fbpx

Hildur Rut

BOLLAKÖKUR MEÐ DAIM

EFTIRRÉTTIR & KÖKURSAMSTARFUPPSKRIFTIRVEISLUR

Þessar dásamlegu bollakökur gerði ég í samstarfi með Innnes og ó vá hvað þær eru góðar! Daim súkkulaði er í miklu uppáhaldi hjá mér og ég hef lengi ætlað að prófa að gera bollakökur með því hráefni. Ég viðurkenni að það er orðið frekar langt síðan að ég gerði bollakökur en þetta er fyrsta bollaköku uppskriftin sem kemur frá mér. Bollakökurnar innihalda daim og kremið inniheldur rjómaost og brætt Daim. Sannkölluð Daim bomba!

Uppskriftin gerir 12 bollakökur
2,5 dl hveiti
1 dl púðursykur
1 dl sykur
1 tsk lyftiduft
½ tsk salt
½ tsk matarsódi
2 msk kakó
90 g smjör, brætt
2 egg
½ dl mjólk
1 msk ólífuolía
1 tsk vanilludropar
1 poki daim kúlur (100 g)

Krem
100 g Philadelphia rjómaostur
100 g smjör við stofuhita
5 dl flórsykur
½ poki daim kúlur (50 g)
⅔ dl rjómi

Toppa svo með söxuðum Daim kúlum

Aðferð

  1. Byrjið á því að hita ofninn í 180°C.
  2. Blandið saman hveiti, púðursykri, sykri, kakó, lyfitdufti, salti og matarsóda í skál.
  3. Bætið út í bræddu smjöri, eggjum, mjólk, ólífuolíu, vanilludropum og hrærið vel saman. Ég nota hrærivélina og hræri á hraðri stillingu þangað til deigið er orðið slétt og fínt.
  4. Bætið daim kúlunum saman við með sleif í lokin.
  5. Klippið bökunarpappír í stærð 12×12 eða notið tilbúin bollakökuform. Dreifið pappírnum/formunum í stórt bollakökuform/bollakökubakka. Ég nota form sem er fyrir 12 kökur. Mér finnst gott að smyrja botninn með smá smjöri þannig að smjörpappírinn haldi sér. Ég nota svo dós eða annað hringlótt ílát sem passar í formin til að móta smjörpappírinn. 
  6. Dreifið deiginu jafnt í bollakökuformin og bakið í 25-30 mínútur eða þar til bollakökurnar eru fullbakaðar. Mér finnst gott að stinga í þær með tannstöngli til að sjá hvort að þær eru orðnar bakaðar.
  7. Á meðan kökurnar eru að bakast þá er gott að útbúa kremið.

Krem

  1. Bræðið Daim kúlurnar og rjóma í potti. Kælið vel.
  2. Hærirð rjómaostinum og smjörinu saman í hrærivél á hröðustu stillingu þar til að það verður „flöffý“. 
  3. Bætið flórsykri og bræddu Daim saman við rjómaostablönduna og hrærið á rólegri saman. Bætið flórsykri saman við ef ykkur finnst það þurfa.
  4. Setjið kremið í sprautupoka og dreifið ofan á allar kökurnar eftir smekk. 
  5. Í lokin stráið söxuðu Daim kúlum ofan á kökurnar. 

Mér finnst alltaf gaman að heyra frá ykkur ef að þið prófið! ;)

VERÐI YKKUR AÐ GÓÐU & NJÓTIÐ DAGSINS!

// HILDUR RUT

INSTAGRAM: @hildurrutingimars

TACO MEÐ KJÚKLINGI OG FERSKUM MAÍS

Skrifa Innlegg