fbpx

SÚKKULAÐISMÁKÖKUR MEÐ HVÍTU TOBLERONE

EFTIRRÉTTIR & KÖKURUPPSKRIFTIR

Núna er algjörlega tíminn til að baka smákökur og hafa það huggulegt. Þessar  eru afar ljúffengar og góðar. Þær eru mjúkar að innan og stökkar að utan og hvítt toblerone setur punktinn yfir i-ið. Mæli með að baka þær um helgina! :)

100 g púðursykur
50 g smjör (við stofuhita)
1 egg
150 g suðusúkkalaði
1 tsk vanilludropar
100 g hveiti
1 tsk lyftiduft
50 g möndlumjöl
100-200 g hvítt toblerone

Aðferð

  1. Bræðið helminginn af suðusúkkulaðinu yfir vatnsbaði og saxið hinn helminginn í litla bita.
  2. Hrærið saman smjör og púðursykur.
  3. Blandið egginu við og hrærið þar til blandan verður létt og ljós.
  4. Bætið við bárðnu súkkulaði og vanilludropum og hrærið.
  5. Sigtið hveiti og lyftiduft út í blönduna og hrærið. Að lokum blandið við saxaða suðusúkkulaðinu og möndlumjöli. Kælið deigið vel.
  6. Brjótið toblerone í bita og skerið þríhyrningana í tvennt.
  7. Notið teskeið til þess að gera litlar kúlur úr deiginu og setjið á smjörpappír. Þær stækka vel þannig að hafið gott bil á milli þeirra. Því næst setjið toblerone bitana ofan á kúlurnar.
  8. Bakið við 180°C í 10-12 mínútur.

VERÐI YKKUR AÐ GÓÐU & NJÓTIÐ DAGSINS! 

// HILDUR RUT

INSTAGRAM: @hildurrutingimars

LJÚFFENGUR BRÖNS : EGG BENEDICT

Skrifa Innlegg