Þessi drykkur er í miklu uppáhaldi þessa dagana. Ég elska að byrja daginn á þessum gómsæta kaffi boozt drykk sem ég útbjó í samstarfi við Sjöstrand á Íslandi. Hann er svo orkuríkur og góður og hentar líka vel fyrir þá sem eru vegan. Ég nota tvöfalt espresso skot frá Sjöstrand, banana, döðlur, hnetusmjör, haframjöl, hampfræ, kakó og möndlumjólk. Þetta er í morgunmatinn hjá mér nokkra daga vikunnar og ég elska það. Þið verðið bara að prófa!
Uppskrift gerir einn drykk
1-2 espresso skot Sjöstrand nr.1
2 dl möndlumjólk
1 frosinn banani
3 döðlur
1 msk hnetusmjör
1 msk haframjöl
1 tsk hampfræ
1 tsk kakóduft
4-6 klakar
Aðferð
- Útbúið 1-2 kaffiskot í glas. Bætið 1-2 klökum saman við kaffið og kælið.
- Setjið öll hráefnin saman í blandara og hrærið vel saman.
- Hellið í glas og njótið.
Mér finnst alltaf gaman að heyra frá ykkur ef að þið prófið! :)
VERÐI YKKUR AÐ GÓÐU!♥
// HILDUR RUT
INSTAGRAM: @hildurrutingimars
Skrifa Innlegg