Um helgina fórum við fjölskyldan saman í smá ferðalag norður. Ég verð að viðurkenna að ég var frekar stressuð fyrir helginni. Ég var ekki viss um að hún gæti verið svona lengi í bíl, eða gist á nýju heimili, vakið langt fram á kvöld eða verið í kringum svona mikið fólk. ÆÆ elsku covid börnin 🙉 & já svo eru það líka við covid foreldrarnir …
Við lögðum af stað þegar Emilía átti að taka fyrsta lúrinn sinn & hún svaf í næstum 1,5 tíma. Síðan stoppuðum við í staðarskála til þess að borða, skipta á börnunum & leyfa þeim aðeins að skoða sig um (mikilvægt að hreyfa sig smá & fá smá útrás). Það tekur nefnilega á að sitja lengi í bíl, líka fyrir mig 😄 Ég var allavega ein af þeim börnum sem spurði trilljón sinnum á leiðinni norður ,,hvað er langt eftir?’’. Greyið mamma mín & pabbi.
En svo stoppuðum við næst til þess að fara í sund í Þelamörk sem er rétt fyrir utan Akureyri. Það var mjög fínt að hoppa aðeins í laugina áður en við komum okkur síðan fyrir í íbúðinni.
Þessi bílferð gekk eins & í sögu 👌🏻 Ég var með bækur & dót fyrir hana til þess að skoða.
Við leigðum mjög notalega íbúð á Akureyri með Fríðu systur Tómasar & fjölskyldunni hennar sem eru líka með einn lítinn dúllurass á sama aldri & E & einn sætann 3 ára. Það var gaman að við vorum í þessu saman, báðar alveg jafn stressaðar fyrir þessu ferðalagi haha!
Við eyddum heilum degi á Hauganesi sem er lítið þorp í Eyjafirði.
Virkilega fallegur staður sem ég mæli með að kíkja á ef þið eigið leið hjá.
Eins & þið sjáið á myndunum þá var veðrið ekkert að ákveða sig. En hver er ekki vanur því sem býr hér 😑 Hauganes var allavega súper NÆS þegar þessi gula lét sjá sig.
Emilía var svona hress & ánægð með fríið … svo er þetta tannlausasta bros ekki lengur svo tannlaust þar sem tvær fyrstu tennurnar komu upp um helgina & ég fékk auðvitað smá kusk í augun 🙈 Stóra stelpan mín.
Partýpinninn ákvað síðan að segja þetta gott kl 21 á laugardagskvöldinu ❣️ ef þetta er ekki það sætasta þá veit ég ekki hvað.
Á sunnudeginum borðuðum við brunch með Elísabetu & co fyrir brottför. Svo næs!
Þessi helgi var yndisleg & ég er svo ánægð að við skelltum okkur. Maður vill svo mikið geta farið með þau allt en þegar maður er svona mikið heima & þau ekki vön því að ferðast … þá er það aðeins erfiðara. Ég á það stundum til að mikla hlutina fyrir mér en þetta voru ekkert nema góðar minningar. Núna langar mig bara að gera helling meira skemmtilegt með henni.
Instagram: arnapetra
YouTube: Arna Petra
Skrifa Innlegg