Til hamingju Trendnet með árin öll. Í dag, 9 ágúst, er vefsíðan fimm (!) ára og ég spring úr gleði og stolti yfir velgengni síðunnar og hversu margir fylgjast með. Trendnet byrjaði sem hugmynd í kollinum á mér þegar ég horfði á sænskar sambærilegar síður vaxa og dafna. Mér fannst gaman að koma þar við, lesa góðar og jákvæðar fréttir og fá innblástur frá áhugaverðum einstaklingum sem unnu að spennandi hlutum. Síðan hefur haldið góðu róli og vaxið og dafnað þessi 5 ár, sem er ekki sjálfsagt fyrir vefsíður á Íslandi sem koma og fara. Í dag hefur Trendnet að geyma 13 ólíka bloggara undir eina og sama hattinum. Við erum hvert og eitt með okkar sérsvið og deilum vinnu, fréttum og lífstíl með tryggum lesendum, ykkur. TAKK fyrir að koma stundum hingað inn og taka þátt í stuðinu.
Ég er stödd í Kaupmannahöfn í dag þar sem tískuvikan stendur sem hæst. Planið er að kíkja á nokkrar sýningar ásamt því að fanga fasjón fólk á götum borgarinnar. Fylgist með HÉR í beinni. Ég mæli líka með því að þið kíkið á Facebook síðu Trendet í dag en þar erum við að gefa virkilega veglega afmælisgjöf til lesenda –
Flugmiði fyrir tvo til einhverra af áfangastöðum Icelandair í Evrópu (!) Meira: HÉR
Jæja … danska tískan bíður mín.
//
Trendnet is five years old today !!! HIP HIP HURRAY!
xx,-EG-.
Elísabet Gunnars á Facebook – HÉR & Trendnet á Facebook – HÉR
Það hefur verið hefð hjá mér að fara yfir liðið ár hér á blogginu. Það er gaman að sjá hvað ykkur lesendum finnst áhugavert, það hvetur mig og hjálpar mér að setja mér stefnu fyrir nýtt ár.
Ég tók saman 15 vinsælustu færslurnar að undanskildum gjafaleikjum, en þeir voru þó bara þrír á topp15 (Stan Smith – loksins á Íslandi, 100.000 kr. gjöf frá 66°norður og Afmælisgjöf frá Andreu). Stan Smith pósturinn er skemmtilegur þar sem kemur fram að ég merkti skóna sem “trend” árið 2013, þeir rötuðu síðan loksins til landsins löngu seinna. Adidas þarf að vera meira á tánum á Íslandi ;)
Uppúr stendur á árinu að ég hannaði fyrst bloggara á Íslandi fatalínu með Gallerí17 – Moss by Elísabet Gunnars. Línan gekk vonum framar og seldist nánast öll upp. Hún endurspeglaði must-have flíkur í mínum fataskáp og besta item-ið í línunni var án efa biker jakkinn sem ég hef varla farið úr. Ég er ánægðust með að fötin voru vönduð en þó á viðráðanlegu verði, en það endurspeglar vel umfjöllunarefni mitt á blogginu.
Mikilvægasti viðburðurinn á árinu var þó að bumban á mér stækkaði með hverjum deginum og árið 2016 verð ég orðin stráka-mamma. Það er mikil tilhlökkun á heimilinu og drengurinn er sko aldeilis velkominn.
Ég mun setja inn stutta útgáfu á færslunum hér að neðan – ef þið viljið lesa meira þá smellið þið á titilinn.
Mér þætti vænt um að þið mynduð skilja eftir athugasemd á þessa færslu. Hvað finnst ykkur skemmtilegt að lesa? Eitthvað sem má breyta eða bæta? Eða bara stutt kveðja inní nýja árið.
Um leið og ég þakka fyrir frábært 2015 á Trendnet þá hlakka ég mikið til að vera með ykkur á nýju og spennandi 2016 – megið þið eiga gott og gæfuríkt ár kæru lesendur.
Ég lenti í heimalandinu á föstudag eftir langa veru á klakanum kalda.
Það er ekkert betra en að vakna á sunnudegi undir sínu þaki – drekka nokkra heita kaffibolla og sitja með morgunsjónvarp dótturinnar í eyrunum fram að hádegi. Heima er best.
Fashion í boði Vogue –
Nú standa yfir tískuvikur –
Svona móment gleðja augað.
ORÐ: þessi eiga vel við í dag –
Sunnudagur –
Endaust hrifin af Haider Ackermann SS15 !! –
Þessi svipur segir: “Lets do this” ! – Alexa x ELLE Brazil –
Og aðeins meira svona ….. munið að það má … í dag.
