Mig langar að byrja á að segja gleðilegt GayPride kæru Íslendingar! Ég vona að við fögnum fjölbreytileikanum jafn mikið í dag og alla aðra daga! Ást er nefnilega svo stórskemmtilegt fyrirbæri, sama í hvaða mynd hún er! <3
Ég átti vægast sagt meiriháttar verslunarmannahelgi, eða verslunarmannaviku eins og það var í mínu tilfelli. Yndislega stóra systir mín sem er búsett í Kaupmannahöfn ásamt fjölskyldu sinni voru öll hér í fríi og nýttum við það vel og skemmtilega. Á mánudaginn fyrir verslunarmannahelgi fórum við fjölskyldan, þ.e. foreldrar mínir, systur mínar, makar og börn í sumarbústað hjá tengdaforeldrum mínum í Úthlíð. Þar áttum við afar notalegar stundir saman fram á miðvikudagskvöld. Dásamleg samvera og enn betra að hafa danska fólkið mitt með!
Á föstudeginum brunuðum við svo upp í Borgarfjörð þar sem við eyddum Verslunarmannahelginni með vinum okkar í sumarbústað! Við vorum 5 pör ásamt börnum og skemmtum við okkur konunglega. Við lifum öll enn á þeirri helgi, svo gaman var það! Við fengum dásamlegt veður en sólin skein á okkur nánast allan tímann, borðuðum góðan mat, drykki og sungum og spiluðum fram á nótt! Við komum svo heim á sunnudeginum en þá átti Inga Rún, stóra systir mín 35 ára afmæli, hvorki meira né minna. Því var haldið beinustu leið í Garðabæinn í meiriháttar afmælisdinner! Sunnudagskvöldið endaði svo óvænt í drykkjum með vinum okkar niðri í bæ!
Fjölskyldan skálar fyrir afmælisbarninu í miðjunni 5. ágúst! Við söknuðum Önnu Guðnýjar litlu systur og Sölva sem voru í Brussel!
Til að slá botninn í þessa mögnuðu helgi var svo haldin afmælisveisla fyrir systur mína á mánudeginum. Það var meiriháttar veður svo úr varð stórskemmtilegt garðpartý með stórfjölskyldunni! Til hamingju með daginn elsku systir mín. Þú ert frábær!
Takk allir sem komu að þessari dásamlegu helgi og fyrir að gera hana svona skemmtilega! Vá hvað við erum heppin með fólkið í kringum okkur! Vonandi var ykkar verslunarmannahelgi jafn skemmtileg!
Þangað til næst,
xxx Fanney
Instagram: fanneyingvars
Skrifa Innlegg