru en þið ættuð flest að kannast við nokkur verk hennar enda hafa þau slegið rækilega í gegn undanfarið og það er hreinlega erfitt að heillast ekki af fallegum fígúrum og einstökum stíl hennar. Í stúdíóinu á Strandgötunni er hægt að versla allar hennar teikningar og ég get lofað ykkur því að það geta allir fundið hjá henni teikningu við sitt hæfi. Hægt er að fylgjast með Heiðdísi teiknisnilla á facebook, hér.

L.H

LITLA HÖNNUNARBÚÐIN

Litla Hönnunarbúðin hlýtur að vera minnsta hönnunarverslun á landinu en í þessu pínulitla húsi við Strandgötuna má finna ótrúlega skemmtilegt úrval af fallegum hönnunarvörum. Sigga Magga sem rekur verslunina hannar sumar vörurnar sjálf en ásamt þeim má finna valdar vörur úr ýmsum áttum til að prýða heimilið og margar hverjar sem ég hef hvergi annarsstaðar rekist á sem gerir þessu verslun svo ótrúlega skemmtilega. Hægt er að fylgjast með Litlu Hönnunarbúðinni á facebook, hér.

siggatimo

SIGGA & TIMO

Siggu & Timo þarf vart að kynna en þau hjónin hafa rekið gullsmíðaverkstæði og verslun sína í hjarta Hafnarfjarðar í fjölda ára. Það er varla til sá hafnfirðingur sem á ekki skart frá þeim en þeim hefur tekist eftir öll þessi ár í bransanum að haldast mjög fersk og koma reglulega með nýjar og fallegar línur. Einn af mínum uppáhaldsskartgripum frá þeim er hálsmen sem ég fékk í sængurgjöf með áletruninni mamma á einni hliðinni og fótspori ásamt nafni sonar míns á hinni hliðinni en þau nota lazervél sem getur grafið í skartgripi fótspor og fingraför. Hægt er að fylgjast með Siggu & Timo á facebook, hér.

útgerdin

ÚTGERÐIN

Nýjasta viðbótin við frábæru verslunarflóruna í bænum er Útgerðin sem opnaði fyrr í haust. Þar má finna gott úrval af allskonar fíneríi þá helst fyrir heimilið þó svo að þarna fáist líka falleg íslensk fatahönnun. Ég gladdist sérstaklega yfir því að fá ástsæla vörumerkið House Doctor í fjörðinn fagra og jólalakkrísinn frá Lakrids by Johan Bülow en eins og þið sjáið á myndinni hér að ofan fæst þarna líka jólaskraut ársins, það er jólakertið Dýri eftir Þórunni Árnadóttur ásamt röndóttum jólakúlum. Hægt er að fylgjast með Útgerðinni á facebook, hér.

 

Ég hvet ykkur eindregið til að kynna ykkur þessar fallegu verslanir og kíkja við í miðbæinn en fyrir utan verslanirnar hér að ofan eru margar aðrar verslanir ásamt frábærum kaffihúsum, veitingarstöðum, bíó, verslunarmiðstöð og listasafni allt í göngufjarlægð. Jólaþorpið er einnig opið allar helgar fram að jólum og og hægt er að fara í hestvagnaverð svo það er tilvalið að gera sér glaðan dag og skella sér í bæjarferð með vinkonunum eða fjölskyldunni í Hafnarfjörðinn.

***

Þá eru það mikilvægu upplýsingarnar:

Til að komast í pottinn þá þarft þú að:

1. Deila þessari færslu.

2. Smella á like-hnappinn á facebook síðu Svart á hvítu ef þú ert ekki nú þegar búin/n að því.

3. Skilja eftir athugasemd með nafni og segja mér afhverju þú átt að hreppa vinninginn, má vera lítil athugasemd! Þó eiga allir jafnan möguleika á því að vinna, þetta gerir bara leikinn örlítið líflegri en að fara í gegnum nokkur þúsund athugasemdir sem segja “já takk”:)

Dregið verður út einn stálheppinn vinningshafi föstudaginn 18.desember sem hlýtur þetta glæsilega gjafabréf.