… var heiti fyrirlestradags Ímark sem fram fór í Arion banka fyrir helgi. Fólk úr mismunandi geirum fékk orðið og deildi sinni sýn með gestum dagsins. Allir fyrirlesararnir voru áhugaverðir en þó fangaði Daniel Levine mest af athygli minni. Daniel er virt nafn í þessum bransa og einn helsti sérfræðingur heims í að greina trend á mörkuðum. Í fyrirtæki sínu, Avant Guide, hjálpar hann öðrum fyrirtækjum að sjá fyrir hvaða trend verða ráðandi á mörkuðum hverju sinni. Markmið hans er að hjálpa þannig til vði að næla í viðskiptavini og auka sölu.
“Það eru ekki þeir stærstu og sterkustu sem lifa af, heldur þeir sem eru fljótastir að aðlagast”
– Charles Darwin
Góða kvöldið! Margir hafa óskað eftir pósti frá mér í dag eftir að ég birti Instagram mynd frá verslunarferð gærdagsins. Um var að ræða heimsókn í H&M sem launchuðu samstarfi sínu með Balmain Paris. Fatalína sem margir hafa beðið eftir með eftirvæntingu og því mikill múgæsingur víða í verslunum sænsku keðjunnar þennan morguninn, þar á meðal hér í Köln.
Góða kvöldið! Jæja .. Er ekki löngu kominn tími á þetta blogg? Það hafa allavega margir lesendur kvartað yfir því að ég sé ekki að standa mig í fréttaveitunni, komin þetta langt á leið. Í síðustu póstum hefur ekki farið fram hjá neinum að ég er ekki einsömul kona þessa dagana. Ég ber semsagt lítinn dreng undir belti sem er væntanlegur í heiminn í janúar. Spennandi tímar framundan ..
Ég hef ekki reynslu af því að vera strákamamma og sé það ekki alveg fyrir mér – en er þó ótrúlega spennt og þakklát fyrir litla tippalinginn í maganum. Ég tók smá rúnt í tilefni þess að ég færi ykkur fréttir og gerði smá óskalista fyrir litla töffara. Þannig tengi ég þetta betur við bloggið mitt og veiti vonandi einhverjum mömmum innblástur eða hjálpa til við jólagjafa innkaup. Þetta er líka lúmsk leið hjá mér til að fá nothæfar sængurgjafir ;)
Það tók mig tíma að fara aftur yfir í támjótt snemma á síðasta ári. Og mögulega ykkur líka? Nú virðist ég vera komin á það að falla bara fyrir támjóum skóm. Og það er kannski ástæða fyrir því? Þegar ég heimsæki búðirnar þá er það sniðið sem virðist taka á móti mér í hvert skipti. Támjótt lengir leggina og það er ekkert verra fyrir stubb eins og mig.
Nú leita ég mér að lausum útvíðum buxum eins og sést á einhverjum af myndunum hér að neðan. Það lúkk er ég að fýla í ræmur og við eigum eftir að sjá meira af því á nýja árinu.
Afhverju brosir þú aldrei …
… er ein af 73 spurningum sem blaðamaður Ameriska Vogue fær svar við þegar hann heimsækir hina frægu og frábæru Victoriu Becham til London.
Pressið á P L A Y:
Svona hraðaspurningar eru svo skemmtilegar og verða einhvernveginn persónulegri en venjuleg viðtöl. Frábær vinkill hjá Vogue.HÉR getið þið horft á sambærilegt viðtal við Söruh Jessicu Parker sem ég deildi með ykkur snemma á síðasta ári.
Ég á til með að deila með ykkur bikerjakka sem ég eignaðist í haust. Jakki sem ég féll fyrir í heimsókn minni til höfuðstöðva Lindex í Gautaborg þar sem hann hékk á “væntanlegt” slá. Ég fékk að máta – hann varð svo minn stuttu seinna.
Við fjölskyldan lentum með hraði hér á klakanum daginn fyrir gamlárs. Fyrsta mál á dagskrá var að mæta í hitting með dásamlegum meðbloggurum á veitingastað í Austurstrætinu. Apotekið hefur þar vaknað til lífsins flottara sem aldrei fyrr. Ég fangaði mómentin á filmu. Passið ykkur að renna ekki í gegnum póstinn mjög svöng – það gæti orðið hættulegt.
Sætar Sveinsdætur mættu í fordrykk –
Gómsætur humar sem borinn var fram með einhverskonar “Crème brûlée” –
Loksins má ég segja ykkur frá leyniverkefni sem ég hef unnið að í nokkurn tíma.
