Einfalt, fljótlegt og ofur gómsætt sítrónupasta sem klikkar ekki. Ég útbjó þessa dásemdar uppskrift í samstarfi við Innnes. Spaghetti með Philadelphia rjómaosti, sítrónu, sveppum, parmesan osti, hvítlauk og fleira góðu. Ég elska svona pastarétti sem eru fljótlegir en samt svo æðislega góðir en það tekur um 20-30 mínútur að útbúa þennan. Innblásturinn af uppskriftinni fékk ég frá Sigríði vinkonu minn sem bjó til svo svakalega gott sítrónupasta fyrir mörgum árum síðan. Passar afar vel með ísköldu hvítvínsglasi og hvítlauksbrauði.
Fyrir 3-4
300-400 g spaghetti frá De cecco
Ólífuolía
3 skarlottulaukar
2 hvítlauksrif, pressuð
150 g kastaníusveppir
150 g venjulegir sveppir
100 g spínat
1 pkn Philadelphia rjómaostur
1 sítróna
1 dl steinselja, smátt söxuð
1 dl parmigiano reggiano, rifinn
Salt & pipar
Aðferð
- Byrjið á því að sjóða spaghetti samkvæmt leiðbeiningum.
- Á meðan útbúið þið sósuna. Skerið sveppi og skarlottulauk og rífið sítrónubörkinn.
- Steikið skarlottulaukinn og hvítlaukinn upp úr ólífuolíu. Bætið sveppunum við og steikið þar til þeir hafa aðeins mýkst. Því næst bætið þið við spínati og blandið saman.
- Hrærið rjómaostinum út í ásamt safa úr einni sítrónu, sítrónuberki, steinselju og parmigiano. Saltið og piprið eftir smekk.
- Blandið spaghettinu saman við sósuna og berið fram með rifnum parmigiano og steinselju.
VERÐI YKKUR AÐ GÓÐU! ♥
// HILDUR RUT
INSTAGRAM: @hildurrutingimars
Skrifa Innlegg