Með jólakveðju, Svana

***UPPFÆRT*** Búið er að draga úr leiknum. 

Screen-Shot-2015-04-23-at-22.38.4211

Jólin okkar

Jól 2014Lífið Mitt

Þið verðið að afsaka fjarveru mína síðustu daga en mér þótti afskaplega gott að hverfa í smástund, ná að hlaða batteríin almennilega, ná að njóta jólanna, ná að ná mér af þessum bakmeiðslum almennilega og bara hanga yfir Harry Potter, Lord of the Rings og Hobbitanum í sjónvarpinu og bíó að sjálfsögðu – já ég er algjör svona ævintýranörd í mér:)

En jólin okkar voru alveg dásamleg og við erum enn bara í miklu jólafríi, Tinni Snær á afmæli núna á þriðjudaginn og við erum eiginlega bara í fríi fram á næsta ár og erum bara að letihaugast – ég er að elska það! Svo þessa dagana erum við aðeins farin að undirbúa 2 ára afmælið sem verður haldið á næstu dögum – ég ætla sko ekki að ganga jafn langt og í fyrra, hef lært af reynslunni ;) Moli litli fékk Vidda dúkku í jólagjöf og Bósi mun bætast við á afmælinu, hér eru þetta uppáhalds karakterarnir og minn maður hefur ekki viljað sofna án Vidda frá því hann fékk hann svo Frozen æðið hefur fengið smá breik okkur til mikillar hamingju. Svo er bara sungið – ér deggjar i da! háum rómi og fagnað hástöfum hér er einn lítill maður sem er með það á hreinu að afmælisdagurinn er að renna upp.

En hér áttum við voðalega rólegt aðfangadagskvöld, eins og við vildum hafa það, við borðuðum klukkan 6, svo var það desertinn og pakkarnir, litli drengurinn var sofnaður rúmlega 8 en það er dálítil dagskrá hjá okkur á Jóladag svo við vildum að hann fengi að halda rútínunni sinni sem mest. Eins og áður var tréð okkar stútfullt af alls konar yndislegum gjöfum frá fjölskyldu og vinum og ég er ótrúlega þakklát fyrir þessar dásamlega fallegu gjafir. Mig langar að sýna ykkur gjafirnar sem ég fékk frá strákunum mínum, mömmunni fannst þær alveg fullkomnar og greinilegt að fjölskyldufaðirinn er dyggur lesandi og hann gat líka leitað sér að smá astoð í einni af minni uppáhalds verslun :)

jólagjafir

Feldurinn kom uppúr pakkanum frá Aðalsteini, mig hefur lengi langað í fallegan feld svo þeir feðgar gerðu sér ferð í Geysi og völdu þennan frá Feldur Verkstæði, hann er alveg fullkomin og svo hlýr og fallegur og verður mikið notaður. Hann passar t.d. fullkomlega við áramótadressið í ár sem ég ætla að sýna ykkur á morgun.

jólagjafir2

Hinn handgerði og dásmlegi ilmur LOVE frá MCMC Fragrances leyndist í pakkanum frá syninum. Það var ást við fyrsta þef  þegar nefið á mér komst í færi við þennan æðislega ilm sem fæst í JÖR – ég skrifaði einmitt um þá fyrir ekki svo löngu. Aðalsteini hefur aldrei tekist að gefa mér ilmvatn sem ég ekki á fyrir svo þeir feðgar voru voðalega lukkulegir með þetta val og móðirin líka :)

jólagjafir3

Svo kom einn auka pakki seinna um kvöldið sem beið mín á náttborðinu þegar við fórum að sofa. Pakkinn innihélt dýrðleg nærföt frá Lonely sem fæst líka í JÖR, nærfötin eru alveg ótrúlega falleg og ég er í skýjunum með þessar fallegu gjafir frá uppáhalds mönnunum mínum.

Jólin eru alveg dásamlegur tími og þeirra ber að njóta í botn, það er alla vega markmið mitt því það er alltof langt í þau næstu. Ég er farin að hlakka mikið til Gamlárskvölds en það er eitt af mínum allra uppáhalds og ég er mikil flugeldaáhugamanneskja. Í ár verð ég í fyrsta sinn ekki heima hjá mömmu og pabba svo það verður forvitnilegt að fá að upplifa eitthvað nýtt en í ár verðum við hjá bróður tengdamömmu í áramótaboði og ég efast ekki um að kvöldið verði æðislegt – við hlökkum alla vega mikið til :)

knús til ykkar og takk fyrir allt síðasta ár, ég ætla að reyna að ná einhverjum skemmtilegum annálum fyrir áramót en það fer að miklu leiti eftir því hvernig gengur að gera við tölvuna sem er enn biluð og þarf að fara aftur í viðgerð á morgun :(

EH