Ég held að fyrsti undirbúnings fundur með fyrirtækinu hafi verið í janúar fyrir ári síðan, í tískuborginni París sem lá svo nálægt þáverandi heimili mínu. Mikið líður tíminn hratt!
Þið hafið eflaust einhver tekið eftir smá“tease-i” á samskiptamiðlum uppá síðkastið. Um er að ræða samstarfsverkefni við NTC sem snýr að fatalínu undir mínu nafni – Moss by Elísabet Gunnars.
Í hádeginu á föstudag munum við “launcha” línunni í verslun Galleri Sautjání Kringlunni og ég er orðin voða spennt.
Við skutum lookbook með Sögu snilling Sig sem lét mér líða eins og kvikmyndastjörnu – sú er fær í sínu fagi!
Það er aldeilis mikið úrvalið í búðunum þessa dagana. Ég tók saman þrjú dress á þessum ágæta þriðjudegi fyrir Glamour Ísland. Eitt þeirra deili ég með ykkur hér á blogginu. En hin sem eru ekki síðri, finnið þið þar.
Jess ! Eftir mikla leit fann ég útvíðar buxur sem mér leið vel í. Útvítt er trend sem á eftir að taka tíma að aðlagast eftir mörg ár í niðurþröngu. Ég er samt spennt fyrir breytingunni og var búin að leita heilan helling áður en þessar urðu mínar. Ég keypti þær í tveimur litum – svörtu og gráu. Það kemur auðvitað ekki að sök að þær kostuðu 5.995 íslenskar krónur (!)
Í dressi dagsins valdi ég þægindi framyfir uppstrílun. Það verður oftast ofan á þegar ég er heima hjá mér í venjulegri rútínu. Peysuna hef ég líka notað eiginlega endalaust (hún þarf að fara í þvott hið fyrsta) en hún er flík sem ég hendi yfir mig við öll tilefni – virkilega góð kaup sem komu mér á óvart.
Stóra stundin er runnin upp, Moss by Elísabet Gunnars kemur í búðir í dag – 12:00 í Galleri Sautján Kringlunni.
Við skutum í vikunni lookbook fyrir línuna. Myndirnar að neðan hefðu aldrei orðið svona fínar ef ekki hefðu eintómir snillingar hjálpað til.Saga Sigkann sitt fag svo sannarlega og leiðbeindi byrjendanum, mér, með sinni einstöku hæfni. Mér fannst mikilvægt að vera sem líkust sjálfri mér og fékk því makeup og hár í takt við það. Theodora Mjöll rétt snerti við krullunum sem urðu ýktari fyrir vikið og Erna Hrund töfraði fram það sem hún kann best. Hulda Halldóra er hæfileikaríkasti stílisti landsins og ég er svo heppin að hún er vinkona mín – sú hjálp var ómetanleg, sérstaklega fyrir þær sakir að ég “þurfti” að sitja sjálf fyrir.
Myndir: Saga Sig Módel: Elísabet Gunnarsdóttir Stílisti: Elísabet Gunnarsdóttir & Hulda Halldóra Tryggvadóttir Makeup: Erna Hrund Hermannsdóttir Hár: Theodóra Mjöll Andleg aðstoð: Gunnar Steinn Jónsson & Rósa María Árnadóttir
Það var fyrir tilviljun að ég uppgötvaði rétt áðan að bloggið mitt á 6 ára afmæli í kvöld! Ég er alveg innilega stolt af blogginu mínu og ó það sem það hefur fært mér mörg tækifæri því gæti ég seint neitað. En toppurinn á þessu öllu er án nokkurs vafa allir lesendurnir og hvað ég hef einnig náð að kynnast mörgum ykkar sem er svo skemmtilegt. Svo væri þetta blogg alveg núll og nix ef enginn nennti að lesa það. Ég gæti skrifað heila ritgerð um hvað ég er þakklát og allt það, en ég þekki mig, ég myndi stroka það hvort sem er allt út í lokin því mér finnst oft óþægilegt að vera of persónuleg hér inná. Ég er hinsvegar með góða færslu í vinnslu sem einhverjum gæti þótt áhugaverð, en hún er um allt sem þarf að vita til að byrja að blogga! Því eitthvað ætti ég nú að hafa lært á undanförnum 6 árum, eða við skulum nú vona það a.m.k;) Ég ætla svo við tækifæri að ná að fagna þessum flotta áfanga og hvað er betra en að gefa ykkur gjöf í því tilefni! Ég var aðeins að vafra um á netinu í kvöld og fannst því tilvalið að sýna ykkur nokkur góð DIY sem ég hef verið að safna saman lengi, en þið ykkar sem hafið fylgst hvað lengst með ættuð að muna eftir óteljandi DIY færslum í byrjun. P.s. ef þið viljið vita hvernig öll þessi snilldarverkefni eru búin til, þá sjáið þið upphaflegu myndirnar í DIY möppunni á Pinterest síðu Svart á hvítu og með því að klikka á tiltekna mynd þá farið þið yfir á leiðbeiningarnar. Njótið!
Hvernig lýst ykkur annars á að fá smá leiðbeiningar um hvernig á að byrja að blogga? Fjölbreytni er frábær og það er aldeilis pláss fyrir fleiri áhugaverð blogg á markaðnum! Svo megið þið endilega smella á like-hnappinn ef ykkur lýst vel á gjafahugmyndina sem ég nefndi hér að ofan, það er alltaf mikið skemmtilegra að gefa en að þiggja, núna þarf ég bara að finna viðeigandi afmælisgjöf:)
Three Is A Magic Number !!! Til hamingju Trendnetmeð að hafa náð þeirri tölu. Trendnet fagnar í dag þriggja ára afmælisaldri – tíminn flýgur hratt …
Ég finn á mér að fjórða árið verði það besta hingað til. Margt er nefnilega í uppsiglingu sem gaman verður að segja frá á næstunni.
Hér býð ég ykkur í heimsókn á svalirnar í tilefni dagsins … mér finnst það vel við hæfi á sunnudegi því þá leyfi ég mér notalegri stundir við tölvuna eins og þið þekkið orðið flest. Í þetta sinn færði ég vinnuna (og kaffibollann) út. Skál í boðinu xxx
Ég mæli með að þið fylgist með á Trendnet þessa ágætu afmælisviku. Í tilefni áranna verða lesendur gladdir með fjöldanum öllum af glæsilegum afmælisgjöfum. En þeir sem að hjálpa okkur að gefa gjafirnar eru eftirfarandi:
Á öllum áramótum er mikilvægt að gera upp árið og þakka fyrir það sem á undan er gengið. Ég ákvað að taka saman mínar mest lesnu færslur árið 2014 en það gerði ég líka í fyrra.
Það er gaman að skoða bloggárið og sjá hversu jafnar mínar færslur eru lesnar. Það þykja mér góð tíðindi og benda til þess að ég sé að gera eitthvað rétt fyrir minn lesendarhóp.
Ég tók saman 20 færslur með ágripi og einni mynd – smellið á þær sem vekja áhuga ykkar til að vita meira.
“Af því að ég er búin að horfa á þetta myndband sirka 100x (á meðan ég á að vera að gera eitthvað allt annað og mikilvægara!) þá get ég ekki annað en deilt því hér líka. Þið getið þá kannski tekið við af mér í áhorfinu.”
“Þvílíkur léttir … ég fór í langþráða jólaklippingu fyrir helgi, en hárið var búið að vaxa extra hratt núna í haust. Þegar maður loksins þorir að klippa vel af því einu sinni þá verður ekki aftur snúið. Það er allavega þannig í mínu tilviki en þið munið eflaust einhver eftir því hversu sítt hárið á mér var í mörg ár. Mjög mörg ár. Í dag er raunin önnur.”
“Við fjölskyldan ferðuðumst til Þýskalands á dögunum en þar hoppuðum við á milli húsnæða í von um að finna nýtt heimili. Ástæðan fyrir ferðalaginu eru nefnilega væntanlegir flutningar til Þýskalands seinna í sumar þar sem Gunnar Steinn hefur skrifað undir samning við Gummersbach, það fornfræga handboltalið.”
Hver er Fanney Ingvarsdóttir?
Ég er 22 (bráðum 23) ára Garðabæjarmær. Ég er flugfreyja hjá WOW air og nýnemi í viðskiptafræði við Háskóla Íslands. Hef áhuga á öllu sem tengist íþróttum, tísku, ferðalögum, mat, hreyfingu og því góða sem lífið hefur upp á að bjóða.
“Það er eitthvað við þetta lúkk sem hefur verið að heilla mig uppá síðkastið. Að leyfa sér meiri þykkingu á augnhárin þannig að maskarinn sé sýnilegur – 70s style.”
Hver er Elfa Arnardóttir?
Ég er 27 ára gömul og uppalin í 103 RVK. Ég er það lánsöm að fá að starfa hjá Icepharma sem markaðsstjóri fyrir Nike á Íslandi og er með gráðu í verkfræði frá HR. Í hjarta mínu hef ég alltaf verið óttalegur sígauni en ég lifi fyrir að flakka um heiminn eins mikið og starfið mitt leyfir. Að því sögðu á ég á mjög erfitt með að tolla á sama staðnum í einsleitum verkefnum til lengri tíma. Ég tel mig lifa nokkuð heilbrigðum lífstíl og hef áhuga á fjölbreyttri hreyfingu, ferðaflakki og fólkinu í kring um mig.
“Ég birti grein í Nýju Lífi á dögunum frá ferðalagi mínu til Parísarfyrr í sumar og viðtal við hátískuhönnuðinn Jean Paul Gaultier. Ferðalag sem gleymist seint – vel heppnað í alla staði.”
“Morguninn byrjaði ansi vel með vel völdu fólki á Nauthól þar sem fram fór kynning á vörulínunni Y.A.S sem seld er í Vero Moda. Ég heillaðist af þessum fallega gula sem er víst nú þegar til sölu í verslunum.”
“Það fylgir Íslands heimsóknum að hafa ávallt nóg fyrir stafni. Ég vinn mikið og svo þarf að hitta allt fólkið sitt. Það sem bættist ofan á álagið í þessari heimsókn er ný íbúð sem við fjölskyldan fjárfestum í.”
“Þetta er ástæða þess hvað ég elska landið mitt mikið. Á sólríku dögunum sýnir náttúran sína fegurstu mynd en í rigningu og roki birtist einhverskonar orka yfir landið sem er erfitt að lýsa – drauma.”
Mér ásamt fleiri bloggurum var boðið í brunch í gærmorgun í Make Up Store í Smáralindinni. Tilgangurinn fyrir kynningunni var að kynna fyrir okkur nýjungar frá merkinu og línurnar sem eru framundan. Það er ótrúlega gaman að fá að skyggnast aðeins inní framtíðina hjá þessari skemmtilegu verslun – ég var að sjálfsögðu með myndavélina við höndina.
Hér sjáið þið línuna sem er í forgrunni núna Poetic. Þar er einn af fallegu marmaraugnskuggunum sem ég sýndi ykkur í gær, þessi litur er reyndar uppseldur en á morgun er von á nýrri sendingu í verslunina sem inniheldur meðal annars þennan lit.Milk línan inniheldur fallega mjúka liti, þeir eru flestir mattir og ég fæ svona smá pastelfiðring í kringum þá. Virkilega skemmtilegt sambland sem konur með blá augun ættu að sækja í ;) Þessi er í forgrunni í Make Up Store í júní.Hér er close up af augnskuggunum – varaliturinn er líka möst have!Tribe línan er mjög mikið ég, þessi er næst í forgrunni eða í maí. Litir sem henta mínu litarhafti vel. Sérstaklega gaman að í þessari línu eru tveir marmaraaugnskuggar sem ég á einmitt eftir að sýna ykkur betur.Litríka línan sem þið sjáið hér fyrir ofan man ég ekki alveg hvað heitir en hún er sjúklega skemmtileg. Mikið af skærum og áberandi litum eins og gulum og appelsínugulum tónum. Í línunni er líka einn fallegasti varalitur sem er reyndar varalitapenni sem heitir Bubblegum – ég fékk hann einmitt í goodie pokanum sem við vorum kvaddar með og ég hlakka til að sýna ykkur hann!Veitingarnar sem hún Aldís í Make Up Store töfraði fram voru vægast sagt stókostlegar. Ég sá mikið eftir því að hafa asnast til að fá mér morgunmat um morguninn. En ég reyndar náði að smakka á öllum veitingunum sem þið sjáið hér. Ég veit það er mögulega mjög kvikindislegt að sýna þessar myndir svona án þess að bjóða uppá smakk en ég varð bara að gera það…Aldís skvísa með veitingunum sínum, þetta var rosalegt hlaðborð hjá henni!!Ég og Þórunn Ívars skáluðum í smoothie.Hópurinn fíni ásamt Aldísi:)Ein speglapósa er svo möst bara svona í lokin ;)
Takk fyrir mig Make Up Store – hlakka til að eiga fleiri stundir með þessum æðislegu stelpum!
Hin hollenska Cindy er ein af mínum uppáhaldstískubloggurum, hún bloggar á COTTDS, eða come over to the dark side we have candy. Ég skoða bloggið hennar venjulega í skorpum, gleymi því vikum saman og skoða svo langt aftur í tímann. Ef að þú ert hrifin af svörtum fötum… og leðri, þá muntu fíla bloggið hennar:)
V
